Friday, March 1, 2024

ၵူၼ်းမိူင်းၼွင်ၶဵဝ် ၺႃးၸၢၵ်ႇမၢၵ်ႇသိုၵ်းမၢၼ်ႈသေ တၢႆ 2 မၢတ်ႇ 1

Must read

သိုၵ်းမၢၼ်ႈလၢမ်းလိမ်းယိုဝ်းၵွင်ႈလူင်သႂ်ႇၼႂ်းဢိူင်ႇၼႂ်းဝၢၼ်ႈလႄႈ ၵူၼ်းမိူင်းၼွင်ၶဵဝ် လူႉတၢႆ 2 မၢတ်ႇၸဵပ်း 1။

မိူဝ်ႈဝၼ်းတီႈ 26/11/2023 ယၢမ်းၵၢင်ဝၼ်း 11 မွင်းၼၼ်ႉ သိုၵ်းမၢၼ်ႈလၢမ်းလိမ်းယိုဝ်းၵွင်ႈၵႂႃႇ ၵူႈႁူးၵူႈတၢင်းလႄႈ မၢၵ်ႇလူင်တူၵ်းသႂ်ႇ ဝၢၼ်ႈသၢမ်သႄႇ ၵူၼ်းမိူင်း တၢႆ 2  မၢတ်ႇၸဵပ်း 1။

- Subscription -

ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “ မၢၵ်ႇမႃးတူၵ်းသႂ်ႇ တၢႆ 2 ၵေႃႉဢေႃႈ။ ၵေႃႉၼိုင်ႈ တိုၵ်ႉသႂၢင်းႁႅင်းၾူၼ်းယူႇ မၢၵ်ႇတူၵ်းသႂ်ႇလႄႈ တၢႆထင်တီႈ။ တူၵ်းသႂ်ႇထႅင်ႈၵေႃႉၼိုင်ႈၵေႃႈ တိုၵ်ႉပႆတၢင်း ယူႇႁိမ်းႁူင်းႁဵၼ်းၼၼ်ႉဢေႃႈ ။ တၢင်ႇႁိူၼ်းတႄႉ ဢမ်ႇမီးၽႂ်တိူဝ်ႉၸွမ်းၼင်ႇၵဝ်ႇ” – ဝႃႈၼႆ။

ၵူၼ်းဢၼ်ၺႃး မၢၵ်ႇလူင်တူၵ်းသႂ်ႇသေ လူႉတၢႆၼႆႉ ဢႃယုသႅၼ်း 40 ပၢႆ တင်းသွင်ၵေႃႉ။လိူဝ်ၼၼ်ႉ မီးၵူၼ်းမၢတ်ႇၸဵပ်း ၵေႃႉၼိုင်ႈ လႆႈႁူႉၼင်ႇၼႆ။

ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “ သိုၵ်းမၢၼ်ႈၼႆႉ လုၵ်ႉတၢင်းပၢင်ႇဢူႈလူင်သေ မႃးပၵ်းတပ်ႉပၢင်သဝ်းၶဝ် တီႈတၢင်းၽႄဢုမ်းသျီးၼၼ်ႉသေ ပိုတ်းယိုဝ်းၵူႈဝၼ်းဢေႃႈ။ဝၢႆႇပၢၵ်ႇၵွင်ႈၶဝ် မႃးတၢင်းဝၢၼ်ႈၼႆႉ။မၢင်ႁိူၼ်းတႄႉ ပၢႆႈဝႆႉထႃႈယဝ်ႉလႄႈ လွတ်ႈတၢင်းတၢႆ ” – ဝႃႈၼႆ။

မိူဝ်ႈပူၼ်ႉမႃး ဝၼ်းတီႈ 15/11/2023 ၼၼ်ႉၵေႃႈ သိုၵ်းမၢၼ်ႈယိုဝ်းၵွင်ႈလူင် တူၵ်းသႂ်ႇၼႂ်းဝၢၼ်ႈၸီးၽျူႇၼၼ်ႉသေ လုၵ်ႈဢွၼ်ႇ 2 ၵေႃႉ လူႉတၢႆထင်တီႈ ၵေႃႉပဵၼ်မႄႈလႄႈ လုၵ်ႈဢွၼ်ႇလဵၵ်ႉထႅင်ႈၵေႃႉၼိုင်ႈ မၢတ်ႇၸဵပ်းႁၢဝ်ႈႁႅင်း လႆႈယူတ်းယႃတူဝ်တီႈႁူင်းယႃလူင် ပၢင်ႁူႈ ၼႆယဝ်ႉ။

ၸုမ်းဢူၺ်းလီပွတ်းႁွင်ႇႁူမ်ႈ PDF လေႃႇတိုၵ်းသိုၵ်းမၢၼ်ႈမႃး ၶိူဝ်းယႂ်းလႄႈ ၵူၼ်းၸႄႈဝဵင်းၼွင်ၶဵဝ် လႆႈပၢႆႈၽေးသိုၵ်း မီးႁိမ်း 3 ႁဵင် ပဵၼ်ၵူၼ်းဝၢၼ်ႈ သဖန်းကိုင်း၊ သုံးဆယ်၊ ငို့ကလေး၊ အင်းဝိုင်း၊ ဘန့်ဘွေး ၸဵမ်ၸိူဝ်းၼႆႉ။ မိူဝ်ႈလဵဝ် ၵူၼ်းဝၢၼ်ႈၸိူဝ်းၼႆႉ ပၢႆႈသွၼ်ႈယူႇၸွမ်း ႁိူၼ်းယေးပီႈၼွင်ႉၼႂ်း ဝဵင်းပၢင်ႇဢူႈ (ပၢင်ႁူႈ) လႄႈ ဝတ်ႉၵျွင်းၸိူဝ်း ၼႂ်းဝဵင်းပၢင်ႁူႈ မိူၼ်ၼင်ႇ ဝတ်ႉဢွင်ႇၶျၢမ်းသႃႇ၊ ၵမ်ႈၽွင်ႈ ပၢႆႈသွၼ်ႈယူႇၸွမ်း ဝၢၼ်ႈၶိူဝ်းၼိမ်း ၼႂ်းၵႄႈသဵၼ်ႈတၢင်း မိူင်းၵုတ်ႈ-ပၢင်ႁူႈ ၸိူဝ်းၼႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း