Wednesday, June 7, 2023

WHO ပိုၼ်ၽၢဝ်ႇ ဝႃႈတၢင်းပဵၼ်ၶူဝ်ႊဝိတ်ႉ 19 ပူၼ်ႉငဝ်းလၢႆးၶိုၵ်ႉၶၵ်ႉယဝ်ႉ

Must read

ၸုမ်းပၢႆးယူႇလီလုမ်ႈၾႃႉ WHO ပိုၼ်ၽၢဝ်ႇ မိူဝ်ႈဝၼ်းတီႈ 5/5/2023 ဝႃႈ တၢင်းပဵၼ်ၵႃႇလ ၶူဝ်ႊဝိတ်ႉ 19 ဢမ်ႇၸႂ်ႈတၢင်းပဵၼ်ဢၼ်လီၵူဝ်ယဝ်ႉလႄႈ ၶိုၼ်းႁုပ်ႈယိုတ်းၶိုၼ်းၶေႃႈပိုၼ်ၽၢဝ်ႇဢၼ်ဝႃႈ – ငဝ်းလၢႆးၶိုၵ်ႉၶၵ်ႉၵဵဝ်ႇတင်းလုမ်ႈၾႃႉ( ကမ္ဘာလုံးဆိုင်ရာ အရေးပေါ်အခြေအနေ) ယဝ်ႉဝႃႈၼႆ။

ဝၼ်းတီႈ 4/5/2023 WHO ႁဵတ်းပၢင်ၵုမ်သေ တီႈပၢင်ၵုမ်ၼၼ်ႉ ၽူႈၸတ်းၵၢၼ်လူင် မိတ်ႉသတိူဝ်ႊ ၵႄႊပရၢႆႊသပ်ႉ လၢတ်ႈဝႃႈ -“တၢင်းပဵၼ်ၶူဝ်ႊဝိတ်ႉ 19 ၼႆႉ မီးယႃႈယႃႁႄႉၵင်ႈလႆႈလီငၢမ်းယဝ်ႉလႄႈလႆႈဝႃႈ ပူၼ်ႉငဝ်းလၢႆးၶိုၵ်ႉၶၵ်ႉ ဢၼ်လီမႆႈၸႂ်ယဝ်ႉ ” ဝႃႈၼႆ။

- Subscription -

WHO ၼႆႉ တႄႇမၵ်းမၼ်ႈတၢင်းပဵၼ်ၶူဝ်ႊဝိတ်ႉ ပဵၼ်တၢင်းပဵၼ်ဢၼ်လီၵူဝ်ႇသေပိုၼ်ၽၢဝ်ႇငဝ်းလၢႆးၶိုၵ်ႉၶၵ်ႉမိူဝ်ႈ ဝၼ်းတီႈ 30 လိူၼ်ၵျႅၼ်ႊၼိဝ်ႊရီႊ 2020။ ဝၢႆးလင်ပိုၼ်ၽၢဝ်ႇယဝ်ႉလႆႈ 3 ပီပၢႆ ၸင်ႇၶိုၼ်းမႃးပိုၼ်ၽၢဝ်ႇဝႃႈ ယုၵ်ႉလိူၵ်ႈၶေႃႈပိုၼ်ၽၢဝ်ႇငဝ်းလၢႆးၶိုၵ်ႉၶၵ်ႉ။

ဢိင်ၼိူဝ်တၢင်းပဵၼ်ၶူဝ်ႊဝိတ်ႉၽႄႈလၢမ်းတူဝ်ႈလုမ်ႈၾႃႉသေ ၼႂ်းၶၢဝ်းတၢင်း 3 ပီၼႆႉ ၵူၼ်းမိူင်းပတ်းပိုၼ်ႉလုမ်ႈၾႃႉ ဢၼ်ၸပ်းတၢင်းပဵၼ်မီး 765 လၢၼ်ႉပၢႆ၊ တၢႆယွၼ်ႉတၢင်းပဵၼ်ၼႆႉမီး 6 လၢၼ်ႉ 9 သႅၼ်ၵေႃႉပၢႆ။ ၼႂ်းမိူင်းႁူမ်ႈတုမ်မၢၼ်ႈတႄႉ ဝၼ်းတီႈ 2 လိူၼ်မေႊၼႆႉ ၾၢႆႇပၢႆးယူႇလီ တိုၵ်ႉပိုၼ်ၽၢဝ်ႇယူႇဝႃႈ ၵူၼ်းၸပ်းတၢင်းပဵၼ်ၶူဝ်ႊဝိတ်ႉ ၼႂ်းၶၢဝ်းတၢင်းဝူင်ႈလဵဝ်မီယူႇ 700 ပၢႆသေ ဢၼ်တၢႆယွၼ်ႉတၢင်းပဵၼ်တိုၵ်ႉမီးယူႇ 2 ၵေႃႉ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း