Friday, March 1, 2024

ၽူဝ်ၽၼ်းၶေႃးမေးတၢႆ ဢဝ်ၵႂႃႇပႅတ်ႈတူၵ်းၼမ်ႉ တီႈဝဵင်းမိူင်းသၢတ်ႇ

Must read

ၽူဝ်မေးၽိတ်းၵၼ် ၵေႃႉပဵၼ်ၽူဝ်ၽၼ်းၶေႃးမေးၸဝ်ႈၵဝ်ႇတၢႆ ပႅတ်ႈတူၵ်းၼမ်ႉ တီႈၸႄႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇ။

မိူဝ်ႈဝၼ်းတီႈ 11/10/2023 ယၢမ်းၵၢင်ၼႂ်  ၵူၼ်းၸၢႆးၵေႃႉၼိုင်ႈ တီႈပွၵ်ႉႁူဝ်ၼႃး ၸႄႈဝဵင်းမိူင်းသၢတ်ႇ ၽၼ်းၶေႃးမေးၸဝ်ႈၵဝ်ႇ တၢႆသေ ပႅတ်ႈတူၵ်းၼမ်ႉ။

- Subscription -

ၵူၼ်း မိူင်းသၢတ်ႇၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “ ငိၼ်းဝႃႈတႄႉ ၶႃၽူဝ်မေးၼႆႉ ၵႆႉထဵင်ၵႆႉမေႃးၵၼ် ယူႇတႃႇသေႇၼႆဢေႃႈ။ မေးမၼ်းယၢမ်ႈပၢႆႈပႅတ်ႈယဝ်ႉလၢႆပွၵ်ႈၼႆ။ ၵူၺ်းၼႃႇ ပွၵ်ႈၼႆႉ မေးမၼ်းမႃးႁိူၼ်းၶိုၼ်းႁေ ၽိတ်းၵၼ်ထႅင်ႈ။ လုၵ်ႈယိင်းၶဝ်သမ်ႉ ၵႂႃႇၶိုၼ်ႈပႂ်ႉပိူၼ်ႈဝႆႉ။ပွၵ်ႈၼႆႉ ၶႃၽူဝ်မေးၽိတ်းၵၼ်ထဵင်ၵၼ်ႁိုင်ဝႆႉလႄႈ ၵူၼ်းႁိမ်းႁွမ်း ထူဝ်းႁႃလုၵ်ႈယိင်းၶဝ်ႁႂ်ႈမႃးတူၺ်း။ ၽိူဝ်ႇလုၵ်ႈယိင်းမႃးထိုင် မၼ်းပေႃးၽၼ်းမေးမၼ်းတၢႆသေ ၵႂႃႇပႅတ်ႈတူၵ်းၵေးၼမ်ႉ ဢၼ်မီးၼႂ်းဝၢၼ်ႈၶဝ်ၼၼ်ႉယဝ်ႉ။  မၼ်းလႅပ်ႈမဝ်းယႃႈသေဢမ်ႇမီးသတိ ။ ၽၼ်း ၶေႃးမေးမၼ်း ၶဝ်ႈလိုၵ်ႉမွၵ်ႈ 3 ၼိဝ်ႉၼႆႉ   ” – ဝႃႈၼႆ။

ၵေႃႉဢၼ်ၺႃးၽၼ်းတၢႆၼႆႉ ၸိုဝ်ႈ ပႃႈၵျႃႇ ဢႃယု 60 ပီ ၊ ၽူဝ်မၼ်း ပဵၼ် လုင်းသူႇလိင်ႇ ယူႇပွၵ်ႉႁူဝ်ၼႃး ၸႄႈဝဵင်းမိူင်းသၢတ်ႇ ။  

ဝၢၼ်ႈႁူဝ်ၼႃးၼႆႉ မီးၾၢႆႇႁွင်ႇဝဵင်းမိူင်းသၢတ်ႇ ယၢၼ်ဝဵင်းမွၵ်ႈ 10 လၵ်းပၢႆ၊ ၵေးၼမ်ႉဢၼ်လုင်းသူႇလိင်ႇဢဝ်တူဝ်တၢႆပႃႈၵျႃႇၵႂႃႇပႅတ်ႈတူၵ်းၼၼ်ႉ ၵူၼ်းၼႂ်းဝၢၼ်ႈႁွင်ႉဝႃႈ ၵေးၼမ်ႉၶမ်း လႆႈႁူႉၼင်ႇၼႆ။

ၵူၼ်း မိူင်းသၢတ်ႇၵေႃႉၼိုင်ႈ လၢတ်ႈဝႃႈ – “  လုၵ်ႈယိင်းမၼ်းၵႂႃႇလၢတ်ႈတီႈၽူႈမီးပုၼ်ႈၽွၼ်းသေ  ၽူႈၵွၼ်းပွၵ်ႉလႄႈ ပလိၵ်ႈ  မႃးၺွပ်းဢဝ်တူဝ် လုင်းသူႇလိင်ႇၵႂႃႇ ။ ပလိၵ်ႈၶဝ်ၵႂႃႇဢဝ်တူဝ်တၢႆမၼ်းၼၼ်ႉ ႁၢမ်ႈၵူၼ်းဝၢၼ်ႈၵႂႃႇတူၺ်းၸွမ်း ႁၢမ်ႈပေႃႉၶႅပ်းႁၢင်ႈ ဢမ်ႇပၼ်ၵဵပ်းၶေႃႈမုၼ်းသင်။လီတူၵ်းၸႂ်ၼႃႇ လွင်ႈၸိူင်ႉၼႆ ဢမ်ႇသူႈမီး ” -ဝႃႈၼႆ။

ဝၼ်းတီႈ 12/6/2023 ၼၼ်ႉၵေႃႈ ၵူၼ်းၸၢႆးၵေႃႉၼိုင်ႈ တီႈဝၢၼ်ႈပၢင်လိၼ် ဢိူင်ႇမိူင်းၶွၼ် ၸႄႈဝဵင်းၵဵင်းတုင် ၶႃႈႁႅမ်ၵေႃႉပဵၼ်မႄႈ လူႉတၢႆ ၼႂ်းႁိူၼ်း။

ၼႂ်းပီ 2022- 2023 မႃးၼႆႉၵူၼ်းမိူင်းတႆး ယၢပ်ႇၽိုတ်ႇၵၢၼ်ႁႃၵိၼ်လဵင်ႉတွင်ႉ ။ ပၢင်တေႃႇလွင်းၼမ် ၵၢၼ်ၵႃႉၶၢႆၵိၼ်သူႇသမ်းယႃႈမဝ်းၵမ်ၵေႃႈလိူင်ႇၼမ် ။ ယွၼ်ႉပၢင်တေႃႇလွင်းလႄႈယႃႈမဝ်းၵမ်ၼႆႉသေ ဢၼ်ပဵၼ်လုၵ်ႈၶႃႈႁႅမ်ပေႃႈမႄႈလႂ် ၽူဝ်မေးၶႃႈႁႅမ်ၵၼ်လႂ်ၸိူဝ်းၼႆႉ လိူင်ႇၼမ်မႃးၵူႈမိုဝ်ႉၵူႈဝၼ်း ။ တီႈဝဵင်းပၢင်လူင်ၵေႃႈ ပီၵၢႆၼႆႉ လုၵ်ႈၸၢႆးမဝ်းယႃႈၶႃႈႁႅမ်ပေႃႈမႄႈတၢႆသေ ၾင်ဝႆႉၼႂ်းဝၢင်းႁိူၼ်း ၊ ၽိူဝ်ႇဢၢႆတူႇၼဝ်ႈ ဢွၵ်ႇမႃး ၵူၼ်းႁိမ်းႁိူၼ်းၸင်ႇႁူႉၵေႃႉမီး ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း