မိူဝ်ႈၼႆႉ 27/4/2023 ယၢမ်းၵၢင်ဝၼ်း 11 မူင်းပၢႆ မီးၵူၼ်းၶဝ်ႈႁိူၼ်းၸဝ်ႈၶွင် ႁၢၼ်ႉၶၢႆၶဝ်ႈမၼ်းၵႆႇ/ ၶဝ်ႈသွႆး (ႁၢၼ်ႉ ၵမ်ႇပေႃးၸ ဝၼ်း) တီႈပွၵ်ႉၵၢတ်ႇ ဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး – ၶႄႇ လႆႈၵႂႃႇတိူၵ်ႈၵဵပ်း ငိုၼ်း လုၵ်ႈၼိုင်ႈ။
ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ – “မီးၵူၼ်းၶဝ်ႈၸူၼ် ႁိူၼ်းၸဝ်ႈၶွင် ႁၢၼ်ႉၵမ်ႇပေႃးၸဝၼ်း ဝဵင်းမူႇၸေႊ တီႈၾၢႆႇၵၢတ်ႇၼႆႉ ၵူၼ်းႁၢႆႉၼၼ်ႉ ယွင်ႈဢဝ်ၵႂႃႇ တိူၵ်ႈၵဵပ်းငိုၼ်းၶဝ်ၵႂႃႇ လုၵ်ႈၼိုင်ႈၼႆၶႃႈ ၼႂ်းမၼ်း တေမီးသင်တႄႉ ပႆႇႁူႉ”- ဝႃႈၼႆ။
ဝၢႆးၼၼ်ႉယဝ်ႉ ၸွမ်းၵိဝ်ႇတၢင်း ၼႂ်းပွၵ်ႉၵၢတ်ႇ ၸိူဝ်းၼၼ်ႉ ယူႇတီႈပလိၵ်ႈ/ သိုၵ်းမၢၼ်ႈ ပႂ်ႉၵူတ်ႇထတ်းၵူၼ်းမိူင်းၵႂႃႇမႃး ႁၢဝ်ႈႁႅင်း ၼႆယဝ်ႉ။
မိူဝ်ႈဝၼ်းတီႈ 15/5/2022 ယၢမ်းၵၢင်ၶမ်ႈမွၵ်ႈ 9 မူင်း ၵူၼ်း 4 ၵေႃႉ ၶီႇၵႃးမႃးၸွမ်းၵၼ် လမ်းၼိုင်ႈ ယိပ်းၵွင်ႈၸေးမိုဝ်း ၶဝ်ႈ ၸူၼ်ႁိူၼ်းယေးၵူၼ်းဝၢၼ်ႈ လင်ၼိုင်ႈ တီႈမၢၼ်ႈဝဵင်း – ပၢင်ႇလူင်မႂ်ႇ ပွၵ်ႉၸွၼ်ႊၸူဝ်ႇ ဝဵင်းမူႇၸေႊ ၼၼ်ႉၵေႃႈလႆႈၵႂႃႇ ၾူၼ်း 2 လုၵ်ႈလႄႈ ငိုၼ်း 5 သႅၼ်ပျႃး။
 တီႈပွၵ်ႉၵၢတ်ႇ ဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ လႆႈၵႂႃႇတိူၵ်ႈၵဵပ်းငိုၼ်း လုၵ်ႈၼိုင်ႈ။){kind=link}