Tuesday, November 29, 2022

သိုၵ်းမၢၼ်ႈလႄႈ PDF ၶဵင်ႈၶႅင်ၵၢၼ်သိုၵ်းၵၼ် ၼႂ်းၵႄႈ ဝဵင်းပၢင်ႇဢူႈလူင်လႄႈဝဵင်းၼွင်ၶဵဝ်

Must read

မိူဝ်ႈၼႆ့ ဝၼ်းတီႈ 18/11/2022 ယၢမ်းၵၢင်ၼႂ် သိုၵ်းမၢၼ်ႈလႄႈ PDF ၶဵင်ႈၶႅင်ၵၢၼ်သိုၵ်းၵၼ်ႁၢဝ်ႈႁႅင်း ၼႂ်းၵႄႈ ဝဵင်းပၢင်ႇဢူႈလူင်လႄႈ ဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။

Photo – PDF မၢၼ်းတလေး

ၵူဝ်ႇမူဝ်းၵျူဝ်း PDF မၢၼ်းတလေး လၢတ်ႈတီႈၽူႈတွႆႇႁွၵ်ႈဝႃႈ – “ မီးသွင်ဝၼ်းယဝ့်ဢေႃႈ ၶဵင်ႈၶႅင်သိုၵ်းၵၼ်ဝႆ့ႁဵတ်းၼႆ၊ ၼႂ်းပၢင်တိုၵ်းၼႆ့ ၾၢႆႇတပ်းသိုၵ်းမၢၼ်ႈ မၢတ်ႇၸဵပ်း 5 ၵေႃ့သေ ၾၢႆႇ PDF မၢတ်ႇၸဵပ်း 4 ၵေႃ့ၼႆဢေႃႈ ။  မၢတ်ႇၸဵပ်းလူႉသုမ်းတင်းသွင်ၾၢႆႇယူႇ” ဝႃႈၼႆ။

မိူၼ်ၼႆၼင်ႇၵဝ်ႇ မိူဝ်ႈဝၼ်းတီႈ 8 လႄႈ ဝၼ်းတီႈ 9 ၼၼ့် သိုၵ်းမၢၼ်ႈလႄႈ PDF ပဵၼ်ပၢင်တိုၵ်းၵၼ်ႁၢဝ်ႈႁႅင်း  ၾၢႆႇသိုၵ်းမၢၼ်ႈ လူ့တၢႆ 1 ၵေႃ့ တီႈၼႂ်းၵႄႈ ဝဵင်းပၢင်ႇဢူႈလႄႈဝဵင်းၼွင်ၶဵဝ်ၵူၺ်းၼင်ႇၵဝ်ႇ။

လိူၼ် ဢေႃႊၵၢတ်ႊ ဢၼ်ပူၼ့်မႃးၼႆ့ ယွၼ့်သိုၵ်း သိုၵ်းမၢၼ်ႈလႄႈ PDF ပဵၼ်ပၢင်တိုၵ်းၵၼ်ႁၢဝ်ႈႁႅင်းလႄႈ ၵူၼ်းဝၢၼ်ႈ ဝၢၼ်ႈႁူဝ်ၶူဝ်၊ ဝၢၼ်ႈၶိူဝ်းၼိမ်း(ဒိုးပင်ကျေးရွာ)၊ဝၢၼ်ႈၵလႃးၵွႆး(ကုလားကွဲ) ၸိူဝ်းၼႆ့ လႆႈပၢႆႈၽေးပၢင်တိုၵ်းႁူဝ်ၵူၼ်း ဢမ်ႇယွမ်းႁဵင် ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- SHAN's Apps -spot_img

ၶၢဝ်ႇလိုၼ်းသုတ်း