Thursday, February 9, 2023

ၸဝ်ႈၼႃႈတီႈထႆးတိၺွပ်းၵူၼ်းၶၢမ်ႈလႅၼ်လိၼ် ၶဝ်ႈမိူင်းထႆး 30 ပၢႆ

Must read

မိူဝ်ႈၼႆ့ ဝၼ်းတီႈ 12/1/2023 ယၢမ်းၵၢင်ၼႂ်  ၸဝ်ႈၼႃႈတီႈထႆး ၾၢႆႇၵူတ်ႇထတ်းၵူၼ်းၶဝ်ႈမိူင်း တိၺွပ်းလႆႈ ၵူၼ်းၶၢမ်ႈလႅၼ်လိၼ်ၶဝ်ႈမိူင်းထႆး 32 ၵေႃ့ တီႈဝဵင်းဢူမ်ႊၵွႆ(อำเภอมก๋อย) ၸႄႈဝဵင်းၵဵင်းမႆႇ ၸိုင်ႈထႆး ၶၢဝ်ႇ chiangmainews ဢွၵ်ႇဝႆ့ၼင်ႇၼႆ။

သိုဝ်ႇ chiangmainews ဢွၵ်ႇဝႆ့ဝႃႈ မီးၵူၼ်းသူင်ႇၶၢဝ်ႇထိုင်ၸဝ်ႈၼႃႈတီႈလႄႈ ၶဝ်ႈၵူတ်ႇထတ်း  ႁၼ်မႅၼ်ႈ ၵႃးတၢင်ႇၵုၼ်ႇလမ်းၼိုင်ႈ လႄႈ ၵႃးတူဝ်ႊယူဝ်ႊတႃႇလမ်းၼိုင်ႈ ဢၼ်တေႃ့ႁႅင်းၵၢၼ်ၵူၼ်းမိူင်းမၢၼ်ႈ ၶၢမ်ႈလႅၼ်လိၼ်ၶဝ်ႈမိူင်းထႆး 32 ၵေႃ့ ။ ၵႃးတူဝ်ႊယူဝ်ႊတႃႇ လႅၼ်ႈၼမ်းၼႃႈ ၵႃးတၢင်ႇၵူၼ်းသမ့်လမ်းၸွမ်းလင်။ၵႃးဢၼ်တၢင်ႇၵူၼ်းၼႆ့ ပဵၼ်ၵႃးတၢင်ႇၵုၼ်ႇ သီၶၢဝ် မၢႆထပဵၼ်း ရူတ်ႉပဵၼ် ဝဵင်းဢူႇပူလ်ႊရၢတ်ႉၶျထႃႊၼီႊ( ทะเบียนอุบลราชธานี)၊ ၵႃး တူဝ်ႊယူဝ်ႊတႃႇ သမ်ႉ မၢႆရူတ်ႉပဵၼ်ဝဵင်းၵဵင်းမႆႇ ဝႃႈၼႆဝႆႉ။

ၼႂ်းဢၼ်ၸဝ်ႈၼႃႈတီႈၵူတ်ႇထတ်းသေ တိၺွပ်းလႆႈၼႆ့ ပႃး ၵူၼ်းထႆးၵေႃ့ၼိုင်ႈ ဢၼ်တေႃႉ ၵူၼ်း မိူင်းမၢၼ်ႈ ၶဝ်ႈမိူင်းထႆးလူၺ်ႈဢမ်ႇမီးဝတ်းဝႂ်သင်။တေၵူတ်ႇထတ်းထိုင် ဢွင်ႈတီႈ ဢၼ်ႁႅင်းၵၢၼ်ၶဝ်ဢၢၼ်းၵႂႃႇၼၼ့် ဝႃႈၼႆ။

ၾၢႆႇၸဝ်ႈၼႃႈတီႈမိူင်းထႆး ပိုၼ်ၽၢဝ်ႇ တေၵူတ်ႈထတ်း ႁႅင်းၵၢၼ်ၸိူဝ်းႁဵတ်းၵၢၼ် ဢၼ်ဢမ်ႇမႅၼ်ႈၵၼ်တင်း ၼႂ်းဝတ်းဝႂ်ႁဵတ်းၵၢၼ်၊ သင်ထူပ်းႁၼ်မႅၼ်ႈဢၼ်ၽိတ်းမၢႆမီႈၸိုင် ၸၢင်ႈၺႃးတူတ်ႈတၢမ်ႇႁၢဝ်ႈႁႅင်းဝႃႈၼႆသေတႃ့ ၸိူဝ်းဢၼ်ၶၢမ်ႈလႅၼ်လိၼ် ၶဝ်ႈမိူင်းထႆးၵေႃႈတိုၵ့်မီးယူႇၵူႈမိုဝ့်ၵူႈဝၼ်း။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- SHAN's Apps -spot_img

ၶၢဝ်ႇလိုၼ်းသုတ်း