Sunday, June 16, 2024

သိုၵ်းၶၢင် သိုၵ်းမၢၼ်ႈယိုဝ်းၵၼ်တီႈဝဵင်းၵူတ်ႉၶၢႆ ဝၼ်းလဵဝ် 2 ပွၵ်ႈ

Must read

မိူဝ်ႈဝၼ်းတီႈ 16/7/2023 ယၢမ်းၵၢင်ၼႂ် 10 မူင်းၼၼ်ႉ သိုၵ်းမၢၼ်ႈယိုတ်းမိူင်း ၼမ်းၼႃႈသိုၵ်း မႃးထိုင်တီႈႁိမ်းဝၢၼ်ႈၶူဝ်မုင်း ၸႄႈဝဵင်းၵူတ်ႇၶၢႆၼၼ်ႉသေ တုမ်ႉၺႃး ၸုမ်းသိုၵ်းၶၢင် KIA   လႆႈပဵၼ်ပၢင်တိုၵ်းၵၼ် ။

ၵူၼ်းပိုၼ်ႉတီႈၵူတ်ႉၶၢႆၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “ သိုၵ်းမၢၼ်ႈၼႆႉ ၶဝ်လုၵ်ႉၼမ်ႉၽၵ်းၵႃသေၶိုၼ်ႈမႃး။ မိူဝ်ႈမႃးထိုင်တီႈ ႁိမ်းဝၢၼ်ႈၶူဝ်မုင်းၼၼ်ႉ မႃးတုမ်ႉၵၼ်တင်း KIA သေ ပိုတ်းယိုဝ်းၵၼ် မွၵ်ႈ 1 ၸူဝ်ႈမူင်း။ဢမ်ႇပေႃးၵႆၵၼ်တင်းဝၢၼ်ႈၵူၼ်း ” – ဝႃႈၼႆ။

- Subscription -

ထိုင်မႃး ဝၢႆးဝၼ်း 1 မူင်းၼၼ်ႉ သိုၵ်းမၢၼ်ႈတင်းသိုၵ်းၶၢင် KIA  ပဵၼ်ပၢင်တိုၵ်းၵၼ်ထႅင်ႈ တီႈၽႃၶၢတ်ႇ ၸႄႈဝဵင်းၵူတ်ႉၶၢႆ။

 ၵူၼ်းပိုၼ်ႉတီႈၵူတ်ႉၶၢႆၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “ ၸႂ်ႈယဝ်ႉ ငိၼ်းသဵင် မၢၵ်ႇလူင်မၢၵ်ႇဢွၼ်ႇၶဝ်ယိုဝ်းၵၼ် မွၵ်ႈ ၶိုင်ႈၸူဝ်ႈမူင်းၼၼ်ႉ ။ ဝၢႆးၼၼ်ႉၵေႃႈ ယဵၼ်ၵႂႃႇယူႇ” – ဝႃႈၼႆ ။

ၵဵဝ်ႇၵပ်းပၢင်တိုၵ်းၼႆႉသေ ၽူႈၶၢၼ်ပၢၵ်ႇ KIA ၸဝ်ႈသိုၵ်းလူင်ၼေႃႇၽူႇ လၢတ်ႈတီႈၽူႈတွႆႇႁွၵ်ႈဝႃႈ – “ လွင်ႈပၢင်တိုၵ်းၼႆႉ ၸုမ်းႁဝ်းပွင်ႇၶၢဝ်ႇမႃးပၼ်ၵေႃႈမီးယူႇ ။ လႆႈႁူႉဝႃႈ ၾၢႆႇသိုၵ်းမၢၼ်ႈ မီးလွင်ႈတူၵ်းသုမ်း ။ ၵူၺ်းၵႃႈ ပႆႇႁူႉ လွင်ႈယွႆႈယႅမ်း ” – ဝႃႈၼႆ။

ၼႂ်းလိူၼ်ၵျူႊလၢႆႊၼႆႉ သိုၵ်းမၢၼ်ႈတင်းသိုၵ်းၶၢင် ပဵၼ်ပၢင်တိုၵ်း ၾၢႆႇတၢင်းၸိုင်ႈတႆးပွတ်းႁွင်ႇမႃး ၶိူဝ်းယႂ်း ။ လိူဝ်ၼၼ်ႉ တီႈႁိမ်းတပ်ႉငဝ်ႈငုၼ်း KIO/KIA တီႈလၢႆႊၸႃႊၼၼ်ႉၵေႃႈ သိုၵ်းမၢၼ်ႈတင်းသိုၵ်းၶၢင် KIA ပိုတ်းယိုဝ်းၵၼ်မႃးၶိူဝ်းယႂ်း ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း