Sunday, May 26, 2024

ၼုမ်ႇၸၢႆးမူႇၸေႊၵေႃႉၼိုင်ႈ ၺႃးတီႉၺွပ်းၵႂႃႇပဵၼ်တူဝ်ယိူဝ်ႇ

Must read

ၶၢဝ်းတၢင်း ၸုမ်းသိုၵ်းဢူၺ်းလီပွတ်းႁွင်ႇလႄႈ သိုၵ်းမၢၼ်ႈ ပိုတ်းယိုဝ်းၵၼ်ႁၢဝ်ႈႁႅင်းၼႆႉ ၵူၼ်းၸိူဝ်းဢဝ်တိုဝ်ႉတၢင်းလီသေ ပႂ်ႉလွၵ်ႈငိုတ်ႈယွၼ်းငိုၼ်းၵူၼ်းမိူင်းၵေႃႈ မီးမႃးၶိူဝ်းယႂ်း။

မိူဝ်ႈဝၼ်းတီႈ 28/11/2023 ယၢမ်းၶမ်ႈ 6 မူင်းၶိုင်ႈၼၼ်ႉ မီးၸုမ်းဢမ်ႇႁူႉၾၢႆႇ ၶဝ်ႈတီႉၺွပ်းၵူၼ်းမိူင်းမူႇၸေႊထိုင်ၼႂ်းႁိူၼ်းၼႂ်းယေး တီႉၺွပ်းၵႂႃႇပဵၼ်တူဝ်ယိူဝ်ႇ လႆႈႁူႉၼင်ႇၼႆ။

- Subscription -

ၵူၼ်းပိုၼ်ႉတီႈၵေႃႉၼိုင်ႈလၢတ်ႈတီႈ ၽူႈတွႆႇႁွၵ်ႈဝႃႈ – “ ၸႂ်ႈဢေႃႈ ၶဝ်မႃးတီႉၺွပ်းၵူၼ်းၵႃႉ ၶဝ်ႈသၢၼ် တီႈလူင်းၵွင်း 45 ၼႂ်းပွၵ်ႉၼိူဝ်ၼၼ်ႉၼႆဢေႃႈ။ၼုမ်ႇၸၢႆးၵေႃႉၼိုင်ႈၵႂႃႇၼႆဢေႃႈ။ မႄႈမၼ်းလႄႈ ၼွင်ႉယိင်းမၼ်းသမ်ႉ ၶိုၼ်းတုမ်ႉတွပ်ႇၶိုၼ်းလႄႈ ၺႃးယိုဝ်း မၢတ်ႇၸဵပ်းတင်းသွင်ၵေႃႉ။ၵေႃႉပဵၼ်မႄႈ တိူဝ်ႉၺႃးတီႈၶႃၼႆဢေႃႈ ” – ဝႃႈၼႆ။

ၵူၼ်းၸၢႆးၵေႃႉဢၼ် ၺႃးတီႉၺွပ်းၵႂႃႇၼႆႉ ပဵၼ်ၼုမ်ႇၸၢႆး ဢႃယု 20 ပၢႆ ၊ ၸိုဝ်ႈမႄႈႁွင်ႉ ပႃႈၼၢင်းၶမ်းမူဝ်း ယူႇပွၵ်ႉၼိူဝ် ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။လွင်ႈၼႆႉ တီႉၺွပ်းၵၼ်ပဵၼ်တူဝ်ယိူဝ်ႇၼႆယဝ်ႉ။

ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “ ၸုမ်းဢမ်ႇႁူႉၾၢႆႇၸိူဝ်းၼႆႉ လႅပ်ႈတေၶႂ်ႈလႆႈငိုၼ်းသေလႄႈ မႃးၺွပ်းၵူၼ်းမိူင်းၵႂႃႇပဵၼ်တူဝ်ယိူဝ်ႇဢေႃႈၼၼ်ႉ ။ ဢမ်ႇလႅပ်ႈမၼ်းပၼ်ႁႃသင်ၵၼ်တင်းၸုမ်းလႂ် ။ မိူဝ်ႈလဵဝ် ၶဝ်တီႉၺွပ်းဢဝ်ၵူၼ်းၸၢႆးၵေႃႉၼႆႉ ၵႂႃႇဝႆႉတီႈလႂ် တေႁဵတ်းသင်တေႉတေႉ ပႆႇႁူႉႁူဝ်ယွႆႈမၼ်း ” – ဝႃႈၼႆ။

ၶၢဝ်းတၢင်းသဵင်ၵွင်ႈသဵင်မၢၵ်ႇတႅၵ်ႇၼၼ်ႈမေႃးယူႇၼႂ်းၸိုင်ႈတႆးပွတ်းႁွင်ႇၼႆႉ ၵႆႉမီးၸုမ်းဢမ်ႇႁူႉၾၢႆႇ ဢဝ်တိုဝ်ႉတၢင်းလီသေ ၶဝ်ႈလၵ်ႉၶဝ်ႈၸူၼ်ၵူၼ်းမိူင်းမႃးၶိူဝ်းယႂ်း။ မိူၼ်ၼင်ႇ ဝၼ်းတီႈ 25/11/2023 ၼႆႉ ယၢမ်းၵၢင်ဝၼ်း 11 မူင်းၶိုင်ႈၼၼ်ႉၵေႃႈ  ၽွင်းၵူၼ်းလႃႈသဵဝ်ႈ ၵႂႃႇသီႇပေႃႉသေ ပွၵ်ႈၶိုၼ်းႁိူၼ်းၼၼ်ႉ မႃးၺႃး ၵူၼ်းပႃးၵွင်ႈပွတ်းသေ ပႂ်ႉႁေႉပွတ်းတၢင်းယွၼ်းငိုၼ်း ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း