သိုၵ်းမၢၼ်ႈ ၸႂ်ႉၶိူင်ႈမိၼ်လေႃႇတိုၵ်းလႄႈ ႁိူၼ်းၵူၼ်းမိူင်းတီႈၸႄႈဝဵင်းမိူင်းပၢႆး လူႉၵွႆၼမ်။
မိူဝ်ႈဝၼ်းတီႈ 26/4/2023 ၵၢင်ဝၼ်း 10 မူင်းၼၼ်ႉ သိုၵ်းမၢၼ်ႈၸႂ်ႉၶိူင်ႈမိၼ်လေႃႇတိုၵ်း ၼႂ်းဝၢၼ်ႈၺွင်ႇဝႅင်း (ညောင်ဝိုင်းရပ်ကွက်)ၸႄႈဝဵင်းမိူင်းပၢႆးလႄႈ ႁိူၼ်းၵူၼ်းမိူင်း လူႉၵွႆၼမ်။
ၽူႈတူင်ႉၼိုင်ၼႂ်းၸုမ်း Mobye Recuse Team ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ- “ ၵူၼ်းတႄႉ ဢၼ်မၢတ်ႇ ၸဵပ်းဢမ်ႇမီး ။ ႁိူၼ်းတႄႉ ၵွႆၼမ်ဢေႃႈ။ လူႉၵွႆလၢႆလင်ၼႆတႄႉ ပႆႇႁူႉ။ သိုၵ်းမၢၼ်ႈၶဝ် ၶဝ်ႈမႃးယိုဝ်းတႄႉ မွၵ်ႈ 6 မူင်းၵၢင်ၼႂ်ၼႆႉဢေႃႈ။ မွၵ်ႈ 10 မူင်းၼႆႉ ၶဝ်ဢဝ်ၶိူင်ႈမိၼ်မႃးယိုဝ်းၵႂႃႇၶႃႈဢေႃႈ ” – ဝႃႈၼႆ။
ထိုင်မိူဝ်ႈလဵဝ် ၾၢႆႇသိုၵ်းမၢၼ်ႈယိုတ်းမိူင်းလႄႈ PDF တိုၵ်ႉၶဵင်ႈၶႅင်ၵၢၼ်သိုၵ်းၵၼ်ဝႆႉ။ ၵူၼ်းမိူင်းၼႂ်းဝဵင်းမိူင်းပၢႆး လႆႈပၢႆႈဝႆႉတီႈလွတ်ႈၽေး။
ၵူၼ်းပိုၼ်ႉတီႈ ၼႂ်းဝဵင်းမိူင်းပၢႆးလၢတ်ႈတီႈၽူႈတွႆႇႁွၵ်ႈဝႃႈ – “ မိူဝ်ႈလဵဝ်ၵေႃႈ တိုၵ်ႉမီးလွင်ႈၶဵင်ႈၶႅင် ၵၼ်ဝႆႉယူႇ။ ၵူၼ်းယူႇၸွမ်းဝဵင်းၸိူဝ်းၼႆႉတႄႉ လႆႈပၢႆႈ ဢေႃႈ” – ဝႃႈၼႆ။
မိူဝ်ႈဝၼ်းတီႈ 25/4/2023 ၼၼ်ႉၵေႃႈ သိုၵ်းမၢၼ်ႈၸႂ်ႉၶိူင်ႈမိၼ်ယိုဝ်းသႂ်ႇႁူင်းယႃသွင်းၽူၺ်း ၼႂ်းၸႄႈဝဵင်းၾၢႆၶုၼ် ဢၼ်မီးၵူၼ်းပၢႆႈၽေးသိုၵ်းမႃးပိုင်ဢိင် ယူတ်းယႃတူဝ်ဝႆႉၼၼ်ႉလႄႈ မီးၵူၼ်းပၢႆႈၽေး မၢတ်ႇၸဵပ်းတင်းၼမ် ။
ၸႄႈဝဵင်းမိူင်းပၢႆးလႄႈ ႁိူၼ်းၵူၼ်းမိူင်း လူႉၵွႆၼမ်။){kind=link}