မိူဝ်ႈဝၼ်းတီႈ 8/11/2023 ယၢမ်းၶမ်ႈ 6 မူင်း မီးၵူၼ်းဢမ်ႇႁူႉၾၢႆႇ 2 ၵေႃႉ ၸူၼ်ႁိမ်ဢဝ် ငိုၼ်းၵူၼ်းမိူင်းပိုၼ့်တီႈ တီႈၽၵ်းတူႈ ႁေႃၶမ်းလူင် (နန်းတော်ပေါက်) ၸႄႈဝဵင်းမူႇၸေႊ ၵူၼ်းမိူင်းႁူမ်ႈၵၼ် တီႉၺွပ်း လႆႈတင်း 2 ၵေႃႉယဝ်ႉ ဝႃႈၼႆ။
ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “ ၶဝ်ဢဝ်ၽႃႉမိတ်ႈငႃသေ ၸူၼ်ပိူၼ်ႈၼႆဢေႃႈ ။ ၶဝ်ဢၢၼ်းႁိမ်ဢဝ် ဢႅပ်ႇငိုၼ်း ။ ၵူၼ်းမိူင်းႁူမ်ႈၵၼ် တီႉၺွပ်းလႆႈ တင်းသွင်ၵေႃႉသေ သူင်ႇပၼ်ပလိၵ်ႈယဝ်ႉ ” – ဝႃႈၼႆ။
ၸႄႈဝဵင်းမူႇၸေႊၼႆႉ ပဵၼ်လႅၼ်လိၼ် တႆး – ၶႄႇ ၵူၼ်းတၢင်ႇတီႈသီႇလႅၼ်မႃးထင်သဝ်းၼမ် ။ လွင်ႈလၵ်ႉၸၵ်ႉၶုတ်ႈၵေႃႈ မီးမႃးၶိူဝ်းယႂ်း ။ ၵူၼ်းမိူင်း ဢမ်ႇမီးလွင်ႈႁူမ်ႇလူမ်ႈ ။
ၶၢဝ်းတၢင်းသိုၵ်းမၢၼ်ႈယိုတ်းမိူင်းမႃးၼႆႉ ၸုမ်းလုၵ်ႉၽိုၼ်ႉ ၊ၸုမ်းယိပ်းၵွင်ႈၵၢင်ႇလၢႆၸုမ်း ၶိုင်ပိုတ်းယိုဝ်းသိုၵ်းမၢၼ်ႈမႃး ၶိူဝ်းယႂ်ႇ။ တႄႇဢဝ် ဝၼ်းတီႈ 27/10/2023 ၼၼ်ႉမႃး ၸုမ်းဢူၺ်းလီ ပွတ်းႁွင်ႇ တိုၵ်းတေႃး သိုၵ်းမၢၼ်ႈမႃး ၶိူဝ်းယႂ်းႁဵတ်းႁႂ်ႈ ၵူၼ်းမိူင်းလႆႈပၢႆႈ ယၢၼ်ၽၢတ်ႇႁိူၼ်းယေးတင်းၼမ်။တီႈယူႇတၼ်းသဝ်းၵူၼ်းမိူင်းၵေႃႈ ထုၵ်ႇႁဵတ်းႁၢႆႉ။
မိူၼ်ၼင်ႇ ဝၼ်းတီႈ 6/11/2023 ယၢမ်းႁူဝ်ၶမ်ႈၼၼ်ႉၵေႃႈ မီးၵူၼ်းၸုမ်းၼိုင်ႈပွႆႇမၢၵ်ႇသႂ်ႇယေးငိုၼ်း CB Bank ဝဵင်းသႅၼ်ဝီသေ ၶဝ်ႈဢဝ်ငိုၼ်းၵႂႃႇ ႁဵတ်းႁႂ်ႈၵူၼ်းမိူင်းႁိမ်းႁွမ်းတူၵ်းၸႂ်ၵူဝ်ႁႄ လႆႈၶၢႆႉပၢႆႈၵႂႃႇယူႇသဝ်းဝႆႉတီႈလွတ်ႈၽေး။
 ၸႄႈဝဵင်းမူႇၸေႊ ၵူၼ်းမိူင်းႁူမ်ႈၵၼ် တီႉၺွပ်း လႆႈတင်း 2 ၵေႃႉယဝ်ႉ ဝႃႈၼႆ။){kind=link}