Thursday, June 20, 2024

ၸွမ်ၽွင်းလူင်ၸိုင်ႈတႆး ႁွၼ်ႈထဝ်ႇပွတ်းၸၢၼ်း

Must read

ၸွမ်ၽွင်းလူင်ၸိုင်ႈတႆး ဢူးဢွင်ႇၸေႃႇဢေး ႁွၼ်ႈထဝ်ႇမိူင်းတႆးပွတ်းၸၢၼ်း ဝႆႈသႃထၢတ်ႈမူၺ်ႇတေႃႇ ဝဵင်းမိူင်းၵိုင်။  

ဢူးသူဝ်းဝိၼ်း ႁွတ်ႈထိုင် မိူင်းၵိုင်
Photo by – ချစ်သော မိုင်းကိုင်မြို့နယ်/ ၸွမ်ၽွင်းလူင်ၸိုင်ႈတႆး တႂ်ႈသိုၵ်းမၢၼ်ႈၵုမ်းၵမ် ႁွတ်ႈထိုင် ဝဵင်းမိူင်းၵိုင် ဝႆႈသႃထၢတ်ႈမူၺ်ႇတေႃႇ

မိူဝ်ႈဝႃး ဝၼ်းတီႈ 13/3/2023 ယၢမ်းၵၢင်ၼႂ် 9 မူင်း ၸွမ်ၽွင်းလူင်ၸိုင်ႈတႆး ဢူးဢွင်ႇၸေႃႇဢေး (ဢၼ်သိုၵ်းမၢၼ်ႈလၢၵ်ႈတင်ႈဝႆႉပႆႇပေႃးႁိုင်) ႁွတ်ႈထိုင်ဝဵင်းမိူင်းၵိုင် ၸိုင်ႈတႆး ပွတ်းၸၢၼ်းသေ ႁူပ်ႉထူပ်းၾၢႆႇၽွင်းငမ်းလႄႈၶႃႈႁၢပ်ႇၵၢၼ်ၶုၼ် ဢိၵ်ႇ ထဝ်ႈဝၢၼ်ႈထဝ်ႈၼႃး ၵူၼ်းမိူင်းၵိုင်၊ လိူဝ်ၼၼ်ႉ ၵႂႃႇဝႆႈထၢတ်ႈၸႅတ်ႈမူၺ်ႇတေႃႇပႃး။

- Subscription -

ၵူၼ်းဝဵင်းမိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ – “မိူဝ်ႈဝႃး ၸွမ်ၽွင်းလူင်ၸိုင်ႈတႆး ဢူးဢွင်ႇၸေႃႇဢေး လုၵ်ႉတူၼ်ႈတီး မႃးႁွတ်ႈထိုင် မိူင်းၵိုင်ၼႆႉ ယၢမ်းၵၢင်ၼႂ် 9 မူင်း ႁူပ်ႉထူပ်းၵၼ်တင်းၾၢႆႇၽွင်းငမ်းၶဝ်သေယဝ်ႉ မႃးဝႆႈလူႇတၢၼ်း တီႈၵျွင်းလူင်မူၺ်ႇတေႃႇႁဝ်းၶႃႈ 100 သႅၼ်ပျႃး။ ယဝ်ႉ ၵေႃႈ ယၢမ်းၵၢင်ဝၼ်း 12 မူင်း မၼ်းၵိၼ်ၶဝ်ႈဝၼ်းတီႈၼႆႈသေ ၸင်ႇပွၵ်ႈမိူဝ်းၶိုၼ်းတၢင်းဝဵင်းလၢႆးၶႃႈ။ မၼ်းမႃးႁဵတ်းသင်တႄႉတႄႉဢမ်ႇလႆႈႁူႉသေတႃႉ ပိူၼ်ႈတႄႉဢွၵ်ႇၶၢဝ်ႇဝႃႈမႃးတူၺ်းလွင်ႈႁုၼ်ႈမုၼ်းမႂ်ႇသုင်ပိုၼ်ႉတီႈၼႆဝႆႉ။ ႁဝ်းၶႃႈတႄႉဝူၼ်ႉဝႃႈ မႃးႁႃသဵင် တႃႇပၢင်လိူၵ်ႈတင်ႈ ဢၼ်ၶဝ်တေၸတ်းၼၼ်ႉၵူၺ်း”- ဝႃႈၼႆ။

ဝၢႆးသေ မႃးလူႇတၢၼ်းတီႈထၢတ်ႈမူၺ်ႇတေႃႇလူင် ဝဵင်းမိူင်းၵိုင်ယဝ်ႉ ယၢမ်းၵၢင်ဝၼ်း 12 မူင်း ၸုမ်းဢူးဢွင်ႇၸေႃႇဢေး ဢွၵ်ႇဝဵင်းမိူင်းၵိုင် ပွၵ်ႈမိူဝ်း တၢင်းဝဵင်းလၢႆးၶႃႈ၊ ပၢင်လူင်၊ လွႆလႅမ် ၶိုၼ်း။ မိူဝ်းသူႇၸႂ်း ၶႃႈႁၢပ်ႇၵၢၼ်ၶုၼ်တၢင်းပုၼ်ႉသေ လိုဝ်ႈၼွၼ်းတီႈဝဵင်းလွႆလႅမ် ၶိုၼ်းၼိုင်ႈ။ မိူဝ်ႈၼႆႉ ဝၼ်းတီႈ 14 ယၢမ်းၵၢင်ၼႂ် ၸင်ႇလုၵ်ႉ တီႈဝဵင်းလွႆလႅမ် ပွၵ်ႈမိူဝ်းၶိုၼ်း တီႈဝဵင်းတူၼ်ႈတီး။  

“လႆငိၼ်းဝႃႈ မႃးတူၺ်းပႃးၾၢႆတီႈၼွင်မူၼ်း ။ မိူဝ်ႈၼႆႉ ၸႂ်ႉၽူႈ ၵွၼ်းၸႄႈ တွၼ်ႈ ၾၢႆႇၽုၵ်ႇသွမ်ႈလႄႈ ၾၢႆ (မိူင်ၼမ်ႉ) ၶဝ် ၵႂႃႇတူၺ်းတီႈႁဵတ်းၾၢႆၼၼ်ႉယူႇ။ ၵူၺ်းၵႃႈလွင်ႈၵေႃႇသၢင်ႈၾၢႆၼၼ်ႉ ပဵၼ်ငိုၼ်းလူင်ပွင်ၸိုင်ႈမိူင်းတႆး ႁိုဝ် ဢမ်ႇၼၼ် ငိုၼ်း မိူင်းႁူမ်ႈတုမ်ၼႄႇ ၼႆၸိူဝ်းၼႆႉတႄႉ ပႆႇႁူႇ။ ဢမ်ႇၼၼ် ငိုၼ်းၾၢႆႇလိူမ်ႈလႆႇႁႃႉ ၼႆ ၸိူဝ်းၼႆႉ။ ”- ၵူၼ်းပိုၼ်ႉတီႈ ဝဵင်းမိူင်းၵိုင် သိုပ်ႇလၢတ်ႈၼႄၼင်ႇၼႆ။

ၽူႈၵွၼ်းတိူင်းသိုၵ်း ယပၶ၊ ၵႅမ်ၽူႈၵွၼ်းတိူင်းသိုၵ်း ယလၶ ၶဝ်ၸိူဝ်းၼႆႉၵေႃႈ မႃးၸွမ်းသူင်ႇဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း