ၵႃးၽႃႇၺႃးလုၵ်ႈဢွၼ်ႇယိင်း ဢႃႇယု 3 ၶူပ်ႇ ၵေႃႈၼိုင်ႈၵူၼ်းဝၢၼ်ႈထမ်ႈငွပ်း တီႈဝဵင်းၵႃလီႉ တၢႆထင်တီႈ ။
ပဵၼ် မိူဝ်ႈဝၼ်းတီႈ 15.11.2022 ႁူဝ်ၶမ်ႈ 4 မူင်းၶိုင်ႈ ။
ၵူၼ်းပိုၼ့်တီႈ လၢတ်ႈတီႈၽူႈတွႆႇႁွၵ်ႈဝႃႈ -“ ၸႂ်ႈဢေႃႈ ၵႃးၽႃႇၼႆဢေႃႈၼၼ့် ယိၼ်းဝႃႈ လုၵ်ႈဢွၼ်ႇၼႆ့ ၵႂႃႇဢၢပ်ႇ ၼမ့်မႃးသေ ၶၢမ်ႈတၢင်းလူင် တေမိူဝ်းႁိူၼ်း။ ၵႃးၵေႃႈသမ်ႉႁေႃႈမႃးဝႆးဢိတ်းၼိုင်ႈ လုၵ်ႈဢွၼ်ႇ သမ့်မႅၼ်ႈၽွင်းလူၼ်းမၼ်းၼၼ့်ၼႃႇၼေႃ ။ ၽႃႇၺႃးမႅၼ်ႈဢဝ်သေယဝ်ႉဢေႃႈ။ ပေႃးပေႃႈမႄႈ ဢမ်ႇပႂ့်ထိင်းလႆႈလီတႄ့ ၸၢင်ႈမီးလွင်ႈမႆႈၸႂ်ၸိူင့်ၼႆယဝ့် ”- ဝႃႈၼႆ။
ဝၢၼ်ႈထမ်ႈငွပ်းၼႆ့ မီးလုၵ်ႈဢွၼ်ႇၼမ် ၵႆ့လဵၼ်ႈၼိူဝ်သဵၼ်ႈတၢင်းလူင် ဢၼ်ရူတ့်ၵႃးၵႂႃႇမႃး ပေႃးဢမ်ႇဝႆ့သတိသေႁေႃႈ ၸၢင်ႈပဵၼ် ၽေးၵိုင့်ၵၢင့် ။
ၵူၼ်းပိုၼ့်တီႈ လၢတ်ႈတီႈ ၽူႈတွႆႇႁွၵ်ႈထႅင်ႈဝႃႈ “ ဢၼ်ၽႃႇၺႃး လုၵ်ႈဢွၼ်ႇၼႆ့ ငိၼ်းဝႃႈ ပဵၼ်ရူတ့်မုၼ်ႈၸဝ်ႈၼႆဢေႃႈ လႆႈသၢႆႈတႅၼ်းၶိုၼ်း 100 သႅၼ်ၼႆႇဢေႃႈ ႁူဝ်ယွႆႈႁူဝ်ယမ်းမၼ်းတႄ့ ဢမ်ႇႁူ့လီလီၼင်ႇၵဝ်ႇၶႃႈ ” ဝႃႈၼႆ။
ၼႂ်းလိူၼ်ၼႆ့ၵူၺ်း ၼႂ်းမိူင်းတႆး မီးၽေးၵိုင့်ၵၢင့် ပဵၼ်လၢႆဝဵင်း မိူၼ်ၼင်ႇ ဝဵင်းၵျွၵ့်မႄး ဝဵင်းတႃႈၶီႈလဵၵ်း ဝဵင်းတၢင့်ယၢၼ်း ဝဵင်းသႅၼ်ဝီ ၸိူဝ်းၼႆ့ မီးၵူၼ်းတၢႆလႄႈ မၢတ်ႇၸဵပ်း ယွၼ့်ရူတ့်ၵႃးၽႃႇၵၼ်။
