ပလိၵ်ႈၾၢႆႇၽဵဝ်ႈမူၺ့်ယႃႈမဝ်းၵမ် တီ့ၺွပ်းလႆႈၵူၼ်းတေႃ့ယႃႈမဝ်းၵမ်ၵေႃ့ၼိုင်ႈတီႈမိူင်းၶၢၵ်ႇ ၸိုင်ႈတႆးပွတ်းဢွၵ်ႇ။
မိူဝ်ႈဝၼ်းတီႈ 9/2/2023 ယၢမ်းၵၢင်ၼႂ် 7 မူင်းၶိုင်ႈ ၾၢႆႇၽဵဝ်ႈမူၺ့်ယႃႈမဝ်းၵမ် ၶွင်သိုၵ်းမၢၼ်ႈ တီ့ၺွပ်းလႆႈၵူၼ်းတေႃ့ယႃႈမဝ်းၵမ်ၵေႃ့ၼိုင်ႈတီႈမိူင်းၶၢၵ်ႇ ၸိုင်ႈတႆးပွတ်းဢွၵ်ႇ။
ၾၢႆႇ CCDAC MYANMAR ဢွၵ်ႇဝႆ့ဝႃႈ တီ့ၺွပ်းလႆႈ ၵူၼ်းၸၢႆးၵေႃ့ၼိုင်ႈ ဢဝ်ယႃႈတၢင်ႇၵႃး သႅၼ်း TOYOTA WISH မႃးယႃႈမ 9952 မဵတ့် ဢၼ်ၵႃႈၶၼ်မီး သႅၼ်ႁွမ်း 69.664 သႅၼ်ပျႃး လႄႈ ၾူၼ်းၵပ်းတူဝ် 2 လုၵ်ႈ။
ၵူၼ်းၸၢႆးၵေႃ့ဢၼ်ထုၵ်ႇၺႃးၺွပ်းၼႆ့ ၸိုဝ်ႈ ၸၢႆးဢၢႆႈၸၢမ်ၽူး ဢႃယု 36 ပီ။ မၼ်းၸၢႆးလုၵ့်မိူင်းယၢင်း လတ်းမႃးတၢင်းၵဵင်းပိၼ်း(ကျိုင်းပင်း) မိူဝ်ႈလဵဝ်ၾၢႆႇပလိၵ်ႈ တိုၵ့်ၵူတ်ႇထတ်းထဵတ်ႈထၢမ်သေ တေပၼ်တူတ်ႈတၢမ်ႇၸွမ်းၼင်ႇပၵ်းပိူင်မီးဝႆ့ ဝႃႈၼႆ။
မိူဝ်ႈဝၼ်းတီႈ 6/2/2023 ၼၼ့်ၵေႃႈ ၾၢႆႇၽဵဝ်ႈမူၺ့်ယႃႈမဝ်းၵမ် တီ့ၺွပ်းလႆႈၵူၼ်းတႆးသွင်ၵေႃ့ ဢၼ်တေႃ့ယႃႈဢႆ့ ၼမ့်ၼၵ်းမီး 46 ၵီႊလူဝ်ႊ ၵႃၶၼ်မီး သႅၼ်ႁွမ်း 3600 ပျႃး တီႈသဵၼ်ႈတၢင်း မိူင်းႁႄး- လွႆသထူင်ႇ ၼႂ်းဢိူင်ႇဝၢၼ်ႈလူင် ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။
သွင်ၵေႃ့ဢၼ်ၺႃးတီ့ၺွပ်းၼၼ့် ပဵၼ် ၸၢႆးသၢႆၼုၼ်းလႄႈ ၸၢႆးလူင်တၢၼ်း ယႃမဝ်းၵမ်ၸိူဝ်းၼႆ့ ဢဝ်တီႈၵဵင်းတုင်သေ တေဢၢၼ်းသူင်ႇထိုင် တႃႈၶီႈလဵၵ်းဝႃႈၼႆ။မိူဝ်ႈလဵဝ် ၾၢႆႇပလိၵ်ႈတေၸွမ်းသွၵ်ႈႁႃ ၵူၼ်းၵဵဝ်ႇၶွင်ႈၵႂႃႇထႅင်ႈၼႆယဝ့်။
