Thursday, May 30, 2024

ၶူးဝႃးဝုၼ်းၸုမ်ႉ တေယေႃးမုၼ် မႅတ်ႇတႃႇထမ်း တီႈဝဵင်းၵဵင်းမႂ်ႇ ၼႂ်းလိူၼ်ၼႃႈ

Must read

ၸဝ်ႈသိလ်ထမ်း ၶူးဝႃးဝုၼ်းၸုမ်ႉ တေယေႃးမုၼ် ၵႂႃႇမႅတ်ႉတႃႇထမ်း ပၼ်တၵ်ႉၵႃႇသတ်ႉထႃး ပီႈၼွင်ႉၸၢဝ်းထႆး၊ ၸၢဝ်းယူၼ်း လႄႈ ၸၢဝ်းတႆး တီႈဝဵင်းၵဵင်းမႂ်ႇ ၼႂ်းလိူၼ်ၼႃႈ။

ၶူးဝႃးဝုၼ်းၸုမ်ႉ
ၶူးဝႃးဝုၼ်းၸုမ်ႉ ၵႂႃႇမႅတ်ႉတႃႇထမ်း တီႈဝဵင်းမႄႈလိမ်း ၸႄႈတွၼ်ႈၵဵင်းမႂ်ႇ ၸိုင်ႈထႆး မိူဝ်ႈပီ 2019

ပေႃးထိုင် ဝၼ်းတီႈ 11/6/2023 ယၢမ်ၵၢင်ၶမ်ႈ 7 မူင်း (ဝၼ်းတိတ်ႉ) ၸဝ်ႈသိလ်ထမ်း ၶူးဝႃးဝုၼ်းၸုမ်ႉ တေယေႃးမုၼ် ၵႂႃႇ မႅတ်ႉတႃႇထမ်းပၼ် ၸၢဝ်းထႆး၊ ၸဝ်းယူၼ်းလႄႈ ၸၢဝ်းတႆး တီႈပၢင်ႇလဵၼ်ႈႁႅင်း (သၼၢမ်ၵီးလႃး ထဵတ်ႉသပၢၼ်းၼၶွၼ်း ၵဵင်းမႂ်ႇ) လင်ဝတ်ႉၵူႇတဝ်ႈ ဢိူင်ႇသီၽုမ်း ဝဵင်းၵဵင်းမႂ်ႇ ၸိုင်ႈထႆး။

- Subscription -

ၸၢႆးၼုမ်ႇတႆး ၽူႈတူင်ႉၼိုင်တွၼ်ႈတႃႇ ၸၢဝ်းတႆး ဝဵင်းၵဵင်းမႆႇ လၢတ်ႈတီႈၽူႈတွႆႇႁွၵ်ႈဝႃႈ – “မိူဝ်ႈတႄႇမၼ်းတႄႉ တေပဵၼ် ၼႂ်းဝၼ်းတီႈ 12/6/2023 ။ ၵမ်းၼႆႉ လုၵ်ႈသိတ်ႇတပေး ၶူးဝႃးပေႃႈလၢတ်ႈမႃးဝႃႈ ၶူးဝႃးဝုၼ်းၸုမ်ႉ တေတၼ်းၼႂ်းဝၼ်းတီႈ 11/6/2023 ၼႆလႄႈ ၸင်ႇလႆႈၶၢႆႉမႃးၸတ်းပၢင် တြႃး ၼႂ်းဝၼ်းတီႈ 11 တေထိုင် ၼႆႉၶႃႈ”- ဝႃႈၼႆ။

ထႅင်ႈလွင်ႈၼိုင်ႈ ဝၼ်းတီႈ 11/6/2023 ၼႆႉ တူၵ်းမႅၼ်ႈဝၼ်းတိတ်ႉ ပဵၼ်ဝၼ်းလိုဝ်ႈၵၢၼ်ၵေႃႈၸႂ်ႈလႄႈ ပီႈၼွင်ႉၸၢဝ်းထႆး၊ ၸၢဝ်းယူၼ်းလႄႈ ၸၢဝ်းတႆး(ႁႅင်းၵၢၼ်) ၼႂ်းဝဵင်းၵဵင်းမႂ်ႇ တေၸၢင်ႈဢွၼ်ၵၼ်ၵႂႃႇ ၶဝ်ႈႁူမ်ႈ လူႇတၢၼ်းတုင်းထွမ်ႇ ထမ်း(တြႃး) ၼမ်။

ပေႃးထိုင်မႃး ဝၼ်းတီႈ 10/6/2023 ၸိုင် ယူႇတီႈ တၵ်ႉၵႃႇသတ်ႉထႃး ၸၢဝ်းထႆး၊ ၸၢဝ်းတႆး တေႁူမ်ႈၵၼ် ႁဵတ်းသုမ်ႉၶဵင်ႇ တီႈပၢင်ႇလဵၼ်ႈႁႅင်း (သၼၢမ်ၵီးလႃး ထဵတ်ႉသပၢၼ်းၼၶွၼ်းၵဵင်းမႂ်ႇ) ဝဵင်းၵဵင်းမႂ်ႇ တႃႇၸဝ်ႈသိလ်ထမ်း ၶူးဝႃးဝုၼ်း ၸုမ်ႉ တေမႃး ၼင်ႈမႅတ်ႉတႃႇတြႃး ၼႆယဝ်ႉ။

ပၢင်မႅတ်ႉတႃႇထမ်း ၸဝ်ႈသိလ်ထမ်း ၶူးဝႃးဝုၼ်းၸုမ်ႉၼႆႉ တေတႄႇယၢမ်းၵၢင်ၶမ်ႈ 7 မူင်းၵႂႃႇ။ ၵူၺ်းၵႃႈ လွင်ႈႁပ်ႉတွၼ်ႈတၵ်ႉ ၵႃႇသတ်ႉထႃး တေမႃးထွမ်ႇထမ်း တႄႉ တေမီးတင်ႈတႄႇယၢမ်းၵၢင်ဝၼ်းၵႂႃႇ ဝႃႈၼႆ။

ၼွၵ်ႈလိူဝ်ၼၼ်ႉ ငိုၼ်းတီႈ တၵ်ႉၵႃႇသတ်ႉထႃး မႃးလူႇတၢၼ်း တီႈၼႂ်းပၢင်မႅတ်ႉတႃႇထမ်း တင်းမူတ်းၼၼ်ႉ တေလူႇတၢၼ်း ၽႃႉပႃႇသၢင်ႈႁူင်းယႃ ၽွၵ်ႈတႂ်(လၢင်ႉတႂ်)ၵႂႃႇၼႆ ၸၢႆးၼုမ်ႇတႆး လၢတ်ႈၼႄၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း