Friday, July 19, 2024

 ၾႆးမႆႈ ႁၢၼ်ႉမႄးရူတ်ႉၶိူင်ႈ လၢမ်းမႆႈပႃး KTV တီႈဝဵင်းတႃႈၶီႈလဵၵ်း

Must read

မိူဝ်ႈဝႃး ဝၼ်းတီႈ 7/6/2023 ယၢမ်းၵၢင်ၶိုၼ်း 11 မူင်းၼၼ်ႉ ၾႆးမႆႈႁၢၼ်ႉမႄးရူတ်ႉၶိူင်ႈႁၢၼ်ႉၼိုင်ႈ ၼႂ်းပွၵ်ႉမၢၵ်ႇၵႃႇ ႁူဝ်ၶမ်း ၸႄႈဝဵင်းတႃႈၶီႈလဵၵ်းလၢမ်းမႆႈပႃး ႁၢၼ်ႉ KTV ႁၢၼ်ႉၼိုင်ႈဢၼ်တိတ်းၸပ်း မီးႁိမ်းၵၼ်ၼၼ်ႉ။

Photo : ႁၢင်ႈ ၾႆးမႆႈ ႁၢၼ်ႉမႄးရူတ်ႉၶိူင်ႈႁၢၼ်ႉၼိုင်ႈတီႈတႃႈၶီႈလဵၵ်း လၢမ်းမႆႈပႃး ႁၢၼ်ႉ KTV

ၵူၼ်းၼုမ်ႇၼႂ်းပိုၼ်ႉတီႈၸႄႈဝဵင်းတႃႈၶီႈလဵၵ်းၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ သႅင်ႇမႄး ရူတ်ႉၶိူင်ႈၼၼ်ႉသမ်ႉ  ၶမ်ႈဢၼ် ဢမ်ႇမီးၽႂ်ၼွၼ်းပႂ်ႉဢေႃႈၼၼ်ႉ ။ ဢၼ်ၾႆးမႆႈၼႆႉ လၢမ်းဝႃႈ ပဵၼ်ယွၼ်ႉၾႆးၾႃႉသျွတ်ႉၼႆဢေႃႈ ။ ဢၼ် ႁူႉ ၸွမ်းတႄႉ မႆႈပႃးရူတ်ႉၶိူင်ႈ 2 ၵၼ်း ယဝ်ႉၵေႃႈ လၢမ်းမႆႈပႃး သႅင်ႇ ၶေႇထီႇဝီႇ ႁိမ်းၼၼ်ႉပႃးထႅင်ႈ ။ မၼ်းပဵၼ်ႁွင်ႈ ဢွၼ်ႇ ႁွင်ႈဢိတ်းႁေ ႁွင်ႉၵႂၢမ်းလႆႈၼၼ်ႉၼႃႇ ။ ၾႆးမႆႈသႂ်ႇ တင်ႇၼင်ႈသူဝ်ႇၽႃႇၶဝ်ၼမ်ဝႆႉဢေႃႈ။ ယဝ်ႉၵေႃႈ ၽႃဢုတ်ႇ ၶဝ် ၸိူဝ်းၼၼ်ႉ ပေႃးလမ်ၵႂႃႇမူတ်း။ မိူၼ်ၼင်ႇ ၶိူင်ႈဢႄႊၵွၼ်းၶဝ်ၸိူဝ်းၼႆႉ ၵေႃႈမႆႈပႃး။ တေလႆႈ မႄးၶိုၼ်းၼမ်ဝႆႉ ဢေႃႈ ၼၼ်ႉ” – ဝႃႈၼႆ။

- Subscription -

ၽေးၵိုင်ႉၵၢင်ႉၾႆးမႆႈပွၵ်ႈၼႆႉ ၵူၼ်းဝၢၼ်ႈႁူမ်ႈၵၼ်ၸွႆႈၶႄၸမ်မွတ်ႇယဝ်ႉၸုမ်းၶႄၾႆးၸင်ႇ ထိုင်မႃး ။

ဢိင်ၼိူဝ်လွင်ႈၼႆႉ ၵူၼ်းၼုမ်ႇၼႂ်းပိုၼ်ႉတီႈၸႄႈဝဵင်းတႃႈၶီႈလဵၵ်းၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ ၸႂ်ႈဢေႃႈ ၵူၼ်းဝၢၼ်ႈ တူၵ်းၸႂ်ႁေ ဢွၼ်ၵၼ် ၸွႆႈၵၼ်ၶႄၾႆးၼၼ်ႉၼႃႇ။ ၵတ်ႉၵႃႈႁႅင်းၾႆးဢမ်ႇႁႅင်းဢေႃႈ  ၵူၼ်းဝၢၼ်ႈ ၸွႆႈၵၼ် ၶႄၵေႃႈ မွတ်ႇသဵင်ႈၼင်ႇၵဝ်ႇ ၸင်ႇမီးၸုမ်းၶႄၾႆးႁွတ်ႈမႃးဢေႃႈ” – ဝႃႈၼႆ။

Photo : ႁၢင်ႈ ၾႆးမႆႈ ႁၢၼ်ႉမႄးရူတ်ႉၶိူင်ႈႁၢၼ်ႉၼိုင်ႈတီႈတႃႈၶီႈလဵၵ်း လၢမ်းမႆႈပႃး ႁၢၼ်ႉ KTV

မိူဝ်ႈဝၼ်းတီႈ 5/6/2023 ၼႆႉၵူၺ်းၼင်ႇၵဝ်ႇ ၾႆးၾႃႉ သွတ်ႉသေ ၾႆးမႆႈႁိူၼ်းလင်ၼိုင်ႈ ၼႂ်းပွၵ်ႉ သၼ်သၢႆး (ၵ) ၸႄႈဝဵင်းတႃႈၶီႈလဵၵ်း ၶၢဝ်းယၢမ်း 15 မိၼိတ်ႉၵူၺ်းသေတႃႉ လူႉသုမ်းၶိူင်ႈၶူဝ်းၸႂ်ႉသွႆႈႁိူၼ်းယေးတင်းၼမ်။ ၼႂ်းလိူၼ်ၼႆႉ ၵူၺ်း ၾႆးမႆႈၼႂ်းၸႄႈဝဵင်းတႃႈၶီႈလဵၵ်း ဢမ်ႇယွမ်း 2 ပွၵ်ႈ။

မိူဝ်ႈဝၼ်းတီႈ 6/6/2023 ၼၼ်ႉၵေႃႈ ယွၼ်ႉၾႆးတဵၼ်းသေ လၢမ်းမႆႈႁိူၼ်းလင်ၼိုင်ႈ တီႈပွၵ်ႉၽြႃးၽိူၵ်ႇ ၸႄႈဝဵင်းတူၼ်ႈတီး လူႉသုမ်း ၶူဝ်းၸႂ်ႉသွႆႁိူၼ်းယေး တင်းၼမ် ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း