ဝၼ်းတီႈ 25/10/2022 ၽွင်းလူင်ၵဝ်ႇ ၾၢႆႇၽၼ်ႇတႃႇငိုၼ်းတွင်း မိူင်းဢိင်းၵလဵတ်ႈ Rishi Sunak ထုၵ်ႇလိူၵ်ႈပဵၼ် ၸွမ်ၽွင်းလူင်ၵေႃႉမႂ်ႇ မိူင်းဢိင်းၵလဵတ်ႈ ။
ၸွမ်ၽွင်းလူင် ၵေႃ့ၵဝ်ႇ Ms. Liz Truss ၶဝ်ႈႁၢပ်ႈၵၢၼ်ပုၼ်ႈၽွၼ်းလႆႈ 40 ဝၼ်းပၢႆၵူၺ်းသေ ထွၼ်တူဝ်ဢွၵ်ႇၵႂႃႇလႄႈ တႃႇတေတႅၼ်းတီႈယူႇမၼ်းၼၢင်းၼၼ်ႉ ၽူႈတႅၼ်းၽွင်း မိူင်းဢိင်းၵလဵတ်ႈၶိုၼ်းပၼ်ၶႅပ်းၵၢင်ၸႂ် လိူၵ်ႈ Rishi Sunak ၶိုၼ်ႈပဵၼ်ၸွမ်ၽွင်းလူင် မိူဝ်ႈဝၼ်းတီႈ 24 လိူၼ် Oct ၼႆ့ ။
မၼ်းၸၢႆးၼႆ့ ဢႃယု 42 ပီ။ ပဵၼ်ၸိူဝ်ႉသၢႆ ဢိၼ်ႊတီႊယႃႊ။ ၼႂ်းၶၢဝ်းတၢင်း 200 ပီၼႆ့ လႆႈဝႃႈပဵၼ်ၸွမ် ၽွင်းလူင် မိူင်းဢိင်းၵလဵတ်ႈ ၵေႃ့ဢၼ်မီးဢႃယုလဵၵ့်သုတ်း ၵေႃ့ႁႅၵ်ႈ ဝႃႈၼႆ။
ၸွမ်းၼင်ႇပေႃႇလသီႇဝၢၼ်ႈမိူင်းမီးဝႆႉလႄႈ ၸွမ်ၽွင်းလူင်ၵေႃ့မႂ်ႇၼႆ့ တေလႆႈၵႄႇလိတ်ႈ ပၼ်ႁႃ ပၢႆးမၢၵ်ႈမီးၼႂ်းမိူင်းလႄႈ တေလႆႈၶိုၼ်းပွင်သၢင်ႈ ႁႂ်ႈမီးလွင်ႈၽွမ့်ႁူမ်ႈၸၢတ်ႈဝႃႈၼႆဝႆႉ။
ၸွမ်ၽွင်းလူင်ၵေႃႉၵဝ်ႇ Ms. Liz Truss ၵေႃႈ ၵွၼ်ႇတေထွၼ်တူဝ်ဢွၵ်ႇၼၼ်ႉ မၼ်းၼၢင်းပိုၼ်ၽၢဝ်ႇဝႃႈ ဢမ်ႇၵႄႈၶႆပၢႆးမၢၵ်ႈမီးၸိုင်ႈမိူင်းလႆႈ ၸွမ်းၼင်ႇယိူင်းမၢႆဝႆႉၼၼ်ႉလႄႈ ၸင်ႇယွၼ်းထွၼ်တူဝ်ဢွၵ်ႇ ဝႃႈၼႆ ။