Tuesday, June 25, 2024

သၢမ်လေႃႉလမ်းၼိုင်ႈ ပဵၼ်ၽေးၵိုင်ႉၵၢင်ႉတီႈဢွင်ႇပၢၼ်း ထဝ်ႈယိင်းၵေႃႉၼိုင်ႈတၢႆထင်တီႈ

Must read

သၢမ်လေႃႉလမ်းၼိုင်ႈ ပဵၼ်ၽေးၵိုင်ႉၵၢင်ႉ ၼိူဝ်သဵၼ်ႈတၢင်းလူင် ဢွင်ႇပၢၼ်း- တူၼ်ႈတီး ၼႂ်းၸႄႈဝဵင်းဢွင်ႇပၢၼ်း ထဝ်ႈယိင်းၵေႃႉၼိုင်ႈ တၢႆထင်တီႈ။

Photo : ႁၢင်ႈသၢမ်လေႃႉလမ်းၼိုင်ႈ ပဵၼ်ၽေးၵိုင်ႉၵၢင်ႉတီႈဢွင်ႇပၢၼ်း

 ဝၼ်းတီႈ 8/6/2023 ယၢမ်းၵၢင်ဝၼ်း 11 မူင်းၼၼ်ႉ ရူတ်ႉသၢမ်လေႃႉ ဢူဝ်းဝူၺ်ႇ(အိုးဝေ)လမ်းၼိုင်ႈ တၢင်ႇထဝ်ႈယိင်း ၵေႃႉၼိုင်ႈသေလုၵ်ႉဢွင်ႇပၢၼ်းဢၢၼ်းၶိုၼ်ႈမိူဝ်းတူၼ်ႈတီး  ပဵၼ်ၽေးၵိုင်ႉၵၢင်ႉ သေ ထဝ်ႈယိင်းဢၼ်ၶီႇမႃးၸွမ်း တၢင်းလင်ၼၼ်ႉ တၢႆထင်တီႈ။

- Subscription -

ၽူႈတူင်ႉၼိုင်ၼႂ်းၸုမ်းၸွႆႈတူင်ႇဝူင်းၵူၼ်းဝဵင်းဢွင်ႇပၢၼ်းၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ ၸႂ်ႈဢေႃႈ သၢမ် လေႃႉၼႆႉ တေမိူဝ်းတူၼ်ႈတီးၼႆဢေႃႈ ။ သၢမ်လေႃႉၶဝ်ဢၢၼ်းႁေႃႈၶၢမ်ႈရူတ်ႉတၢင်းၼႃႈလမ်းၼိုင်ႈ ၽိူဝ်ႇ ပုင်ႈၶိုၼ်ႈ ၵႂႃႇသမ်ႉၵိုင်ႉၵၢင်ႉၵႂႃႇၺႃးၵႃးလမ်းၼိုင်ႈ ဢၼ်ၵိုတ်း ဝႆႉၶၢင်ႈတၢင်း၊ မၼ်းၼႅတ်ႈဝႄႈငွၵ်းၵႂႃႇတူၵ်းႁွင်ႈလၢႆႇၶၢင်ႈတၢင်း။ ရူတ်ႉၵေႃႈဢမ်ႇၵွႆၵႃႈႁိုဝ်။ ၵူၼ်းႁေႃႈမၼ်းၵေႃႉၼႃႈၽၢၵ်ႇတႅၵ်ႇဢိတ်းၼိုင်ႈၵူၺ်း။ မႄႈပႃႈဢၼ်ၶီႇမႃးၸွမ်းၼၼ်ႉ လႅပ်ႈ တေမီးဝႆႉတၢင်းပဵၼ် ႁူဝ်ၸႂ်ႁိုဝ် လိူတ်ႈၶိုၼ်ႈႁိုဝ်ဢမ်ႇႁူႉ လႅပ်ႈတူၵ်းၸႂ်တၢႆဢေႃႈ။ တီႈတူဝ်မၼ်းၵေႃႈ ဢမ်ႇမီးႁွႆးၸဵပ်း သင်။ ” – ဝႃႈၼႆ။

ၼၢင်းယိင်းဢၼ်တၢႆၵႂႃႇၼႆႉ ၸိုဝ်ႈႁွင်ႉ တေႃႇၶိၼ်ႇ ဢႃယု 60 ပၢႆ ယူႇဝဵင်းဢွင်ႇလၢၼ်ႇ ပဵၼ်ပီႈၼွင်ႉၵၼ်တင်း ၵူၼ်းႁေႃႈ သၢမ်လေႃႉ  ဝႃႈၼႆ။

ၽူႈတူင်ႉၼိုင်ၼႂ်းၸုမ်းၸွႆႈတူင်ႇဝူင်းၵူၼ်းဝဵင်းဢွင်ႇပၢၼ်းၵေႃႉၼိုင်ႈ သိုပ်ႇလၢတ်ႈဝႃႈ “ ၵူၼ်းႁေႃႈလႄႈ ၵူၼ်းၶီႇၸွမ်းတင်းလင်မၼ်းၵေႃႈ ဢမ်ႇၸႂ်ႈပိူၼ်ႈၸႂ်ႈၽႂ် ၶႃသွင်ၵေႃႉ ပဵၼ်ပီၼွင်ႉဢွၵ်ႇၵၼ်ဝႃႈၼၼ်ႉ ။ ဢွၼ်ၵၼ်မႃးတူၺ်း လွၵ်းလိၼ်တီႈဢွင်ႇပၢၼ်းသေယဝ်ႉၵေႃႈ တေဢၢၼ်းမိူဝ်းၶိုၼ်းၼၼ်ႉၵႂႃႈ သမ်ႉၵႂႃႇပဵၼ်ၽေးၵိုင်ႉၵၢင်ႉ တၢင်းဢွၵ်ႇဝဵင်းၼၼ်ႉသေယဝ်ႉၼႃႇ ။ၸုမ်းႁဝ်း သူင်ႇၵူတ်ႇထတ်းတီႈႁူင်းယႃႁေ ႁႂ်ႈပီႈၼွင်ႉၶဝ် မႃးတူၺ်းသေ ၶိုင်ၵၢၼ်မၼ်းယဝ်ႉ ၼင်ႇၵဝ်ႇ ” – ဝႃႈၼႆ။

ၼႂ်းမိူင်းတႆး လၢႆတီႈ ၽေးၵိုင်ႉၵၢင်ႉ ရူတ်ႉၵႃး ၽႃႇၵၼ် မီးၵူႈမိုဝ်ႉၵူႈဝၼ်း မိူၼ်ၼင်ႇ ၼႂ်းၸႄႈဝဵင်းၵဵင်းတုင်ၵေႃႈ ၼႂ်းလိူၼ်မေႊၼႆႉၵူၺ်း ပဵၼ်ၽေးၵိုင်ႉၵၢင်ႉ ရူတ်ႉၵႃးၽႃႇၵၼ် ပိၼ်ႈၶႂမ်ႈ ၸိူဝ်းၼႆႉ ပဵၼ်မႃးၼမ် မီးၵူၼ်း မၢတ်ႇၸဵပ်းလူႉတၢႆၸွမ်း ဢမ်ႇယွမ်း 10 ၵေႃႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း