Friday, July 19, 2024

ၵႃးတၢင်ႇၼမ်ႉမၼ်းၸၢၵ်ႈလမ်းၼိုင်ႈ  လုၵ်ႉပဵၼ်ၾႆး တီႈဝဵင်းပၢင်လွင်း

Must read

ၵႃးတၢင်ႇၼမ်ႉမၼ်းလမ်းၼိုင်ႈ တီႈဝဵင်းပၢင်လွင်း ၸိုင်ႈတႆးပွတ်းၸၢၼ်းလုၵ်ႉပဵၼ်ၾႆး။

မိူဝ်ႈၼႆႉ ဝၼ်းတီႈ 1/3/2023 ယၢမ်းၵၢင်ၼႂ် 11 မူင်းၼၼ်ႉ ၾႆးမႆႈၵႃးတၢင်ႇၼမ်ႉမၼ်းလမ်းၼိုင်ႈ တီႈဝၢၼ်ႈၵူဝ်းၶွင်ႇ ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ။

- Subscription -

ၵူၼ်းပိုၼ်ႉတီႈလၢတ်ႈတီႈၽူႈတွႆႇႁွၵ်ႈဝႃႈ-“ ၵွပ်ႈသင်လႄႈ မႆႈတႄႉၵေႃႈဢမ်ႇႁူႉ ယူႇယူႇၵေႃႈ မၼ်းလုၵ်ႉပဵၼ်ၾႆးႁဵတ်းၼၼ်ၵူၺ်း ၶိူင်ႈမၼ်းတေလိူတ်ႈၼႃႇယဝ်ႉသေ တေပဵၼ်ၾႆးမႆႈၵႂႃႇၵႂႃႈ။ၵူၺ်းၼႃႇ ၼႅတ်ႈဢွၼ်ၵၼ် ၶႄဝႆးဝႆးသေ ဢမ်ႇတၼ်း မႆႈတၢင်းလမ်းၼင်ႇၵဝ်ႇ။ၵူၺ်းၼႃႇ ၼမ်ႉမၼ်းဢၼ်တၢင်ႇဝႆႉ ၼိူဝ်ၵႃးၼၼ်ႉ တႄႉ သုမ်းၼမ်ဢေႃႈၼၼ်ႉ ပဵၼ်ၵႃးၽႂ်ၼႆ ပႆႇႁူႉ” – ဝႃႈၼႆ။

မိူဝ်ႈလဵဝ် ၶၢဝ်းမႆႈၵေႃႈ ၸမ်မႃးယဝ်ႉလႄႈ ၾႆးၸၢင်ႈမႆႈငၢႆႈ ႁႂ်ႈၾၢင်ႉၼမ်ၼမ်ယႃႇႁႂ်ႈပဵၼ်ၽေးၾႆးမႆႈၼႆ ၸုမ်းၸွႆႈၶႄၾႆးသင်ႇလၢတ်ႈၼင်ႇၼႆ။

မိူဝ်ႈဝၼ်းတီႈ 27/2/2023 ၼႆႉၵူၺ်း ၾႆးမႆႈ ဢွင်ႈတီႈၵဝ်ႇ ပၢင်တေႃႇလွင်း ၶွင်လူင်ထၢၼ် ပျီႇတူႉ ၸိတ်ႉ တီႈၵွင်းလွႆ 45 ပွၵ်ႉၼိူဝ် ဝဵင်းမူႇၸေႊ လႅၼ်လိၼ်တႆး – ၶႄႇ ၸိုင်ႈတႆးပွတ်းႁွင်ႇ။

ဝၢႆးသိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်း 2 ပီပၢႆၼႆႉ ၾႆးၾႃႉ ဢမ်ႇမႃးမၢၼ်ႇ ပေႃးမႃးၵေႃႈ ႁႅင်းၾႆး ပုင်ႈၶိုၼ်ႈလူင်းႁႅင်းဝႆး လႄႈ ႁဵတ်းႁႂ်ႈၾႆးၾႃႉ ၵႆႉသျွတ်ႉ မႆႈႁိူၼ်းယေး ၵူၼ်းမိူင်း။ ယဝ်ႉၵေႃႈ မိူၼ်ၼင်ႇ မေႃႈႁုင်ၶဝ်ႈ၊ ႁုင်ၽၵ်း၊ မေႃႈတင်ႈၼမ်ႉမႆႈ၊ ၸၢၵ်ႈၸၼ်ၼမ်ႉ ၸိူဝ်းၼႆႉၵေႃႈလူႉၵွႆၼမ် ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း