ၵူၼ်းၼုမ်ႇ ၸိူဝ်းဢၼ်ၺႃးလၢဝ်းပၢၼ်းၶႄႇတီႈဝဵင်းၵဝ်ႇ ၸႄႊဝဵင်းပၢင်သၢင်း ၵုမ်းၶင်တူဝ် ၶၢႆတေႃႇထႅင်ႈ ၼၼ့် ဢိင်ၼိူဝ်ပလိၵ်ႈၸႄႈဝဵင်း ဢၼ်ၸုမ်းသိုၵ်းဝႃႉၵုမ်းၵမ်ၼၼ်ႉၵႂႃႇၵူတ်ႇထတ်းသေ တီႉၺွပ်းပေႃႈလဵင်ႉၶႄႇ လႄႈ ၵူၼ်းၼုမ်ႇၶိုၼ်းဢွၼ်ႉၼ်လွတ်ႈဢွၵ်ႇမႃးလႆႈတင်းမူတ်းယဝ်ႉဝႃႈၼႆ။
ဝၼ်းတီႈ 11/12/2022 ၼၼ့် ၵူၼ်းၼုမ်ႇ 16 ( ပႃးၼၢင်းယိင်း 3 ၵေႃ့ ) ၵႂႃႇႁဵတ်းၵၢၼ် ၶွမ်ႊပၼီႊ ႁႂႃထၢႆလူင်(ဟွာထိုင်လုံ) တီးဝဵင်းၵဝ်ႇ ၸႄႈဝဵင်းပၢင်သၢင်းၼၼ့် ၺႃးလၢဝ်းပၢၼ်းၶႄႇ ပေႃ့ထုပ့် ၵုမ်းၶင်တူဝ်ဝႆ့။ၼႂ်း 16 ၵေႃ့ၼၼ့် ၵူၼ်းပိုၼ်ႉတီႈ ဢၼ်ပဵၼ်ပေႃႈမႄႈပီႈၼွင်ႉၵူၼ်းၼုမ်ႇ ၵေႃႉၼိုင်ႈဢဝ်ငိုၼ်း 10000 ယႂၼ်ႊ မႃးထုတ်ႇလႄႈ လွတ်ႈမႃးၶိုၼ်းလႆႈၵေႃႉၼိုင်ႈသေတႃႉ ၸိူဝ်းၵိုတ်းလိူဝ် 15 ၵေႃႉၼၼ်ႉတႄႉ တေႃႇထိုင် ပလိၵ်ႈ ၸႄႈဝဵင်းၵႂႃႇၵူတ်ႇထတ်းတီႉတူဝ်ပေႃႈလဵင်ႉၶႄႇ ၸင်ႇပူၼ်ႉလွတ်ႈဢွၵ်ႇမႃးၶိုၼ်း ။
သိုဝ်ႇၶၢဝ်ႇ Wa News Agency ဢွၵ်ႇဝႆ့ဝႃႈ ၵူၼ်းၼုမ်ႇၸိူဝ်းဢၼ်ၺႃးလၢဝ်းပၢၼ်းၶႄႇၵုမ်းၶင်တူဝ်ဝႆ့ၼၼ့် ၾၢႆႇပလိၵ်ႈၸႄႈဝဵင်း ၵႂႃႇၸွႆႈလွတ်ႈဢွၵ်ႇလႆႈ မိူဝ်ႈဝၼ်းတီႈ 17/12/2022 ယၢမ်းႁူဝ်ၼႂ် 2 မူင်း ၼၼ့်သေ တိၺွပ်းလႆႈပႃး လၢဝ်းပၢၼ်းၶေႇ သွင်ၵေႃ့ ၼႆယဝ့်။
ၵူၼ်းၼုမ်ႇၸိူဝ်းၼၼ့် ၺႃးၵုမ်းၶင်တူဝ်ဝႆ့ ၶၢဝ်းတၢင်း 7 ဝၼ်း ဢမ်ႇလႆႈလပ်းၼွၼ်းလီ၊ ဢမ်ႇလႆႈၵိၼ်တၢင်းၵိၼ် ဢႁႃရဢိမ်ႇတဵမ်၊ ၺႃးပေႃ့ထုပ့်ႁၢဝ်ႈႁႅင်း ၵူၼ်းၼုမ်ႇၸိူဝ်းၼၼ့် လၢတ်ႇတီႈသိုဝ်ႇၶၢဝ်ႇၼင်ႇၼၼ်။
ဢိင်ၼိူဝ်လွင်ႈၼႆ့သေ ၾၢႆပလိၵ်ႈၶဝ် ပၼ်တူတ်ႈတၢမ်ႇ ၸွမ်းၼင်ႇပၵ်းပိူင်မီးၼၼ့်သေ တႃႇသၢႆႈတႅၼ်းလွင်ႈတိူဝ့်ၶိူၵ်ႈၵူၼ်းၼုမ်ႇၸိူဝ်းၼၼ့်ၵေႃႈ လၢဝ်းပၢၼ်းၶႄႇၵေႃ့ဢွၼ်တၢင်းၼၼ့် တေလႆႈ ၵႄႈလိတ်ႈပၼ်ၼႆယဝ့်။
ၵူၼ်းၼုမ်ႇ ယၢမ်းလဵဝ် ႁႃႁဵတ်းၵၢၼ် ဢၼ်ၸၢင်ႈလႆႈငိုၼ်းလိူၼ်ၼမ် ဢၼ်လၢဝ်းပၢၼ်းၵူႈဝဵင်းဝဵင်းႁွင့်ၼၼ့် မိူၼ်ၼင်ႇ တၢင်းဝဵင်းမိူင်းလႃး၊ ပၢင်သၢင်း၊ လဝ်ႉၵႆႇ(လၢဝ်ႇၵၢႆး)၊ မူႇၸေႊ လႅၼ်လိၼ်တႆး – ၶႄႇလႄႈ မျႃႉဝတီႇ လႅၼ်လိၼ်ယၢင်း – ထႆး ၸိူဝ်းၼႆႉ ၵူၼ်းၼုမ်ႇ ဢွၼ်ၵၼ်လႆၵႂႃႇႁဵတ်းၵၢၼ် ၼႂ်းပၢင်တေႃႇလွင်းၼမ်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ