Saturday, June 15, 2024

ပၢင်တေႃႇလွင်း ဝဵင်းမိူင်းၼၢႆး ပိုတ်ႇလႆႈ 2 လိူၼ်ပၢႆယဝ်ႉ ဢမ်ႇမီးၽႂ်မႃးႁၢမ်ႈ

Must read

ယၢမ်းလဵဝ် တီႈဝဵင်းမိူင်းၼၢႆးၼႆႉပိုတ်ႇပၢင်တေႃႇလွင်းမႃး ၼႂ်းပွၵ်ႉလွႆဝႄႈၼႆႉ မီးမႃးၸမ် 2 လိူၼ်ယဝ်ႉ ပႆႇမီးပလိၵ်ႈသိုၵ်း မၢၼ်ႈ ၶဝ်ႈၵူတ်ႇထတ်း တီႈၺွပ်းဢဝ်လိူင်ႈသင်။

မိူင်းၼၢႆး
Photo by – ၵူၼ်းပိုၼ်ႉတီႈ/ ဝဵင်းမိူင်းၼၢႆး

တႄႇဢဝ် လိူၼ်ဢေႊပရိူဝ်ႊ 2023 ၼၼ်ႉမႃး တေႃႇထိုင်ယၢမ်းလဵဝ် တီႈပွၵ်ႉလွႆဝႄႈ ဢၼ်မီးဝႆႉ ၾၢႆႇၸၢၼ်းဝဵင်းမိူင်း ၼၢႆး ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်းၼၼ်ႉ ပိုတ်ႇပၢင်တေႃႇလွင်း မီးၽၢႆႉၵိဝ်း၊ မၢၵ်ႇၸႅင်ႇလႄႈ လေးၵွင်ႇၵျိၼ်ႇ ၸိူဝ်းၼႆႉ။

- Subscription -

ၵူၼ်းပိုၼ်ႉတီႈ ဝဵင်းမိူင်းၼၢႆး လၢတ်ႈတီႈၽူႈတွႆႇႁွၵ်ႈဝႃႈ – “ပၢင်တေႃႇလွင်းၼႆႉ ၶဝ်လၵ်ႉပိုတ်ႇမႃး တီႈပွၵ်ႉလွႆဝႄႈၼႆႉ တင်းမူတ်း တေမီး 3 ဢွင်ႈတီႈ။ ၶဝ်ပိုတ်ႇမႃး ၸမ် 2 လိူၼ်ယဝ်ႉ။ ၼႂ်းပၢင်တေႃႇလွင်းၼၼ်ႉ တေမီး ၽၢႆႉၵိဝ်း၊ မၢၵ်ႇၸႅင်ႇလႄႈ လေးၵွင်ႇ ၵျိၼ်ႇ ၸိူဝ်းၼႆႉ။ ၶဝ်လၵ်ႉပိုတ်ႇလဵၼ်ႈၵၼ် လပ်ႉတႃၵူၼ်းတင်းၼမ်ဝႆႉ။ ၵူၺ်းၵႃႈ ၵူၼ်းလွင်းၶဝ်တႄႉ ၶဝ်တေႁူႉၵၼ်သေ လၵ်ႉ ၵႂႃႇလဵၼ်ႈၵၼ်ၶႃႈဢေႃႈ”- ဝႃႈၼႆ။

ဢိင်ၼိူဝ် လွင်ႈပိုတ်ႇပၢင်တေႃႇလွင်းၼႆႉ ၸဝ်ႈတႅင်ႇဢွၼ်ႁူဝ်ပိုတ်ႇမၼ်းပဵၼ်ၽႂ် ဢၼ်ဝႃႈၼၼ်ႉ ပႆႇႁူႉၵေႃႉမၼ်းတႅပ်ႈတေႃး လီ ၵမ်ႈၼမ် ၵူၼ်းဝဵင်းမိူင်းၼၢႆးတႄႉ ဢွၼ်ၵၼ်ဝႃႈ တေပဵၼ်ၵူၼ်းၶဝ်ႈဢွၵ်ႇၼႂ်းၵႄႈပလိၵ်ႈသိုၵ်းမၢၼ်ႈၵူၺ်း သင်ဢမ်ႇၼၼ် တေဢမ်ႇမီးၽႂ်ႁတ်းပိုတ်ႇလႆႈ ပၢင်တေႃႇလွင်းၼႆႉ ဝႃႈၼႆ။

ဝၢႆးသိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်း 2 ပီပၢႆၼႆႉ ပၢင်တေႃႇလွင်း ၼႂ်းမိူင်းတႆး ယိုင်ႈၶႅၼ်း လိူင်ႇၼမ်ႁႅင်းသိုၵ်းမၢၼ်ႈ ပၼ် ၶႂၢင်ႉၸတ်းႁဵတ်း ထၢင်ႇႁၢင်လွတ်ႈလႅဝ်း ၸွမ်းၼင်ႇပွႆးလၢမ်းၾိင်ႈႁိၵ်ႈႁွႆး (ၶႅၵ်ႇလီပၢင်ၸႃႉ) ၸိူဝ်းၼႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း