ၵူၼ်းၸၢႆးၵေႃႉၼိုင်ႈၸႄႈဝဵင်းတႃႈၶီႈလဵၵ်း မႆႈၼႃႇၼႆသေ ပိုတ်ႇၽတ်ႉလူမ်းသႂ်ႇတူဝ်သေၼွၼ်းတင်းၶိုၼ်း ထိုင်မိူင်းလႅင်းမႃး သဵၼ်ႈလိူတ်ႈဢွၵ်းဢေႃတႅၵ်ႇသေတၢႆပႅတ်ႈ။
မၼ်းၸၢႆးပဵၼ်ၵူၼ်းဝၢၼ်ႈမႂ်ႇ သၼ်သၢႆး။ ယၢမ်းၵၢင်ၼႂ် ဝၼ်းတီႈ 28/4/2023 မၼ်းၸၢႆးတၼ်းလုၵ်ႉမႃးသုၵ်ႈၼႃႈလၢင်ႉတႃယဝ်ႉ ၸင်ႇလူမ်ႉတၢႆၵႂႃႇ ဝႃႈၼႆ။
ၸုမ်းၸွႆႈတူင်ႇဝူင်းၵူၼ်းဢူးလႃႉမူဝ်းလၢတ်ႈတီႈၽူႈတွႆႇႁွၵ်ႈဝႃႈ – “ ၸႂ်ႈဢေႃႈ ၵူၼ်းတီႈႁိူၼ်းမၼ်းဝႃႈတႄႉ ၼွၼ်းပိုတ်ႇၽတ်ႉလူမ်းတင်းၶိုၼ်း ထိုင်မိူင်းလႅင်းၵေႃႈ လုၵ်ႉယူႇၵမ်းၼိုင်ႈသေၸင်ႇပိၼ်ႈလူမ်ႉ ပဵၼ်လူမ်းၵႂႃႇၼႆဢေႃႈ။ မိူဝ်ႈႁဝ်းၵႂႃႇၸွႆႈ ဢဝ်တူဝ်မၼ်းသူင်ႇထိုင်ႁူင်းယႃၼၼ်ႉ သမ်ႉပေႃး ဢမ်ႇတၼ်းယဝ်ႉ ၼႃႇ ။လူႉတၢႆၵႂႃႇတီႈ ႁူင်းယႃၼၼ်ႉယဝ်ႉ” – ဝႃႈၼႆ။
ၵေႃႉဢၼ်လူႉတၢႆၵႂႃႇၼႆႉ ၸိုဝ်ႈ ၵူဝ်ႇထုၼ်းထုၼ်းဢူး ဢႃယု 27 ပီ ယူႇဝၢၼ်ႈမႂ်ႇ ပွၵ်ႉသၼ်သၢႆး ၸႄႈဝဵင်းတႃႈၶီႈလဵၵ်း ။
ၸုမ်းၸွႆႈတူင်ႇဝူင်းၵူၼ်းဢူးလႃႉမူဝ်းသိုပ်ႇလၢတ်ႈဝႃႈ- “ မိူဝ်ႈၵႂႃႇႁွတ်ႈႁူင်းယႃၼၼ်ႉတႄႉ မေႃယႃၶဝ်ၵူတ်ႇထတ်းသေ လၢတ်ႈဝႃႈ သၢႆလိူတ်ႈဢွၵ်းဢေႃၶၢတ်ႇၼႆဢေႃႈ ။ ယဝ်ႉၵေႃႈ မၼ်းပဵၼ်ၵူၼ်းပီးလႄႈ မီးတၢင်းပဵၼ်လိူတ်ႈၶိုၼ်ႈ
ဝႆႉၼႆဢေႃႈ ” – ဝႃႈၼႆ။
တႄႇဢဝ် ႁူဝ်လိူၼ်ဢေႊပရိူဝ်ႊၼႆႉမႃး ၾိင်ႈၾႃႉရႃႉသီႇမႆႈႁၢဝ်ႈႁႅင်းမႃးလႄႈ ၵူၼ်းမိူင်းပတ်ႉပိုၼ်ႉၼႂ်းမိူင်းတႆး ပဵၼ်ဝတ်းပဵၼ်ၼၢဝ်ၼမ် မၢင်ၵေႃႉၵႂႃႇၼႂ်းလႅတ်ႇၼမ်လႄႈထိုင်တီႈပိၼ်လူမ်ႉလိုမ်းတူဝ်ၵႂႃႇၵေႃႈမီး။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ