Friday, March 29, 2024

ၵူၼ်းဝၢၼ်ႈ ၼႂ်းၸႄႈဝဵင်းသီႇပေႃႉ ၺႃးသိုၵ်းမၢၼ်ႈ ပေႃႉထုပ်ႉထၢမ်ၶၢဝ်ႇၵူၼ်းထိူၼ်ႇ

Must read

သိုၵ်းမၢၼ်ႈ ဢဵၼ်ႁႅင်း မွၵ်ႈ 30 ၵေႃႉ ၶဝ်ႈတီႉၺွပ်း ၵူၼ်းဝၢၼ်ႈၵုင်းသႃႇ ၼႂ်းၸႄႈဝဵင်းသီႇပေႃႉ မိူင်းတႆးပွတ်းႁွင်ႇသေ ပေႃႉထုပ်ႉထဵတ်ႈထၢမ် ၶၢဝ်ႇၵူၼ်းထိူၼ်ႇ ။

တၢင်းၶဝ်ႈဝဵင်း သီႇပေႃႉ

ဝၼ်းတီႈ 14/10/2022 ယၢမ်းၵၢင်ၼႂ်ၸဝ်ႉ ၶွင်ႇသီႇသိုၵ်းမၢၼ်ႈ ယိုတ်းမိူင်း တပ်ႉၵွင် ၶလယ 23 ဢဵၼ်ႁႅင်းမွၵ်ႈ 30 ၵေႃႉ ၶဝ်ႈၵူတ်ႇထတ်း ၵူၼ်းဝၢၼ်ႈၵုင်းသႃႇ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇသေ တီႉၺွပ်း ပေႃႉထုပ်ႉ ထဵတ်ထၢမ် ၸုမ်းသိုၵ်းလုၵ်ႉၽိုၼ်ႉ ။

- Subscription -

ၵူၼ်းမိူင်း ဝဵင်းသီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ – သိုၵ်းမၢၼ်ႈ ၸုမ်းၼႆႉ ၶဝ်ႈမႃးၼႂ်းဝၢၼ်ႈယၢမ်းၵၢင်ၼႂ်မွၵ်ႈ 5 မူင်း၊ ၶဝ်ႈမႃးထၢမ်ဝႃႈ မီးၵူၼ်းထိူၼ်ႇၸုမ်းလႂ်မႃးၵဵပ်းၶွၼ်ႇ၊ လၢတ်ႈၼႄလူး ဝႃႈၼႆဢေႃႈ။ ၸႂ်ႉႁဝ်းၶႃႈ လူင်းႁိူၼ်း တဝ်ႉၶဝ်ႇယေႃးလူင်းသေ ပေႃႉႁႅမ် ငိုၼ်းၼႂ်းထွင်းမီးၵႃႈႁိုဝ်ၵေႃႈ ၸႂ်ႉပၼ်ဢေႃႈ”  ဝႃႈၼႆ။

ၵူၼ်းဝၢၼ်ႈ ဢၼ်ၺႃးၸုမ်းသိုၵ်းမၢၼ်ႈ ထဵတ်ႈထၢမ် ၶႂ်ႈဝႃႈၺႃး ၵူႈႁိူၼ်း။ ႁိူၼ်းလႂ် လႆႈပၼ်ငိုၼ်းၵႂႃႇ ၵႃႈႁိုဝ်ၼႆတႄႉ ဢမ်ႇလႆႈႁူႉတႅတ်ႈတေႃး၊ တိုၵ်ႉဢုပ်ႇထၢမ်တူၺ်းၵၼ်ယူႇ ၵူၼ်းဝၢၼ်ႈလၢတ်ႈၼႄၼင်ႇၼႆ။

ၼႂ်းဝၢၼ်ႈၵုင်းသႃႇၼႆႉ မိူဝ်ႈၵူႈပွၵ်ႈ မီးၸုမ်းသိုၵ်း RCSS ၵႂႃႇမႃးတူင်ႉၼိုင်၊ ယၢမ်းလဵဝ်တႄႉ လိူဝ်သေ ၸုမ်းသိုၵ်းမၢၼ်ႈ မၢင်ပွၵ်ႈမၢင်လႂ်ၵေႃႈ မီးၸုမ်းသိုၵ်း SSPP သိုၵ်းလွႆ TNLA ၵႆႉၵႂႃႇမႃးတူင်ႉၼိုင်။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း