မိူဝ်ႈၼႆႉ ဝၼ်းတီႈ 19/10/2022 ယၢမ်းၵၢင်ၼႂ် 6 မူင်းပၢႆ မၢၵ်ႇတႅၵ်ႇၼႂ်းၵၢတ်ႇလူင် ဝဵင်းမိူင်းပဵင်း ၸႄႈတွၼ်ႈၵဵင်းတုင် ၸိုင်ႈ တႆးပွတ်းဢွၵ်ႇၶူင်း လုၵ်ႈၼိုင်ႈ တႅၵ်ႇတိူဝ်ႉသႂ်ႇ ၵူၼ်းၶၢႆၽၵ်းၶဵဝ် ၽူႈယိင်းၵေႃႉၼိုင်ႈ လႆႈမၢတ်ႇၸဵပ်းႁၢဝ်ႈႁႅင်း။
ၵူၼ်းမိူင်းပဵင်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ပဵၼ်ၼမ်ႉမိုဝ်းၽႂ် မႃးႁၢင်ႈဝႆႉတႄႉ ဢမ်ႇႁူႉ။ မၢၵ်ႇတႅၵ်ႇ တီႈၼႂ်းၵၢတ်ႇၸိူင်ႉၼႆ ဢမ်ႇယၢမ်ႈမီးမႃးသေပွၵ်ႈ။ ၸၢၵ်ႇမၢၵ်ႇ တိူဝ်ႉသႂ်ႇ ၵူၼ်းၶၢႆၽၵ်းၶဵဝ် ၼၢင်းယိင်း ၵေႃႉၼိုင်ႈ မၢတ်ႇၸဵပ်းႁၢဝ်ႈႁႅင်း ယၢမ်းလဵဝ် လႆႈသူင်ႇယူတ်းယႃတူဝ်ဝႆႉတီႈ ႁူင်းယႃယဝ်ႉ”- ဝႃႈၼႆ။
ၼၢင်းယိင်း ၵေႃႉဢၼ် တိူဝ်ႉၺႃးၸၢၵ်ႇမၢၵ်ႇၼၼ်ႉ ပဵၼ်ၵူၼ်းၶၢႆၽၵ်းၶဵဝ် လႆႈတိူဝ်ႉမၢတ်ႇၸဵပ်းႁႅင်းသေ လႆႈသူင်ႇ ယူတ်းယႃတူဝ်ဝႆႉတီႈ ႁူင်းယႃလူင် မိူင်းပဵင်းယဝ်ႉ။
ဢိင်ၼိူဝ် လွင်ႈမၢၵ်ႇတႅၵ်ႇၼႆႉ ပဵၼ်ၼမ်ႉမိုဝ်းၽႂ် ၸုမ်းလႂ် ႁၢင်ႈၵၢင်ဝႆႉတႄႉ ပႆႇၸၢင်ႈယိုၼ်ယၼ်။ ဝဵင်းမိူင်းပဵင်းၼႆႉ ပဵၼ်ဝဵင်း သိုၵ်းမၢၼ်ႈ တူင်ႉၼိုင်ယူႇသဝ်းၼမ် ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ