Tuesday, November 29, 2022

ၸၼ့်ၸွမ်မႁႃၸူးလႃးသင်ၶၸဝ်ႈ ဝဵင်းလမ်းပုၼ်း တေၸတ်းပၢင်ယွင်ႈၵုင်ႇ သင်ႇၶႃႇၸိူဝ်းလႆႈႁပ့်ၶူး B.A , M.A

Must read

ၸၼ့်ၸွမ်မႁႃၸူးလႃးလူင်းၵွၼ်း မႁႃဝိထယႃးလႆးသင်ၶၸဝ်ႈ ဢိူင်ႇသၼ်တူၼ်ႈထူင်း ၸႄႈဝဵင်းလမ်းပုၼ်း တေၸတ်းႁဵတ်းပၢင်ယွင်ႈၵုင်ႇသင်ႇၶႃႇၸိူဝ်းလႆႈႁပ့်ဝႂ်ၸုမ်ႈၶူး B.A- M.A ၼႂ်းပီ 2022 ၼႆႉ။

သင်ၶၸဝ်ႈတီႈၸၼ်ႉၸွမ်မႁႃၸူးလႃး လမ်းပုၼ်းႁၢင်ႈႁႅၼ်းတႃႇၸတ်းပၢင်ယုၵ်ႉယွင်ႈသင်ႇၶႃႇၸဝ်ႈဢၼ်တေလႆႈႁပ်ႉၸုမ်ႈၶူး

ပၢင်ယွင်ႈၵုင်ႇသင်ႇၶႃႇၸဝ်ႈ ၸိူဝ်းလႆႈႁပ့်ဝႂ်ၸုမ်ႈၶူးၼႆႉတေၸတ်းႁဵတ်းၼႂ်း ဝၼ်းတီႈ 19/11/2022 လိူၼ် 12 လွင်ႈ 11 ၶမ်ႈ ဝၼ်းသဝ်ၼႆ့။ 

ၸဝ်ႈၶူးၼေႃႇၶမ်း ၽူႈၵိူဝ်းၵုမ် လုၵ်ႈႁဵၼ်းသင်ႇၶတႆးၸၼ့်ၸွမ်လမ်းပုၼ်း လၢတ်ႈတီႈၽူႈတွႆႇႁွၵ်ႈဝႃႈ – “ပၢင်ယွင်ႈၵုင်ႇဝႃႈၼႆသေတႃ့ၵေႃႈ လႆႈၶိုၼ်ႈႁပ့်ဝႂ် မိူၼ်ၼင်ႇဝၼ်းဢၼ်တေ့မၼ်းယူႇၶႃႈ။ ပေႃးဝၼ်း တေ့ မၼ်းတႄ့ တေလႆႈႁပ့်တီႈ ၸၼ်ႉၸွမ်မႁႃၸူးလႃး ဝင်းၼွႆႉၼၼ့်ဢေႃႈ။  ပေႃးႁဝ်းမီး ၵူၼ်းမႃးၶဝ်ႈႁူမ်ႈ ပၢင် ႁဝ်းမီးမွၵ်ႈ 30 ၶိုၼ်ႈၼိူဝ်ၼႆ့တႄ့ ဢၢၼ်းႁဵတ်းပႃးမိူၼ်ၼင်ႇပၢင်တၢၼ်ႈၶႆႈၼၼ့်ဢေႃႈ။ ၵွပ်ႈဝႃႈ မိူဝ်ႈၽူႈႁပ့် ဝႂ်ၸုမ်ႈၶူးႁဝ်းၶဝ် တိုၵ့်ႁပ့်ယူႇၼၼ့် တေဢမ်ႇပၼ်ၽူႈမႃးၶဝ်ႈႁူမ်ႈ ၶဝ်ႈၼႂ်းႁူင်းႁေႃး တင်း မူတ်းလႄႈ   သြႃႇလႄႈတၵႃႇ ၸိူဝ်းယူႇပႂ့်တၢင်းၼွၵ်ႈၼၼ့် ၼင်ႇႁိုဝ်ၶၢဝ်းယၢမ်းတေဢမ်ႇသုမ်းလၢႆ ၊ ႁႂ်ႈမီးၽွၼ်းလီၼၼ့် ၶႃႈၼႃႇၼေႃ” ဝႃႈၼႆ။

ပၢင်ယွင်ႈၵုင်ႇသင်ႇၶႃႇလႄႈ ၵူၼ်းႁိူၼ်းၸိူဝ်းလႆႈႁပ့်ဝႂ်ၸုမ်ႈၶူး တီႈလမ်းပုၼ်းၼႆ့ ၸတ်းႁဵတ်းမႃး 3 ပွၵ်ႈ ပႃးပွၵ်ႈၵမ်းၼႆႉ။

ပၢင်ႁပ်ႉၸုမ်ႈၶူး ဝၼ်းဢၼ်တေ့ မၼ်း တေၸတ်းႁဵတ်းတီႈ တီႈၸၼ်ႉၸွမ်မႁႃၸူးလႃး ဝင်းၼွႆႉ ဢယုတ်ႉထယႃး ၸိုင်ႈထႆး ဝၼ်းတီႈ 10-11/12/2022 ဢၼ်တေထိုင်။

သင်ႇၶႃႇၸဝ်ႈၽူႈဢၼ်တေလႆႈႁပ့်ၸုမ်ႈၶူးပီၼႆ့ တင်းသဵင်ႈမီး12 ၵေႃ့ ။ ၼႂ်းၼၼ့် မီးသင်ၶၸဝ်ႈ 10 တူၼ် လႄႈ ၵူၼ်းႁိူၼ်း 2 ၵေႃ့ ။ ၽူႈလႆႈႁပ့်ၸုမ်ႈၶူး M.A မီး 4 တူၼ်၊  ၽူႈလႆႈႁပ့်ၸုမ်ႈၶူး B.A  မီးသင်ၶၸဝ်ႈ 6 တူၼ် လႄႈ ၵူၼ်းႁိူၼ်းသွင်ၵေႃ့။ ၽူႈလႆႈႁပ့်ၸုမ်ႈၶူးပီၼႆ့ ပဵၼ်ပီႈၼွင့်တႆးဢၼ်လုၵ်ႉတၢင်း ဝဵင်းလၢႆးၶႃႈ၊ ဝဵင်းၵႃလိ၊ဝဵင်းၶူဝ်လမ်၊ဝဵင်းၵဵင်းတုင်၊မိူင်းဢွတ်ႇ၊ဝဵင်းလၢင်းၶိူဝ်း၊ဝဵင်းတၢင့်ယၢၼ်း ၸဵမ်ၸိူဝ်းၼႆ့။

ပၢင်ယွင်ႈၵုင်ႇသင်ႇၶႃႇၸဝ်ႈတီႈဝဵင်းလမ်းပုၼ်း

ၸဝ်ႈၶူးၼေႃႇၶမ်းလၢတ်ႈၼႄထႅင်ႈဝႃႈ-“ လွင်ႈယၢပ်ႇၽိုတ်ႇ လုၵ်ႈႁဵၼ်းတႄ့ၵေႃႈ ပဵၼ်ၽႃႇသႃႇထႆး ၼၼ့် ယဝ့် ။ ၵမ်ႈၼမ်သမ့် လုၵ့်တၢင်းမိူင်းတႆးမႃး ႁဵၼ်းၵမ်းသိုဝ်ႈၼႆ မၼ်းယၢပ်ႇဝႆ့ ။ လႆႈတင်ႈၸႂ်တင်ႈၶေႃး သွၼ် ဢဝ်လိၵ်ႈထႆးၵႂၢမ်းထႆးသွင်ပီ လုမ်းလုမ်းၶႃႈဢေႃႈ ။ လႆႈၵၢၼ့်ၵူၵ့်ဢဝ်ၼၼ့်ၶႃႈယဝ့် ။ ၵွပ်ႈဝႃႈၸၼ့်ၸွမ် ဢၼ်ၼႆ့ ဢဝ်ၽႃႇသႃႇထႆးသွၼ်ဝႆ့ၵမ်ႈၼမ်ဢေႃႈ။ ၵၢၼ်ယူႇၵၢၼ်ၵိၼ်တႄ့ ဢမ်ႇလႆႈမႆႈၸႂ်သင်ၼင်ႇၵဝ်ႇ”- ဝႃႈၼႆ။

ၽူႈမႃးႁဵၼ်းၸၼ့်ၸွမ်ၼႆ့ ၵမ်ႈၽွင်ႈ ယိပ်းဝႂ်ပၢတ့်သပွတ်ႇ ၵမ်ႈၽွင်ႈယိပ်းဝတ်းသိပ်းပီသေ မႃးၶိုၼ်ႈႁွတ်ႈ ဢၼ်ၶႂၢင်းပၼ်ႁႂ်ႈယိပ်းဝႂ်ပၢတ့်သပွတ်ႇသေမႃးၶိုၼ်ႈလႆႈၼႆ့ တိုၵ့်မီးမႃး ၶၢဝ်းတၢင်း 5 ပီ။

ၸၼ့်ၸွမ် တီႈဝဵင်းလမ်းပုၼ်းၼႆ့ ပဵၼ်ၵိင်ႇၽႄ ၸၼ့်ၸွမ်ဝဵင်းၵဵင်းမႆႇ မိူဝ်ႈလဵဝ် ၵမ်ႈၼမ်ၶိုၼ်ႈႁဵၼ်းဢဝ် ၸုမ်ႈၶူး M.A လႄႈ B.A ပေႃးဢဝ်ပိူင်ၸၼ့်ၸွမ်ဝႃႈ ၵမ်ႈၼမ်တေလႆႈၶိုၼ်ႈ 4 ပီ ယူႇတီႈ ၵူၼ်းႁိူၼ်းလႄႈ သင်ႇၶႃႇ တေၸၢင်ႈပိူင်ႈၵၼ်ဢိတ်းဢီႈ မိူဝ်ႈလဵဝ် လုၵ်ႈႁဵၼ်းတၢင်းသဵင်ႈ မီးယူႇ 30 ပၢႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- SHAN's Apps -spot_img

ၶၢဝ်ႇလိုၼ်းသုတ်း