ၸဝ်ႈသြႃႇၼင်ႈ ၵျွင်းၼႅမ်းသႆး ဢၼ်ပၢႆႈၽေးသိုၵ်းမႃးသွၼ်ႈဝႆႉ တီႈဝဵင်းၵျွၵ့်မႄး ၸိုင်ႈတႆးပွတ်းႁွင်ႇ ၼၼ်ႉ ဢမ်ႇယူႇလီႁၢဝ်ႈႁႅင်း လူဝ်ႇငိုၼ်းၵမ့်ၸွႆႈၵႃႈယူတ်းယႃ။
ၸဝ်ႈတူၼ်ၶူးဝုၼ်ႇၼ ၵျွင်းၼႅမ်းသႆး ဢိူင်ႇႁူးသူၼ် ဢၼ်ပၢႆၽေးသိုၵ်းသေ ၶၢႆ့မႃးယူႇ တီႈ ဝတ့်ၵျွင်းတွင်ၼဝ်ႈ ဢိူင်ႇၶူဝ်မုင်း ဝဵင်းၵျွၵ့်မႄး ၸိုင်ႈတႆး ပွတ်းႁွင်ႇဢမ်ႇယူႇလီ မိူဝ်ႈဝၼ်းတီႈ 5/11/2021 ၊ တႃႇၵႂႃႇယူတ်းယႃတူဝ်ၼၼ်ႉ ငိုၼ်းတွင်းဢမ်ႇပေႃး ဝႃႈၼႆ။
ၸၢႆးၵျေႃႇၶိၼ်ႇ တၵ်ႉၵႃႇၸမ်ၸႂ်ဢၼ်ပႂ်ႉလုမ်းလႃး ၸဝ်ႈသြႃႇဝုၼ်ႇၼ ၼၼ်ႉလၢတ်ႈတီႈၽူႈတွႆႇႁွၵ်ႈဝႃႈ-“ ၸဝ်ႈႁဝ်းဢမ်ႇယူႇလီႁႅင်းမႃးၼႆ့ တေပဵၼ်ၼႂ်းလိူၼ်ၼႆ့မႃးဢေႃႈ။ မိူဝ်ႈၵူႈပွၵ်ႈတႄ့ ပဵၼ်လိူတ်ႈၶိုၼ်ႈလႂ်မွၵ်ႈၼႆ့ၵူၺ်း ။ ၵမ်းၼႆ့သမ့်ဝႃႈပဵၼ် သဵၼ်ႈလိူတ်ႈႁူဝ်ၸႂ်တိပ်ႇ(နှလုံးသွေးကြောကျဉ်း) ၼႆဝႃႈၼႆ့။ ႁဝ်းၶႃႈၵေႃႈ ပဵၼ်ၵူၼ်းပၢႆႈၽေးသိုၵ်းၼင်ႇၵၼ်ၵူၺ်းလႄႈ ဢမ်ႇမီးငိုၼ်းတႃႇ သူင်ႇၸဝ်ႈႁဝ်းၵႂႃႇယူတ်းယႃလႆႈ လီလီၶႃႈ။ ၸင်ႇလႆႈယွၼ်းတၢင်းၸွႆႈထႅမ်ၸိူင့်ၼႆဢေႃႈ “ _ ဝႃႈၼႆ။
ၵူၼ်းဝၢၼ်ႈၼႅမ်းသႆး ဢိူင်ႇႁူးသူၼ် ၼႆႉ လႆႈပၢႆႈၽေးသိုၵ်းသေ မႃးယူႇတီႈဝၢၼ်ႈတွင်ၼဝ်ႈ ဢိူင်ႇၶူဝ်မုင်းမႃးၸဵမ်မိူဝ်ႈပီၵၢႆ 5/11/2021 ။ တေႃႇထိုင်ယၢမ်းလဵဝ် ယွၼ်ႉဝႃႈငဝ်းလၢႆးတၢင်းဝၢၼ်ႈပႆႇၼိမ်ႇလႄႈဢမ်ႇႁတ်းပွၵ်ႈယူႇဝၢၼ်ႈသူၼ်ၶိုၼ်း။ တိုၵ်ႉလႆႈယိူၼ်ႉသေယူႇသဝ်းတီႈပၢင်သဝ်းဝႆႉၼႂ်းၵႄႈငဝ်းလၢႆးယၢပ်ႇၽိုတ်ႇၵိၼ်းၸႂ်။
မိူဝ်ႈလဵဝ် တၵ်ႉၵႃႇတီႈၸမ်ၵႆ ႁူမ်ႈၵၼ်ၵေႃႉဢိတ်းဢီႈသေ သူင်ႇတူဝ်ၸဝ်ႈသြႃႇဝုၼ်ႇၼ ယူတ်းယႃ ဝႆ့တီႈႁူင်းယႃလူင် ဝဵင်းလိူဝ်။ တႃႇတေသိုပ်ႇယႃတၢင်းပဵၼ် ႁႂ်ႈႁၢႆၸိုၼ်ႈၶႅၼ်းၼၼ်ႉ သင်ဝႃႈၽႂ်ၶႂ်ႈႁူမ်ႈလူႇ ႁူမ်ႈတၢၼ်းၸိုင် ၵပ်းသိုပ်ႇတွင်ႈထၢမ်လႆႈတီႈ ၸၢႆးၵျေႃႇၶိၼ်ႇ ဝဵင်းၵျွၵ့်မႄး 09 794188874 သေ ႁူမ်ႈလူႇတၢၼ်းၸွမ်းလႆႈၵမ်းသိုဝ်ႈ လႆႈႁူႉၼင်ႇၼႆ။