Friday, March 29, 2024

ႁႅင်းၵၢၼ်ၵူၼ်းမိူင်းမၢၼ်ႈ ၺႃးၾႃႉၽႃႇ ၽွင်းတိုၵ့်ႁဵတ်းၵၢၼ်ၵေႃႇသၢင်ႈတီႈၵုင်းထဵပ်ႈ

Must read

ႁႅင်းၵၢၼ်ၵူၼ်းမိူင်းႁူမ်ႈတုမ်ၵေႃ့ၼိုင်ႈ တီႈၵုင်းထဵပ်ႈ ၾႃႉၽႃႇလူ့တၢႆထင်ႈတီႈ ၽွင်းတိုၵ့်ႁဵတ်းၵၢၼ်ၵေႃႇသၢင်ႈ။

မိူဝ်ႈဝႃး ဝၼ်းတီႈ 5/2/2023 ဝၢႆးဝၼ်း 3 မူင်းပၢႆၼၼ့် ႁႅင်းၵၢၼ်ၵူၼ်းမိူင်းႁူမ်ႈတုမ်ၵူၼ်းၸၢႆးၵေႃ့ၼိုင်ႈ ၾႃႉၽႃႇ တၢႆထင်တီႈ ၽွင်းတိုၵ့်ႁဵတ်းၵၢၼ်ၵေႃႇသၢင်ႈ ႁိူၼ်းတိူၵ်ႈလင်ၼိုင်ႈ ၼိူဝ်သဵၼ်ႈတၢင်းၽႁူလ်ႊယူဝ်ႊထိၼ်ႊ( ถนนพหลโยธิน ) ဢိူင်ႇလူင်ၶႂႅင်ႊၸွမ်ႊၽူၼ်ႊ( แขวงจอมพล ) ၶဵတ်ႇၸတုၸၵ်ႊ( เขตจตุจักร ) တီႈဝဵင်းလူင်ၵုင်းထဵပ်ႈ ၸိုင်ႈထႆး။

- Subscription -

ၵူၼ်းၸၢႆးၵေႃႉဢၼ်ၾႃႉၽႃႇတၢႆၼႆ့ ၸိုဝ်ႈ ဢွင်ႇထူးၸူဝ်း ဢႃယု 21 ပီ ပဵၼ်ၵူၼ်းမိူင်းႁူမ်ႈတုမ် ၶဝ်ႈႁဵတ်းၵၢၼ် ႁႃငိုၼ်းတီႈဝဵင်းလူင်ၵုင်းထဵပ်ႈ မိူင်းထႆး။

ၽွင်းမၼ်းၸၢႆးတိုၵ်ႉႁဵတ်းၵၢၼ်လေႃႇပုၼ်လေႃႇသၢႆးယူႇၼိူဝ်တိုၵ်းသုင် 21 ၸၼ်ႉၼၼ်ႉ ၾူၼ်တူၵ်းႁႃႇယႂ်ႇႁႃႇလူင်သေ  ၾႃႉလင်ၾႃႉမႅပ်ႈသေၽႃလူင်းမႃးတိူဝ်ႉမၼ်းၸၢႆး ။

ၼၢင်းၼိၼ်းသီႇ ဢႃယု 37 ပီ ပီႈၼၢင်း ၵူဝ်ႇဢွင်ႇထူးၸူဝ်းလၢတ်ႈဝႃႈ- “  ၼွင့်ၸၢႆးၶႃႈတၢႆၵႂႃႇၼႆ့ ပဵၼ်ယွၼ်ႉၽေးၵိုင်ႉၵၢင်ႉ ၽေးသၽႃႇဝ ၵူၺ်းၶႃႈ။ ဢမ်ႇမီးလွင်ႈမၢပ်ႇၼႄးထၢင်ႇထိူမ်ၽႂ်။  ပဵၼ်တေႃႇၼႃႈတေႃႇတႃၵူၼ်းႁဵတ်းၵၢၼ်ၸွမ်းၵၼ်တင်းမူတ်း။ လီတူၵ်းၸႂ်တႄႉယဝ်ႉၶႃႈ   ”- ဝႃႈၼႆ။

လွင်ႈၼႆႉၾၢႆႇပလိၵ်ႈၵေႃႈဢဝ်ၶၢပ်ႈတူဝ်တၢႆ ဢွင်ႇထူးၸူဝ်းၵႂႃႇၵူတ်ႇထတ်းပၼ်လီငၢမ်းၸွမ်းၼင်ႇပၵ်းပိူင်မၢႆမီႈမီးဝႆႉ။

ၾၢႆႇၸွႆႈထႅမ်ႁႅင်းၵၢၼ်ၵေႃႈ ၾၢင်ႉတိူၼ်းဝႆႉယူႇတႃႇသေႇ ၽွင်းၶၢဝ်းၾူၼ်တူၵ်းႁႅင်း ႁႂ်ႈၵိုတ်းလိုဝ်ႈၵၢၼ်သေၶဝ်ႈႁူမ်ႈသေႃႉၾူၼ်ဝႆႉၵွၼ်ႇ ၵူဝ်ၺႃးၽေး ၾႃႉၽႃႇ လူမ်းၽတ်ႉပဝ်ႇ ၵူၼ်းႁဵတ်းၵၢၼ်တိုၵ်းသုင်ၵေႃႈၵူဝ်ႇပဵၼ်ၽေးၵိုင်ႉၵၢင်ႉ ပလၢတ်ႈတူၵ်းတိုၵ်း ၸိူဝ်းၼႆႉ။ ပေႃးၾူၼ်ႁိူတ်ႇၸင်ႇႁဵတ်းၵၢၼ်ၶိုၼ်း ဝႃႈၼႆဝႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း