ၵူၼ်းၼုမ်ႇယူႇတၢင်းမိူင်းမၢၼ်ႈတူင်ႈပဵင်း မႃးဢႅဝ်ႇပွႆးၼႄမွၵ်ႇတီႈဝဵင်းပၢင်ႇဢူႈလူင်၊ လူင်းလဵၼ်ႈၼမ်ႉတူၵ်းတၢတ်ႇတီႈ ပွႆးၵွၵ်ႉ ၸူမ်ၼမ်ႉ 3 ၵေႃႉ တၢႆၵေႃ့ၼိုင်ႈ ။
မိူဝ်ႈဝႃး ဝၼ်းတီႈ 25/12/2022 မႅၼ်ႈဝၼ်းၶရိတ်သ့်မၢသ့် ယၢမ်းႁူဝ်ၶမ်ႈ 3 မူင်း ၵူၼ်းၼုမ်ႇသၢမ်ၵေႃ့ လူင်းလဵၼ်ႈၼမ်ႉတူၵ်းတၢတ်ႇတီႈပွႆးၵွၵ်ႉသေ ၸူမ်ၼမ့် ၊ ၸုမ်းတူင်ႉၼိုင်တူင်ႇဝူင်းၵူၼ်းၸွႆႈဢဝ် တၼ်းၶႄၶိုတ်းသၢႆၸႂ် 2 ၵေႃႉၵူၺ်း၊ တႃႇၵေႃႉၼိုင်ႈၸွႆႈဢမ်ႇတၼ်းလႆႈ ၊ တၢႆပႅတ်ႈ ။
ၽူႈတူင့်ၼိုင်ႈၸုမ်းၸွႆႈတူင်ႇဝူင်းၵူၼ်းၵေႃ့ၼိုင်ႈ လၢတ်ႈတီႈ ၽူႈတွႆႇႁွၵ်ႈဝႃႈ – “ ၶဝ်ပဵၼ် ၵူၼ်းတၢင်းမၵူၺ်း(မကွေး)ပုၼ့်ဢေႃႈ။ လုၵ်ႈဢွၼ်ႇၼုမ်ႇၼႃႇၼေႃႈ မႅၼ်ႈၽွင်းလူၼ်းမၼ်းယဝ့်။ ၶဝ်ဢွၼ်ၵၼ်မႃးလႄႇ ပွႆးသူၼ်မွၵ်ႇ ပၢင်ႇဢူႈလူင်ဢေႃႈၼၼ့်။ ၸူမ်ၼမ့် သၢမ်ၵေႃ့ ။ ႁဝ်းၶႃႈတၼ်းၶႄလႆႈ သွင်ၵေႃ့ ။ တႃႇၵေႃ့ၼၼ့် တႄ့ ဢမ်ႇတၼ်းလႆႈၸႂ်မၼ်း။ ၸိုဝ်ႈၶဝ်ၵေႃႈဢမ်ႇတၼ်းလႆႈႁူႉ။ ဢဝ်သူင်ႇပၼ်ႁူင်းယႃၵမ်းလဵဝ်ဢေႃႈ ။ တၢင်းႁူင်းယႃသမ်ႉသိုပ်ႇသူင်ႇၸူး ဝဵင်းမၵူၺ်းပုၼ်ႉၵမ်းလဵဝ်ယဝ်ႉ ” – ဝႃႈၼႆ။
ၵေႃ့ဢၼ်တၢႆၵႂႃႇၼၼ့် ဢႃယု တိုၵ်းမီး 15 ပီ ။ ၶဝ်တင်းသၢမ် ယူႇ ဝဵင်းသလိၼ်း ၊တိူင်းမၵူၺ်း ။ ၸူဝ်းၵၼ်မႃးဢႅဝ်ႇပွႆးမွၵ်ႇသေ ထိုင်တီႈလႆႈလူႉတၢႆ။
ပွႆးမွၵ်ႇတီႈဝဵင်းပၢင်ႇဢူႈလူင်ၼႆႉ ၸတ်းႁဵတ်းဝၼ်းတီႈ 18/12/2022 တေႃႇထိုင် 18/1/2023 ၶၢဝ်းတၢင်းၼိုင်ႈလိူၼ်။
