ၼုမ်ႇယိင်းဢွၼ်ႇ ဢႃယု 20 ပီ တီႈဝဵင်းလႃႈသဵဝ်ႈ ႁၢႆတူဝ်ၵႂႃႇ 6 ဝၼ်းပႆႇႁၼ်တူဝ်ၶိုၼ်း။

ၼၢင်းမူၺ်ၶမ်း ဢႃယု 20 ပီ ၸိုဝ်ႈပေႃႈ လုင်းသႃႇထုၼ်း ၸိုဝ်ႈမႄႈ ပႃႈၼုမ်ႇဢေး ယူႇပွၵ့် 7 ၸႄႈဝဵင်းလႃႈသဵဝ်ႈ ႁၢႆတူဝ်ၵႂႃႇ မိူဝ်ႈဝၼ်းတီႈ 9/12/2022 ဝၼ်းသုၵ်းၼၼ့် ယၢမ်းၶမ်ႈ 7 မူင်းၶိုင်ႈ မိူဝ်ႈဢွၵ်ႇၵႂႃႇလႄႇႁိူၼ်းဢူၺ်းၵေႃ့။

ၼၢင်းဢေးႁွမ် ၵေႃ့ပဵၼ်ၼႃ့ ၼၢင်းမူၺ်ၶမ်း လၢတ်ႈတီႈၽူႈတွႆႇႁွၵ်ႈဝႃႈ -“ ၸႂ်ႈဢေႃႈ ပဵၼ်လၢၼ်ၶႃႈဢေႃႈ ႁၢႆၵႂႃႇလႆႈပဵၼ်လၢႆဝၼ်းယဝ့်ဢေႃႈၼႆ့။တင်းႁိူၼ်းၵေႃႈ မႆႈႁူမႆႈၸႂ်ၼႃႇယဝ့်ၶႃႈ။လၢတ်ႈဝႃႈတႄ့ မၼ်းတေမိူဝ်းလႄႇတႆးၵေႃ့မၼ်းၼႆဢေႃႈ။ၵူၼ်းႁိမ်းႁွမ်းတႄ့ဝႃႈ မီးၼၢင်းယိင်းၵေႃ့ၼိုင်ႈ ဢၼ်ဢွၵ်ႇၵႂႃႇၸွမ်းၵၼ် ၼႆဝႃႇ။တေပဵၼ်ၽႂ်ဢမ်ႇႁူႉ ။ထၢမ်ႁႃတႆးၵေႃ့မၼ်းၵေႃ့လႂ်ၵေႃႈ ဢမ်ႇႁူႉၼႆဝႃႇ။တင်းဝၢၼ်ႈမိူင်းသုၵ့်သၵ့်သေၼႆ့ ၶႅၼ်းမႆႈၸႂ်ႁႅင်းၶႃႈယဝ့်။ၵူႈပွၵ်ႈတႄ့ တေၵႂႃႇလႂ်မႃးလႂ်ၵေႃႈ သိုပ်ႇၽူင်းလၢတ်ႈယူႇတႃႇသေႇ မိူဝ်ႈလဵဝ်သမ့် ဢမ်ႇတူင့်ဢမ်ႇတၵ့်သင်မႃး ။ၵူၼ်းတီႈလၢၼ့်ၵဵမ်းၵေႃႈဢမ်ႇႁူႉဢမ်ႇႁၼ်ၸွမ်းၼႆဢေႃႈ”- ဝႃႈၼႆ။

ၼၢင်းမူၺ်ၶမ်း ၼႆ့ ဢမ်ႇသိုပ်ႇၶိုၼ်ႈႁဵၼ်းသေ ဢွၵ်ႇႁဵတ်းၵၢၼ်ယဵပ့်ၶူဝ်းမႃးၶၢဝ်းတၢင်း 3 ပီ လိုဝ်ႈၵၢၼ်ယဵပ့်ၶူဝ်းသေ သိုပ်ႇႁဵတ်းၵၢၼ်တီႈလၢၼ့်ၵဵမ်း တိုၵ့်မီး ၶၢဝ်းတၢင်းလိူၼ်ပၢႆ ဢၼ်မီးၼႂ်းဝၢၼ်ႈၽၵ်ႇၵႃ ၸႄႈဝဵင်းလႃႈသဵဝ်ႈ ။မိူဝ်ႈလဵဝ် ၵူၼ်းႁိူၼ်းမၼ်းၼၢင်း ၵႂႃႇတိူင်ႇလၢတ်ႈဝႆ့ တီႈ ႁူင်းပလိၵ်ႈ ဝဵင်းလႃႈသဵဝ်ႈ။

ၽွင်းငဝ်းလၢႆးဝၢၼ်ႈမိူင်းဢမ်ႇၼိမ်သဝ်းၸိူင့်ၼႆ ၼႂ်းမိူင်းတႆးလၢႆတီႈ ၵႆ့မီး ၵူၼ်းႁၢႆ၊မၢင်ၵေႃ့ ႁၼ်ၶိုၼ်းသေတႃ့ မၢင်ၵေႃ့ၵေႃႈ ထိုင်မိူဝ်ႈလဵဝ်ပႆႇႁၼ်ၶိုၼ်းၵေႃႈမီး။ပေႃးၵူၼ်းႁူမ်ႈႁိူၼ်းဢမ်ႇႁူႉ ၸိူဝ်းပဵၼ်ၼုမ်ႇယိင်းၼုမ်ႇၸၢႆး ဢမ်ႇထုၵ်ႇလီ ဢွၵ်ႇႁိူၼ်း ၵႂႃႇတႂ်ႈမိူဝ်းၼိူဝ် ယွၼ့်ၵူဝ် ၵူၼ်းဢမ်ႇႁူႉၾၢႆႇ တိၺွပ်းၵုမ်းၶင်။

သင်ၽႂ်ႁၼ် ၼၢင်းမူၺ်ၶမ်း ဢႃယု (20) ပီ ၵပ်းသိုပ်ႇပွင်ႇၶၢဝ်ႇလႆႈတီႈ ၼၢင်းဢေးႁွမ် ၵေႃ့ပဵၼ်ၼႃ့ မၢႆၾူၼ်း – 09787982044 သေၵမ်းလႆႈႁူႉၼင်ႇၼႆ။

ယၢမ်းလဵဝ်ၼႂ်းမိူင်းတႆးပွတ်းႁွင်ႇၼႆႉ လုၵ်ႈဢွၼ်ႇယိင်းႁၢႆ မီးမႃးၶိူဝ်းယႂ်း။ ၼၢင်းယိင်းဢွၼ်ႇၵူၼ်းသီႇပေႃႉ ၊ ၵူၼ်းလႃႈသဵဝ်ႈ၊ မိူင်းယႆ ၸိူဝ်းၼႆႉ ႁၢႆ ဢမ်ႇလႆႈငိၼ်းၶၢဝ်ႇငိၼ်းငၢဝ်းသင် ပေႃႈမႄႈပီႈၼွင်ႉပဵၼ်ဢၼမႆႈၸႂ်မႆႈၶေႃး။