ၵူၼ်းသီႇပေႃႉ ၵေႃႉၼိုင်ႈ ႁၢႆၵႂႃႇလႆႈ 5 ဝၼ်းယဝ်ႉပႆႇႁၼ်တူဝ်ၶိုၼ်း ပေႃႈမႄႈၵူၼ်းႁိူၼ်း မႆႈၸႂ်။
ၸၢႆးၼုမ်ႇၵူၼ်း ပွၵ့်မၢၼ်ႈ ၶဵတ်ႇ/ၼႃႈလိၼ် 2 (နယ်မြေ ၂) ၸိုဝ်ႈႁွင်ႉ ၽဵဝ်းဝိၼ်းသေႃႇ(ႁွင့်) ဢၵျီးၵွင်ႇ ဢႃယု 24 ပီ ႁၢႆတူဝ်ၵႂႃႇ မိူဝ်ႈဝၼ်းတီႈ 21/12/2022 ၵၢင်ဝၼ်း 2 မူင်း ထိုင်မိူဝ်ႈလဵဝ်ပႆႇႁၼ်ၶိုၼ်း။
ပႃႈဢေးဢေးမျိၼ့် ၵေႃ့ပဵၼ်မႄႈ ဢၵျီးၵွင်ႇ လၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈဢေႃႈ လုၵ်ႈၸၢႆးၶႃႈဢေႃႈ ။ ႁၢႆလူင်ၵႂႃႇဢမ်ႇႁၼ်ပေႃႇမႃးၶိုၼ်း။ ၵူႈပွၵ်ႈမၼ်းဢမ်ႇယၢမ်ႈႁဵတ်းၼႆ ။ မၼ်းဢမ်ႇပေႃးယူႇလီသေ ႁဝ်းဢဝ်မၼ်း ၵႂႃႇယႃတူဝ်တီႈ ႁူင်းယႃ မွၵ်ႈ 3 ဝၼ်းၼႆ့ဢေႃႈ ၼၼ့် ။ လူင်းႁူင်းယႃမႃး တိုၵ့်မႃးယူႇႁိူၼ်းဝၼ်းၼိုင်ႈ ၵူၺ်း ႁၢႆၵႂႃႇလႂ်ႁေ ဢမ်ႇႁူႉ။ တိုၵ့်ဝႃႈ တေဢၢင်ႇၸႂ်ႉၵိၼ်ယႃလႄႈ ၶဝ်ႈတူမ်ႈႁုင်လႅဝ်ယူႇဢေႃႈၼၼ်ႉ။ ၽိူဝ်ႇတူၺ်းၵေႃႈ ဢမ်ႇႁၼ်မီးၼႂ်းႁိူၼ်းယဝ့်။မိူဝ်ႈလဵဝ်ၼွင့်ၸၢႆးမၼ်းၵေႃ့ဢၼ်ပဵၼ် ၽႃၽႄၵၼ်တင်းမၼ်းၼႆ့ လႄႇႁႃပေႃးၸွတ်ႇၵိဝ်ႇယဝ့်ၼႆ့ ပႆႇႁၼ်မႅၼ်ႈ ၽႂ်ႁၼ်ၵေႃႈ ၸွႆႈလၢတ်ႈပၼ်ဢိတ်းၼိုင်ႈၶႃႈလႃႈ ၶႃႈမႆႈၸႂ် လုၵ်ႈၸၢႆးၶႃႈၼႃႇ ပၢႆးယူႇလီမၼ်းၵေႃႈ ဢမ်ႇၶႅမ့်ၼၼ့် ”- ဝႃႈၼႆ။
ၽဵဝ်းဝိၼ်းသေႃႇ ၵေႃႉဢၼ်ႁၢႆၵႂႃႇၼႆ့ ၶႃၾၢႆႇသၢႆ့မၼ်းၸၢႆးယၢမ်ႈႁၵ်းဝႆ့ လႄႈ လႆႈသႂ်ႇ လဵၵ်းတႅၼ်းဝႆ့။ ဢမ်ႇပေႃးပႆလႆႈလီ၊ၼွင့်ၸၢႆးဢၼ်ပဵၼ်ၽႃၽႄမၼ်း ၸိုဝ်ႈႁွင့်ဝႃႈ မူဝ်းဝိၼ်းသေႃႇ၊ ၵူႈဝၼ်းတႄ့ ၵႂႃႇႁဵတ်းၵၢၼ်ၵေႃႇသၢင်ႈႁူင်းႁႅမ်းမႂ်ႇ ၸွမ်းပိူၼ်ႈတင်း ၾင်ႇၼမ့်တူႈ ။
သင်ဝႃႈၽႂ်ႁၼ်မႅၼ်ႈၸိုင် ၵပ်းသိုပ်ႇပွင်ႇၶၢဝ်ႇပၼ် ၵေႃ့ပဵၼ်မႄႈ ပႃႈဢေးဢေးမျိၼ့် ယူႇပွၵ့်မၢၼ်ႈ ၸႄႈဝဵင်းသီႇပေႃ့ ၸိုင်ႈတႆးပွတ်းႁွင်ႇ မၢႆၾူၼ်း 09967387747 ၊ 09403727242 သေၵမ်းဝႃႈၼႆ။
 ၸိုဝ်ႈႁွင်ႉ ၽဵဝ်းဝိၼ်းသေႃႇ(ႁွင့်) ဢၵျီးၵွင်ႇ ဢႃယု 24 ပီ ႁၢႆတူဝ်ၵႂႃႇ မိူဝ်ႈဝၼ်းတီႈ 21/12/2022 ၵၢင်ဝၼ်း 2 မူင်း ထိုင်မိူဝ်ႈလဵဝ်ပႆႇႁၼ်ၶိုၼ်း။){kind=link}