မိူဝ်ႈၼႆႉ ဝၼ်းတီႈ 19/11/2023 ၶၢဝ်းယၢမ်း 5 မူင်းၶိုင်ႈ လုင်းၸၢႆးဢုင်းၵျေႃႇ ဢႃယု 79 ပီ ၵေႃႉယၢမ်ႈပဵၼ်ၽွင်းတႅၼ်းသၽႃးၸိူဝ်ႉၸၢတ်ႈ ပႃႇတီႇႁူဝ်သိူဝ် SNLD ၸႄႈဝဵင်းၵျွၵ်ႉမႄး (ပီ 2015 -2020) လူႉသဵင်ႈသုတ်းမုၼ်ၵႂႃႇ တီႈႁိူၼ်းမၼ်းၸၢႆး။
ၵူၼ်းၼႂ်းပိုၼ်ႉတီႈဝဵင်းၵျွၵ်ႉမႄးၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “ ၸႂ်ႈဢေႃႈ ပဵၼ်တၢင်းပဵၼ်ၵူၼ်းထဝ်ႈၵူၺ်းၶႃႈ။မိူဝ်ႈၵၢင်ဝၼ်းၼၼ်ႉတႄႉ ပဵၼ်ႁႅင်းဝႆႉၼႆလႄႈၵူၼ်းယူႇႁိမ်းၵိၼ်ၸမ်ၵၼ် ၸွႆႈသူင်ႇယူတ်းယႃတူဝ် တီႈႁူင်းယႃပုၼ်ႉဢေႃႈ။ၵူၺ်းၼႃႇ မေႃယႃၶဝ်လၢတ်ႈဝႃႈ ဢမ်ႇလႅပ်ႈလႆႈယဝ်ႉၼႆလႄႈ ၶိုၼ်းဢဝ်မႃးတီႈႁိူၼ်းၶိုၼ်းသေ မႃးလူႉတီႈႁိူၼ်းၼႆႉဢေႃႈ ” – ဝႃႈၼႆ။
လုင်းၸၢႆးဢုင်းၵျေႃႇၼႆႉ တႄႇၼႃႈႁိူၼ်းၸွမ်း ပႃႈၸိင်ႇၼူႉ ယူႇဝႆႉၼႂ်းပွၵ်ႉ 2 ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။
ဝၼ်းဢၼ်လူႉတၢႆၼႆႉၵေႃႈ တူၵ်းမႅၼ်ႈဝၼ်းၵိူတ်ႇမၼ်းၸၢႆးထႅင်ႈ လႆႈႁူႉၼင်ႇၼႆ။
မိူဝ်ႈလဵဝ် ၵူၼ်းဝၢၼ်ႈၵူၼ်းသူၼ်လႄႈ ၵူၼ်းႁူမ်ႈႁိူၼ်း တေဢုပ်ႇဢူဝ်းၵၼ်သေ တေၶိုင်ႁၢင်ႈႁႅၼ်းတႃႇပၢင်ၸႃႉပၼႃႉၵႂႃႇ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ