Thursday, June 20, 2024

သိုၵ်း TNLA ထႅမ်ႁႅင်းသိုၵ်း မုင်ႈၸူးတၢင်းၸေႊလၢၼ်ႉ ၵူၼ်းပိုၼ်ႉတီႈမႆႈၸႂ် ၵူဝ်ပဵၼ်ပၢင်တိုၵ်း

Must read

သိုၵ်းတဢၢင်း TNLA ဢဵၼ်ႁႅင်း ဢမ်ႇယွမ်း 70 ၵေႃႉ ထႅမ်ႁႅင်းသိုၵ်း မုင်ႈၸူး တၢင်းဢိူင်ႇၸေႊလၢၼ်ႉသေ ႁဵတ်းႁႂ်ႈ ၵူၼ်းပိုၼ်ႉတီႈမႆႈၸႂ် ၵူဝ်ပဵၼ်ပၢင်တိုၵ်းတင်း သိုၵ်းမၢၼ်ႈ ၼႆယဝ်ႉ။

ႁၢင်ႈ သိုၵ်းတဢၢင်း
Photo by – ၵူၼ်းပိုၼ်ႉတီႈ/ ႁၢင်ႈသိုၵ်းတဢၢင်း လုၵ်ႉဝၢၼ်ႈၼမ်ႉၸၢင်ႉ မုင်ႈၸူး ၸေႊလၢၼ်ႉ

မိူဝ်ႈဝႃး ဝၼ်းတီႈ 19/2/2023 ယၢမ်းႁူဝ်ၶမ်ႈ သိုၵ်းတဢၢင်း TNLA ဢဵၼ်ႁႅင်း ဢမ်ႇယွမ်း 70 လုၵ်ႉတၢင်းဝၢၼ်ႈၼမ်ႉ ၸၢင်ႉ ပႆၸွမ်းၶၢင်ႈတၢင်းလူင် ၼမ်ႉၶမ်း – မူႇၸေႊ မုင်ႈၸူး တၢင်းဢိူင်ႇၸေႊလၢၼ်ႉ ၸႄႈဝဵင်းမူႇၸေႊ လႅၼ်လိၼ်တႆး – ၶႄႇသေ ၵႂႃႇလိုဝ်ႈၼွၼ်း တၢင်းဝၢၼ်ႈထမ်ႈလႄႈ မၢၼ်ႈၵၢင် ၸိူဝ်းၼၼ်ႉဝႆႉ ဝႃႈၼႆ။

- Subscription -

ၵူၼ်းပိုၼ်ႉတီႈ ဢိူင်ႇၸေႊလၢၼ်ႉ လၢတ်ႈတီႈၽူႈတွႆႇႁွၵ်ႈဝႃႈ – “သိုၵ်းတဢၢင်း လုၵ်ႉတၢင်းဝၢၼ်ႈၼမ်ႉၸၢင်ႉမႃး တၢင်းၸေႊ လၢၼ်ႉၼႆႉ ဢမ်ႇယွမ်း 70 ၵေႃႉ။ ၸွမ်းၶၢင်ႈတၢင်းလူင် ပဵၼ်သၢႆသိုၵ်းၶဝ်ပႆမႃးမူတ်း။ ႁဝ်းၵူၼ်းမိူင်းတႄႉ မႆႈၸႂ် ၵူဝ်ၶဝ်ပဵၼ်ပၢင် တိုၵ်းၼၼ်ႉၵူၺ်းယဝ်ႉ။ ထႅင်ႈၾၢႆႇၼိုင်ႈ ၶဝ်မႃးပႆၼႄၽုင်းသိုၵ်းၶဝ် လွင်ႈဝႃႈ သိုၵ်းၶဝ် တူင်ႉၼိုင်ယူႇဝႆႉ ၵုမ်းၵမ်ဢုပ်ႉပိူင်ႇဝႆႉၸိူဝ်း ၼႆႉၵေႃႈတေပႃး ယဝ်ႉၵေႃႈ ယၢမ်းလဵဝ် ၸမ်ၵဵပ်းၶွၼ်ႇၶဝ်ထႅင်ႈ ၼင်ႇႁိုဝ် ၶဝ်တေၵဵပ်းငၢႆႈ ၸိူဝ်းၼႆႉၵေႃႈ တေပႃး”- ဝႃႈၼႆ။

ၵဵဝ်ႇၵပ်းလွင်ႈၼႆႉ ၵူၼ်းပိုၼ်ႉတီႈ ၵမ်ႈၼမ် လၢမ်းၶၢတ်ႈဝႃႈ လွင်ႈသိုၵ်းတဢၢင်း ပႆၼႄၾၢင်ႈႁၢင်ႈ ၸိူင်ႉၼႆၼႆႉ ထိုင်ၶၢဝ်းလူဝ်ႇ ၵဵပ်းၶွၼ်ႇမႃးယဝ်ႉလႄႈ ၼင်ႇႁိုဝ် တေၵဵပ်းၶွၼ်ႇငၢႆႈ ၸိူဝ်းၼႆႉသေ ၸင်ႇမႃးပႆၼႄဢဵၼ်ႁႅင်းၶဝ် ၸိူဝ်းၼႆႉၵေႃႈ ပိူင်ၼိုင်ႈ ဝႃႈၼႆ။

ပူၼ်ႉမႃး မိူဝ်ႈဝၼ်းတီႈ 15/2/2023 ယၢမ်းၵၢင်ဝၼ်း 11 မူင်း သိုၵ်းတဢၢင်း TNLA ဢဵၼ်ႁႅင်း 20 ၵေႃႉ လူင်းပိုၼ်ႉတီႈ ၵူတ်ႇထတ်း ၸွမ်းႁၢၼ်ႉၶၢႆၶူဝ်းၵုၼ်ႇ ၶွင်ၵူၼ်းမိူင်း ဢၼ်ၶူဝ်းၵုၼ်ႇၶွင်သိုၵ်းမၢၼ်ႈ ႁဵတ်းဢွၵ်ႇ ၸိူဝ်းၼၼ်ႉ ၼႂ်းဢိူင်ႇၸေႊ လၢၼ်ႉ ၸႄႈဝဵင်းမူႇၸေႊ ဢမ်ႇဝႃႈႁၢၼ်ႉလဵၵ်ႉယႂ်ႇ ၶဝ်ႈၵူတ်ႇထတ်းမူတ်း ယဝ်ႉၵေႃႈ ပၢႆလၢတ်ႈၸဝ်ႈၶွင်ႁၢၼ်ႉဝႆႉဝႃႈ ၶၢဝ်းတၢင်း 2-3 ဝၼ်း တေမႃးၵူတ်ႇထတ်းထႅင်ႈၵမ်ႉ သင်ဝႃႈ တိုၵ်ႉသိုပ်ႇၶၢႆ ထႅင်ႈယူႇၸိုင် တေထုၵ်ႇၺႃးတၢမ်ႇၼၵ်းၼႃ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း