ၾၢႆႇၽဵဝ်ႈမူၺ့်ယႃႈမဝ်းၵမ် ပိုၼ်ၽၢဝ်ႇ တီ့ၺွပ်းလႆႈၵူၼ်းတေႃ့ယႃႈမဝ်းၵမ်တီႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ 2 ဝၼ်း ထပ်းၵၼ် ၵႃႈၶၼ်ယႃႈၼပ်ႉႁူဝ်ပၢၵ်ႇလၢၼ်ႉပျႃး။
ၾၢႆႇၽဵဝ်ႈမူၺ့်ယႃႈမဝ်းၵမ် Central Committee For Drug Abuse Control ပိုၼ်ၽၢဝ်ႇဝႃႈ မီးၵူၼ်းသူင်ႇၶၢဝ်ႇလႄႈ သိုၵ်းမၢၼ်ႈပလိၵ်ႈမၢၼ်ႈၵႂႃႇပႂ်ႉ ၵူတ်ႇထတ်းၵူၼ်းၵႂႃႇမႃး တီႈတူဝ်းလ်ၵိၵ့် ဢူဝ်ႊရီႊယၼ်ႊထိူဝ်လ် အိုရီယန်ထယ်တိုးဂိတ် ႁိမ်းဝၢၼ်ႈပႃႇႁၵ့် ၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ မိူဝ်ႈဝၼ်းတီႈ 3 လႄႈ 4/2/2023 ၊ တီ့ၺွပ်းလႆႈ ၵူၼ်းတေႃ့ယႃႈမဝ်ၵမ် 2 ဝၼ်းထပ်းၵၼ် ဝႃႈၼႆ ။
CCDAC Myanmar ပိုၼ်ၽၢဝ်ႇဝႆ့ဝႃႈ မိူဝ်ႈဝၼ်းတီႈ 3/2/2023 ၵၢင်ၼႂ် 6 မူင်းၶိုင်ႈ ၼၼ့် ၾၢႆႇၽဵဝ်ႈမူၺ့်ယႃႈမဝ်းၵမ် တီ့ၺွပ်းလႆႈ ၵူဝ်ႇဢွင်ႇမီႇ ဢမ်ႇၼၼ် ၽူဝ်းလူင်း ဢႃယု 59 ပီ ဢၼ်တေႃ့ယႃႈမႃ့သႂ်ႇရူတ့်ၶိူင်ႈမႃး 32600 မဵတ့် ၵႃႈၶၼ်မီး 163 သႅၼ်ပျႃးလႄႈ ၾူၼ်းၵပ်းတူဝ် ၼိုင်ႈလုၵ်ႈ။
မိူဝ်ႈဝၼ်းတီႈ 4/2/2023 ၵၢင်ၼႂ် 9 မူင်း ၾၢႆႇၽဵဝ်ႈမူၺ့်ယႃႈမဝ်းၵမ် တီ့ၺွပ်းလႆႈ ယႃႈမႃ့ 39000 မဵတ့် ၵႃၶၼ်မီး 195 သႅၼ်ပျႃး လႄႈ ၾူၼ်းၵပ်းတူဝ် 1 လုၵ်ႈ ဢၼ်တၢင်ႇမႃးၸွမ်းရူတ့်ၶိူင်ႈ ၶုၼ်ၸဵင်ႇ ခွန်ကျိန် ဢႃယု 34 ပီ ပဵၼ်ၵူၼ်း ႁေႃႈ၊ မၽျူႇတီႇ ဢႃယု 37 ၶီႇၸွမ်းၾၢႆႇလင်။ ဝၼ်းၼၼ့်ၵူၺ်းၼင်ႇၵဝ်ႇ မိူဝ်ႈဝၢႆးဝၼ်း 2 မူင်းၶိုင်ႈၼၼ့် တီ့ၺွပ်းလႆႈ ယႃႈမႃ့ ၼိုင်ႈမိုၼ်ႇသၢမ်ႁဵင်ႁူၵ်းပၢၵ်ႇ 13600 မဵတ့် ဢၼ်ၵႃႈၶၼ်မီး ႁူၵ်းသိပ်းပႅတ်ႇ 68 သႅၼ် ဢၼ်ၵူဝ်ႇတၢၼ့်သိၼ်ႇထုၼ်း လႄႈ မၶိၼ်ႇဝုၼ်းယီႇ တၢင်ႇရူတ့်ၶိူင်ႈမႃး။
မိူဝ်ႈလဵဝ် ပလိၵ်ႈ လႄႈ ၾၢႆႇၽဵဝ်ႈမူၺ့်ယႃႈမဝ်းၵမ် ၵုမ်းၶင်ၵူတ်ႇထတ်းထဵတ်ႈထၢမ် ႁူဝ်ယွႆႈယႅမ်း သေ တေပၼ် တူတ်ႈတၢမ်ႇၵႂႃႇ ၸွမ်းၼင်ႈ ပၵ်းပိူင် မီးဝႆ့ ၼၼ့် ဝႃႈၼႆ။
မိူဝ်ႈဝၼ်းတီႈ 4/2/2023 ၼၼ့်ၵေႃႈ ၾၢႆႇၽဵဝ်ႈမူၺ့်ယႃႈမဝ်းၵမ် လႆႈငိူၼ်ႈၶၢဝ်ႇသေ ၶဝ်ႈသွၵ်ႈ ႁိူၼ်းလင်ၼိုင်ႈ တီႈဝၢၼ်ႈၼႃတႃလိ ၸႄႈဝဵင်းတႃႇၶီႈလဵၵ်းၸိုင်ႈတႆးပွတ်းဢွၵ်ႇ ။ တီ့ၺွပ်းလႆႈ ၵူဝ်ႇဢႃးၵျူး ဢႃယု 25 ပီ ဢၼ်ၼႂ်းႁိူၼ်း မီး ယႃမႃ့ 4000 မဵတ့် ၵႃၶၼ်မီး 28 သႅၼ်ပျႃး ။ၾၢႆႇပလိၵ်ႈမၢၼ်ႈ သိုပ်ႇၵူတ်ႇထတ်းထဵတ်ႈထၢမ်သေ တီ့ၺွပ်းလႆႈပႃး ၸေႃးလေးၵပေႃႇထူး ဢႃယု 36 ပီ ၼႂ်းႁိူၼ်းမၼ်းမီးယႃႈမ 6000 မဵတ့် ၵႃၶၼ်မီး 4 လၢၼ့်ပျႃးပၢႆ။
မိူဝ်ႈဝၼ်းတီႈ 23/1/2023 ၼၼ့်ၵေႃႈ ၾၢႆႇၽဵဝ်ႈမူၺ့်ယႃႈမဝ်းၵမ် လႆႈငိူၼ်ႈၶၢဝ်ႇသေ တင်ႈလၢၼ်ႇၵူတ်ႇထတ်း ၼိူဝ်ႈသဵၼ်ႈတၢင်း ႁူဝ်ပူင်း-လွႆလႅမ် ႁိမ်းဝၢၼ်ႈထမ်ႈၸၢင့် ဝဵင်းႁူဝ်ပူင်း ၸိုင်ႈတႆးပွတ်းၸၢၼ်း။ တီ့ၺွပ်းလႆႈ ၵူၼ်းၸၢႆးၵေႃ့ၼိုင်ႈ ၸိုဝ်ႈ ၸၢႆးသၢမ်ၼေႃႇဢမ်ႇၼၼ် ၸၢႆးသၢမ် ဢႃယု 28 ပီ ဢဝ်ယႃႈမႃ့ 5 မိုၼ်ႇ 50000 မဵတ့် သႂ်ႇၼႂ်းရူတ့်ၶိူင်ႈမႃးဝႃႈၼႆ ။
ၾၢႆႇပၵ်းတႃယႃႈမဝ်းၵမ်တႄႉလၢတ်ႈဝႃႈ ၸူဝ်ႈသိုၵ်းမၢၼ်ႈယိုတ်းမိူင်းမႃးၶၢဝ်းတၢင်း 2 ပီၼႆႉ ၼႂ်းမိူင်းတႆး ပၢင်တေႃႇလွင်းလိူင်ႇ ယႃႈမ ယႃႈမဝ်းၵမ်ၵေႃႈလိူင်ႇ လႄႈၽူႈလၵ်ႉၵူၼ်းၸူၼ်ၵေႃႈလိူင်ႇၼမ်။
