Thursday, March 28, 2024

FPNCC တေၶဝ်ႈႁူမ်ႈပၢင်ၵုမ်လူင်ပၢင်လူင် ႁူဝ်ပၢၵ်ႇပီ 21 ပွၵ်ႈၵမ်း 3

Must read

ၶွမ်ႊမတီႊဢုပ်ႇဢူဝ်းၵၢၼ်မိူင်း မိူင်းႁူမ်ႈတုမ် FPNCC ႁူမ်ၸူမ်းၸွမ်ၸိုင်ႈၵေႃႉမႂ်ႇဢူးဝိၼ်းမျိၼ်ႉ ၾၢႆႇၼိုင်ႈၵေႃႈ သင်ဝႃႈ လူင်ပွင်ၸိုင်ႈမွၵ်ႇထိုင်ပဵၼ်တၢင်းၵၢၼ် တေၶဝ်ႈႁူမ်ႈ ပၢင်ၵုမ်လူင်ပၢင်လူင် ႁူဝ်ပၢၵ်ႇပီ 21 ပွၵ်ႈၵမ်း 3 ဝႃႈၼႆ။

- Subscription -

ဝၼ်းတီႈ 26-28/03/2018 ပၢင်ၵုမ်လူင် ၶွမ်ႊမတီႊဢုပ်ႇဢူဝ်းၵၢၼ်မိူင်း မိူင်းႁူမ်ႈတုမ် FPNCC ပွၵ်ႈၵမ်း 2 ဢၼ် ၸတ်းႁဵတ်းတီႈၸႄႈဝဵင်းပၢင်ၶမ်း ၸိုင်ႈတႆးပွတ်းဢွၵ်ႇ( ၼႃႈလိၼ်ၽွင်းငမ်းတူဝ်ႇၵဝ်ႇဝႃႉ)ၼၼ်ႉ ဢုပ်ႇဢူဝ်းလႆႈၸႂ် ၵၼ်သေ ဢွၵ်ႇၶေႃႈပိုၼ်ၽၢဝ်ႇၽိုၼ်ၼိုင်ႈ။

ၼႂ်းလိၵ်ႈၽိုၼ်ၽၢဝ်ႇၼၼ်ႉ ဢွၵ်ႇဝႆႉဝႃႈ ယူႇတီႈၶွမ်ႊမတီႊ FPNCC ႁူမ်ၸူမ်းႁပ်ႉတွၼ်ႈၸွမ်ၸိုင်ႈၵေႃႉမႂ်ႇ ဢၼ်ၶိုၼ်ႈ မႃးၼႆႉသေ ယဝ်ႉၵေႃႈ တေပဵၼ်ၽူႈဢွၼ်ႁူဝ် ၶိုင်သၢင်ႈလွင်ႈငမ်းယဵၼ်မိူင်းႁူမ်ႈတုမ်လႄႈ မုင်ႈမွင်းဝႃႈ တေၶိုင်သၢင်ႈ ၼႄၼမ်ႉၼႄတူဝ်ၵႂႃႇယူႇ ဝႃႈၼႆ။

ထႅင်ႈလွင်ႈၼိုင်ႈၵေႃႈ သင်ဝႃႈ လူင်ပွင်ၸိုင်ႈ မွၵ်ႇထိုင် ၶွမ်ႊမတီႊ FPNCC တႃႇၶဝ်ႈႁူမ်ႈပၢင်ၵုမ်လူင်ပၢင်လူင် ႁူဝ် ပၢၵ်ႇပီ 21 ပွၵ်ႈၵမ်း 3 ၸိုင် ယူႇတီႈ FPNCC တေၶဝ်ႈႁူမ်ႈၸွမ်း ၵူၺ်းၵႃႈ ၼင်ႇႁိုဝ် တေမီးလွင်ႈႁူမ်ႇလူမ်ႈလႄႈ လွင်ႈ ႁပ်ႉႁွင်းၼၼ်ႉ ၶႂ်ႈတုၵ်းယွၼ်း ႁႂ်ႈၸွမ်ၸိုင်ႈမိူင်းၶႄႇ ၶဝ်ႈႁူမ်ႈသိုပ်ႇၸွႆႈၵမ်ႉထႅမ်ၵႂႃႇထႅင်ႈ ဝႃႈၼႆ။

ၼႂ်းလုၵ်ႈၸုမ်း FPNCC ၶွမ်ႊမတီႊဢုပ်ႇဢူဝ်းၵၢၼ်မိူင်း မိူင်းႁူမ်ႈတုမ် သမ်ႉ ပႃးဝႆႉ ၸုမ်းသိုၵ်းဝႃႉUWSA၊ ၸုမ်း ၶၢင် KIA၊ သိုၵ်းတႆး SSPP/SSA၊ ၸုမ်းရၶႅင်ႇ AA၊ ၸုမ်းတဢၢင်း TNLA၊ ၸုမ်းၵူဝ်းၵၢင်ႉ MNDAA လႄႈ ၸုမ်းမိူင်းလႃး NDAA ၸိူဝ်းၼႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း