ၼၢင်းယိင်းဢွၼ်ႇ ဢႃယု 22 ပီ ၵူၼ်းပွၵ်ႉမၢၼ်ႈ ၶဵတ်ႇ 1 ဝဵင်းသီႇပေႃႉ ဢၼ်ႁၢႆတူဝ်ၵႂႃႇလႆႈလိူၼ်ပၢႆၼၼ်ႉ တေႃႇထိုင်ယၢမ်းလဵဝ်ပႆႇႁၼ်တူဝ်ၶိုၼ်း တေႃႇထိုင်ယၢမ်းလဵဝ်။

မသွင်းႁေႇမၢၼ်ႇၺဵင်း ဢႃယု 22 ပီ ၼႆႉ ၽူႈၸၢႆး 3 ၵႃႉမႃးလၢၵ်ႈၸၼ်မၼ်းၼၢင်းၶိုၼ်ႈၵႃးလမ်သေ ႁၢႆတူဝ်ၵႂႃႇမိူဝ်ႈဝၼ်းတီႈ 5/11/2022။

ပေႃႈမႄႈမၼ်းၼၢင်းလၢတ်ႈတီႈၽူႈတွႆႇႁွၵ်ႈဝႃႈ-“ဢမ်ႇပႆႇႁၼ်ၶိုၼ်းၶႃႈတေႃႇထိုင်ယၢမ်းလဵဝ်။ ဢမ်ႇလႆႈတၢင်းၵပ်းသိုပ်ႇသင်။ မႆႈၸႂ်ဢေႃႈၶႆႈႁၼ်ၶိုၼ်းယူႇ ။ ၶႆႈႁူႉဝႃႈ မၼ်းပဵၼ်သင်တႄႉတႄႉ မၼ်းႁဵတ်းႁိုဝ်ယူႇႁဵတ်းႁိုဝ်ၵိၼ်၊  ပၢႆႈၸွမ်းၽူဝ်ႁိုဝ်ဢမ်ႇၼၼ် ၺႃးတီႉၺွပ်းႁိုဝ်ၶႆႈႁူႉတႄႉၶႃႈဢေႃႈ ။”- ဝႃႈၼႆ။

လွင်ႈၼႆႉ ပေႃႈမႄႈပီႈၼွင်ႉမၼ်းၼၢင်းၵႂႃႇတိူင်ႇလၢတ်ႈဝႆႉတီႈႁူင်းပလိၵ်ႈသေတႃႉ ဢမ်ႇပႆႇမီးလွင်ႈလၢၵ်ႇလၢႆးတွပ်ႇလၢတ်ႈသင်မႃးၶိုၼ်း။  

မၼ်းၼၢင်းၼႆႉ မိူဝ်ႈႁၢင်လိူၼ်ဢွၵ်ႊထူဝ်ႊပိူဝ်ႊ ဝၼ်းတိႈ 30 ပူၼ်ႉမႃးၵေႃႈၺႃးတီႉတီႈဝဵင်းလိူဝ်ႇ မၼ်းတလေး ၊ ထုၵ်ႇဢဝ်ၵႂႃႇၵုမ်းၶင်ဝႆႉၼႂ်းႁိူၼ်းလင်ၼိုင်ႈ။ ဝၢႆးမႃးပၢႆႈဢွၵ်ႇမႃးသေႁွတ်ႈထိုင်တီႈႁိူၼ်းယေးလွတ်ႈၽေးလီငၢမ်း။ ထိုင်မႃးဝၼ်းတီႈ 5/11/2022 ၽွင်းမၼ်းၼၢင်းၵႂႃႇသိုဝ်ႉတၢင်းၵိၼ်ၸွမ်းလၢၼ်မၼ်းၼၼ်ႉ  မီးၵူၼ်းၸၢႆး 3 ၵေႃႉ မႃးလၢၵ်ႈမၼ်းၼၢင်းၶိုၼ်ႈၵႃႈ ၽွင်းႁွတ်ႈထိုင်ၵၢင်တၢင်း သေ ႁၼ်ႉတေႃႇယၢမ်းလဵဝ် ဢမ်ႇပွၵ်ႈမႃးၶိုၼ်းႁိူၼ်း။

 မႄႈမၼ်းၼၢင်းလၢတ်ႈတီႈၽူႈတွႆႇႁွၵ်ႈထႅင်ႈဝႃႈ -“ ၽွင်းမၼ်းၺႃးတီႉတီႈဝဵင်းလိူဝ်ႇၼၼ်ႉမၼ်းၼၢင်းမႃးလၢတ်ႈၼႄဝႃႈ ၵူၼ်းၸၢႆး 3 ၵေႃႉ ဢႃယုယႂ်ႇယဝ်ႉ၊ တိုဝ်းမၢၼ်ႇတႃလမ်ႁေ တီႉမၼ်းၼၢင်းၵႂႃႇယူႇဝႆႉၼႂ်းႁိူၼ်းလင်ၼိုင်ႈ ၼႆဝႃႇ။ ဢၼ်မၼ်းၺႃးတီႉၵႂႃႇၵမ်းၼႆႉၵေႃႈလၢၼ်မၼ်းဢၼ်ၵႂႃႇၸွမ်းမၼ်းၼၼ်ႉ ၶိုၼ်းမႃးလၢတ်ႈၼႄဝႃႈ ပဵၼ်ၵူၼ်းၸၢႆး 3 ၵေႃႉ တိုဝ်းမၢၼ်ႇတႃလမ်ႁေၼႆဝႃႇ ဢၼ်မႃးၺွပ်းမၼ်းၵႂႃႇၼၼ်ႉ” – ဝႃႈၼႆ။

ၵွပ်ႈၼႆလႄႈ ၽႂ်သေဢမ်ႇဝႃႈပေႃးထူပ်းႁၼ် မသွင်းႁေႇမၢၼ်ႇၺဵင်း ၼႆႁႂ်ႈမႃးပွင်ႇၶၢဝ်ႇပၼ်  ႁႂ်ႈၵႂႃႇတိူင်ႇလၢတ်ႈပၼ်တီႈပလိၵ်ႈ သေၵမ်း ပေႃႈမႄႈၵူၼ်းႁိူၼ်းမၼ်းလၢတ်ႈၼင်ႇၼႆ။