ၵူၼ်းၼုမ်ႇ ဢမ်ႇယွမ်း 10 ၵေႃ့ တီႈဝဵင်းဢွင်ႇပၢၼ်း ၺႃးသိုၵ်းမၢၼ်ႈတိၺွပ်း လူၺ်ႈထၢင်ႇထိူမ်ဝႃႈ ပဵၼ်ၵူၼ်းပၼ်ၶၢဝ်ႇၵမ့်ၸွႆႈ PDF။

မိူဝ်ႈဝၼ်းတီႈ 13/12/2022 ယၢမ်းၵၢင်ဝၼ်း 2 မူင်း  ၵူၼ်းၼုမ်ႇ 10 ၵေႃ့ ၼႂ်းၼၼ့် ပႃးၼၢင်းယိင်း 2 ၵေႃ့ တီႈဝဵင်းဢွင်ႇပၢၼ်း ၸိုင်ႈတႆးပွတ်းၸၢၼ်း ၺႃးသိုၵ်းမၢၼ်ႈတိၺွပ်း လူၺ်ႈၶေႃႈထၢင်ႇထိူမ်ဝႃႈ ပဵၼ်ၵူၼ်းပၼ်ၶၢဝ်ႇၵမ့်ၸွႆႈ PDF။

ၵူၼ်းပိုၼ့်တီႈ ဝဵင်းဢွင်ႇပၢၼ်း ၵေႃ့ၼိုင်ႈ လၢတ်ႈတီႈ ၽူႈတွႆႇႁွၵ်ႈဝႃႈ- “ ၸႂ်ႈဢေႃႈ ၶဝ်ၵႆ့ပႂ့်ယူႇတီႈတၢင်းၼႃႈ ပၢၼ်ႇ(ယေးငိုၼ်း) ၼၼ့်တႃႇသေႇ။ ၵူႈပွၵ်ႈၵေႃႈ ၶဝ်ၺွပ်းၼႃႇလူး မၼ်းဢမ်ႇၸႂ်ႈတိုၵ့်ၺွပ်းၵူၺ်း။ တီႈၶဝ်ပႂ့်ႁေ့သေ ၺွပ်းတေ့ၵေႃႈ ၵမ်ၼမ် တီႈ တၢင်းၽႄ ၵလေႃး၊ပင်းတရ၊ ယႂႃႇငၢၼ်ႇ- ၸိူဝ်းၼၼ့်ၼေႈ။ မိူဝ်ႈၵူႈပွၵ်ႈတေ့ ပဵၼ် တီႈသဝ်ၼႃႇရီႇဢေႃႈ ၶဝ်ယႃ့ပဵတ်ႈ သေ ႁဵတ်းတၢင်းဝႆ့ ဢေႃႈၼၼ့်တီႈၼၼ်ႈ။ပေႃးၶဝ်တီႉၵႂႃႇၼႆ ၵမ်ႈၼမ်ၵူၼ်းၼုမ်ႇလၢႆလၢႆ ဢႃယု 17၊18 ၶိုၼ်ႈၼိူဝ်ၸိူဝ်းၼႆ့ဢေႃႈ။ ၵူၼ်းၼုမ်ႇတီႈၼႆႈ ၵမ်ႈၽွင်ႈၵေႃႈ မီးလွင်ႈၵွင့်ၵၢႆႇတင်း PDF ယူႇတေ့။ၶဝ်တေၵပ်းသိုပ်ႇၵၼ်ၼႂ်းၾူၼ်း ၸိူဝ်းၼႆ့ ဢေႃႈ။ၵူၼ်းၼုမ်ႇမၢင်ၵေႃ့ ၶဝ်ဢမ်ႇဝႆ့ၾၢင့်သင်သေ ႁဵတ်းႁႂ်ႈၵူၼ်းတၢင်ႇၵေႃ့ႁူ့ၸွမ်းလွင်ႈၶဝ်သေဢမ်ႇၵႃး ထိုင်တီႈ ယႄးၶဝ်ပေႃးႁူႉၸွမ်းၼၼ့်ၼႃႇ။လႅပ်ႈတေမီး ၵူၼ်းလၵ့်တိူင်ႇလၢတ်ႈၼေႈ ပေႃးႁူႉၵေႃ့ ၼိုင်ႈၵေႃႈ လႄႇႁႃၺွပ်းၶိူဝ်းၶိူဝ်းယႂ်းယႂ်းယဝ့်ၼႃႇ၊မိူဝ်ႈလဵဝ်တႄ့ ဢၼ်ႁူႉဝႆ့မီးမွၵ်ႈ 10 ပၢႆၼႆၵူၺ်း ပႆႇႁူႉဝႃႈ ပႃးလုၵ်ႈမႄႈၽႂ်လၢႆလၢႆ ”- ဝႃႈၼႆ ။

ၵူၼ်း ဝဵင်းဢွင်ႇပၢၼ်း သိုပ်ႇလၢတ်ႈထႅင်ႈဝႃႈ-“ ပေႃႈမႄႈလုၵ်ႈဢွၼ်ႇၶဝ်မႆႈၸႂ်သေ တေၵႂႃႇတိူင်ႇၵႂႃႇလၢတ်ႈၼႆၵေႃႈ မဵဝ်းယၢပ်ႇလူင် ယႃႇဝႃႈတေလႆႈတူဝ် လုၵ်ႈၶဝ်ၶိုၼ်း သမ့်ပၢႆ လႆႈ သဵင်ႈငိုၼ်းတွင်းၸွမ်းၵွၼ်ႇၶႃႈဢေႃႈ။ၵမ်ႈၼမ်တေဢဝ်ၵႂႃႇ တီႈထွင်ႇတွင်ႇလေးလူင်းၼၼ့်ဢေႃႈ “-ဝႃႈၼႆ။

တႄႇၸဵမ်မိူဝ်ႈပၢင်လုၵ်ႉႁိုၼ်ႇသၢၼ်ၶတ်းသိုၵ်းမၢၼ်ႈယိုတ်းမိူင်း မိူဝ်ႈႁူဝ်ပီ 2021 ၼၼ်ႉမႃး ဝဵင်းဢွင်ႇပၢၼ်းၼႆႉ ပဵၼ်ဝဵင်းဢၼ်မီးၵူၼ်းၼုမ်ႇ လုၵ်ႉႁိုၼ်ႇသၢၼ်ၶတ်းႁၢဝ်ႈႁႅင်းဝဵင်းၼိုင်ႈ။ ႁဵတ်းႁႂ်ႈသိုၵ်းမၢၼ်ႈထႅမ်ႁႅင်းသိုၵ်း ပႂ်ႉတူၺ်း ၵူၼ်းၼုမ်ႇတူင်ႉၼိုင်ၵႂႃႇမႃးသေ ပေႃးမီးလွင်ႈထၢင်ႇထိူမ်ၵေႃႈ တီႉၺွပ်းဢဝ်ၵႂႃႇပေႃႉထုပ်ႉထဵတ်ႈထၢမ်သေ ဢဝ်ႁၢႆလၢႆပႅတ်ႈၵေႃႈမီးမႃးတင်းၼမ်။

မိူဝ်လိူၼ် ၵျူၼ်ႇ ပူၼ့်မႃးၼႆ့ ၵေႃႈ တီႈၸႄႈဝဵင်းမိူင်းတူၼ် ၸိုင်ႈတႆးပွတ်းၸၢၼ်းၼႆ့ ယွၼ့်ထၢင်ႇထိူမ် လွင်ႈၵပ်းသိုပ်ႇတင်း PDF ၼႆသေ ၺႃးသိုၵ်းမၢၼ်ႈတိၺွပ်းၵုမ်းၶင်တူဝ်ဝႆ့ 7 ၵေႃ့ ၼႂ်းၼၼ့် မၢင်ၵေႃ့ၵေႃႈ တိုၵ့်ၸႅတ်ႈဢမူ့ပႆႇယဝ့် မၢင်ၵေႃ့ၵေႃႈ ၺႃးတူတ်ႈတၢမ်ႇတူၵ်းၶွၵ်ႈဝႆ့ၵေႃႈမီး။