Saturday, June 15, 2024

ၵူၼ်းႁေႃႈရူတ်ႉၶိူင်ႈလူမ်ႉတီႈၵၢတ်ႇလေႃႉ ၶေႃးႁၢၵ်းလူႉတၢႆထင်ႈတီႈ

Must read

ၵူၼ်းႁေႃႈရူတ်ႉၶိူင်ႈ ၶဝ်ႈဝဵင်းၵၢတ်ႇလေႃႉမႃးၵေႃႉၼိုင်ႈမႃးပဵၼ်ၽေးၵိုင်ႉၵၢင်ႉတၢင်းၶဝ်ႉဝဵင်း ပလၢတ်ႈတူၵ်းႁွင်ႈလၢႆႇၼမ်ႉၶၢင်ႈတၢင်း ၶေႃးႁၢၵ်းတၢႆထင်တီႈ ။

Photo : ႁၢင်ႈရူတ်ႉၶိူင်ႈပဵၼ်ၽေးၵိုင်ႉၵၢင်ႉတီႈတၢင်းၶဝ်ႈၵၢတ်ႇလေႃႉ မိူဝ်ႈ 11/9/2023

မိူဝ်ႈဝႃး ဝၼ်းတီႈ 11/9/2023 ယၢမ်းဝၢႆးဝၼ်း 2 မူင်းပၢႆၼၼ်ႉ ၵူၼ်းၶပ်းရူတ်ႉၶိူင်ႈၵေႃႉၼိုင်ႈ ပဵၼ်ၽေးၵိုင်ႉၵၢင်ႉတီႈတၢင်းၶဝ်ႈဝဵင်းၵၢတ်ႇလေႃႉ လူမ်ႉၽတ်ႉႁူဝ်ႉဢုတ်ႇသေ ၶေႃးႁၢၵ်းလူႉတၢႆထင်တီႈၼႆယဝ်ႉ။

- Subscription -

ၽူႈၶဝ်ႈၸုမ်းၸွႆႈတူင်ႇဝူင်းၵူၼ်းဢွင်ႇပၢၼ်းလၢတ်ႈတီႈၽူႈတွႆႇႁွၵ်ႈဝႃႈ – “ ၸႂ်ႈဢေႃႈ တူၺ်းမၼ်းၵေႃႈ လႅပ်ႈမဝ်းလဝ်ႈၽွင်ႈၶႃႈၼေႈ။ ၶီႇမႃးၵေႃႉလဵဝ်မၼ်းၵွႆး။ မၼ်းတေဢမ်ႇထိင်းလႆႈရူတ်ႉမၼ်းသေ ၵႂႃႇၽႃႇသႂ်ႇႁူဝ်ႉဢုတ်ႇၼၼ်ႉႁၢဝ်ႈႁႅင်းလႄႈ ၶေႃးပေႃးႁၢၵ်းဢေႃႈ။ ယဝ်ႉၵေႃႈ တူၵ်းတၢင်းၵႂႃႇမီးၼႂ်းႁွင်ႈမိူင်ၼၼ်ႉၼႃႇ ၊ တူၺ်းမၼ်းမၢၵ်ႇႁူဝ်ရူတ်ႉၶိူင်ႈၵေႃႈ ဢမ်ႇတိုဝ်းၶႃႈၼႃႇ ၸင်ႇဝႃႈ  ပေႃးလူမ်ႉၵေႃႈတၢႆလၢႆးလဵဝ်”  – ဝႃႈၼႆ။

ၵေႃႉဢၼ်ပဵၼ်ၽေးၵိုင်ႉၵၢင်ႉသေတၢႆၵႂႃႇၼႆႉ ဢႃယုမီး 35 ပီ ပဵၼ်ၵူၼ်းမိူင်းမၢၼ်ႈတူင်ႈပဵင်း ထိုင်မိူဝ်ႈလဵဝ် တိုၵ်ႉပိုၼ်ၽၢဝ်ႇႁႃပီႈၼွင်ႉမၼ်းဝႆႉယူႇ  ဝႃႈၼႆ။

ၽူႈၶဝ်ႈၸုမ်းၸွႆႈတူင်ႇဝူင်းၵူၼ်း ဝဵင်းဢွင်ႇပၢၼ်းလၢတ်ႈတီႈၽူႈတွႆႇႁွၵ်ႈဝႃႈ – “ ငိၼ်းဝႃႈတႄႉ မၼ်းပဵၼ်ၵူၼ်းလုၵ်ႉတၢင်းတႃႈၵုင်ႈ  မႃးႁႃသိုဝ်ႉၶဝ်ႈၵၢပ်ႇတၢင်းၼႆႉၼႆဢေႃႈ ။ မႃးၶၢတ်ႈႁိူၼ်းတၢင်းသၶၢၼ်းတႃႇ(စခန်းသာ)ဢၼ်မီးၼႂ်းၵႄႈဢွင်ႇပၢၼ်း  – ၵၢတ်ႇလေႃႉ ၼၼ်ႉသေယူႇဝႆႉၼႆဢေႃႈ။ ပေႃးလုၵ်ႉၵၢတ်ႇလေႃႉၵႂႃႇတီႈမၼ်းယူႇၼၼ်ႉ မီးၶိုင်ႈၸူဝ်ႈမွင်းၼႆႉၵူၺ်း။ထိုင်မိူဝ်ႈလဵဝ် ဢမ်ႇပႆႇႁူႉဝႃႈ ပီႈၼွင်ႉမၼ်းပဵၼ်ၽႂ် ၊ ၶူဝ်းၶွင်ၸပ်းတူဝ်မၼ်း မီး ငိုၼ်း 8 မိုၼ်ႇပၢႆလႄႈ ၸွပ်ႇမိုဝ်းမၼ်းၸိူဝ်းၼႆဢေႃႈ  ” – ဝႃႈၼႆ။

ၶၢဝ်းၾူၼ်ၼႆႉ သဵၼ်ႈတၢင်းမိုၼ်ႈ ရူတ်ႉၶိူင်ႈ ရူတ်ႉၵႃး ၵႆႉပလၢတ်ႈသေပိၼ်ႈၶႂၢမ်ႈ ဢမ်ႇဝႃႈသဵၼ်ႈတၢင်းၼႂ်းဝဵင်းႁိုဝ်ၼႂ်းထိူၼ်ႇၼႂ်းလွႆ။ ၵွပ်ႈၼႆပေႃးၶပ်းရူတ်ႉၶိူင်ႈ ၸိုင်ႁႂ်ႈဢွၼ်ၵၼ်တိုဝ်းမၢၵ်ႇႁူဝ်ရူတ်ႉၶိူင်ႈ၊ ၾၢင်ႉသတိၸပ်းတူဝ်လႄႈ ဢမ်ႇထုၵ်ႇလီၶပ်းဝႆးသေဢိတ်း ၸုမ်းၸွႆႈထႅမ်တူင်ႇဝူင်းၵူၼ်း ၸိုင်ႈတႆးပွတ်းၸၢၼ်းၵေႃႉၼိုင်ႈၵေႃႈ ၾၢင်ႉတိူၼ်တၵ်ႉၼၢႆဝႆႉၼင်ႇၼႆ။

ဝၼ်းတီႈ 15/7/2023 မူင်းၼၼ်ႉၵေႃႈ ၵႃးတၢင်ႇၵုၼ်ႇလမ်းၼိုင်ႈ ၵွႆသေ ၵိုတ်းဝႆႉ ၼိူဝ်သဵၼ်ႈတၢင်းလူင်ပျီႇထွင်ႇၸူႉ(သဵၼ်ႈတၢင်းၵႂႃႇမႃး ဢွင်ႇပၢၼ်း – တူၼ်ႈတီး) တၢင်းၶဝ်ႈဢွၵ်ႇဝဵင်း  ႁိမ်းႁူင်းႁဵၼ်းပိတ်ႉၸုပၼ်ႇ (ပစ္စုပ္ပန်ကျောင်း) တီႈၸႄႈဝဵင်းဢွင်ႇပၢၼ်း သမ်ႉမီးရူတ်ႉၶိူင်ႈလမ်းၼိုင်ႈ ဢမ်ႇၾၢင်ႉမႅၼ်ႈ ႁေႃႈမႃးၽႃႇၺႃးၵႃး၊  ၵူၼ်းႁေႃႈလူႉတၢႆထင်တီႈ ၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း