ၶၢဝ်းတၢင်း 5 လိူၼ်မႃးၼႆႉ ၶၼ်ၼမ်ႉမၼ်းၸၢၵ်ႈ (ၼမ်ႉမၼ်းၸိူဝ်ႉၾႆး) တီႈဝဵင်းၵဵင်းတွင်း ပႆႇယွမ်း 1 လိတ်ႊလႂ်တိုၵ်ႉမီးယူႇ 3,600 ပျႃး ၸိူဝ်းၼႆႉ။
တႄႇဢဝ်လိူၼ်ၵျုၼ်ႊမႃးတေႃႇထိုင်ယၢမ်းလဵဝ် ၶၼ်ၼမ်ႉမၼ်းၸၢၵ်ႈ တီႈဝဵင်းၵဵင်းတွင်း ၸႄႈဝဵင်းမိူင်းၼၢႆး ၸႄႈတွၼ်ႈ လၢင်းၶိူဝ်း ၸိုင်ႈတႆးပွတ်းၸၢၼ်းတိုၵ်ႉသုင်ယူႇ၊ ၼမ်ႉမၼ်းၸၢၵ်ႈ သႅၼ်း 92 (1) လိတ်ႊလႂ် 3,350 ပျႃး၊ တီႊၸႄႊလ် 1 လိတ်ႊလႂ် 3,500 ပျႃး – 3,600 ပျႃး။
ၵူၼ်းၵဵင်းတွင်း လၢတ်ႈတီႈၽူႈတွႆႇႁွၵ်ႈဝႃႈ – “တႄႇဢဝ် ၵၢင်ပီၼႆႉမႃး ၼမ်ႉမၼ်းၸၢၵ်ႈ တီႈဝဵင်းၵဵင်းတွင်း ၼႆႉ ဢမ်ႇတွၼ်ႉယွမ်းလူင်းထိုင် 3,000 ပျႃး သေပွၵ်ႈ။ တီႈဢေႇသုတ်း လူတ်းယွမ်းလူင်းထိုင် 3,100 ပျႃး မွၵ်ႈၼႆႉၵူၺ်း။ ႁဵတ်းသင်လႄႈ ၵူၼ်းမိူင်းဢမ်ႇယၢပ်ႇလႃႇ။ ၸဝ်ႈၼႃး မၢင်ၵေႃႉ ဢမ်ႇပဵၼ်လႆႈၵႃႈၼမ်ႉမၼ်း လႄႈ ပွႆႇၼႃးႁၢမ်းၵေႃႈမီးၼမ်။ ဢၼ်ဢမ်ႇႁဵတ်းလႆႈသဵင်ႈ မိူၼ် 3 ပုၼ်ႈ ႁဵတ်း 1 ပုၼ်ႈ 2 ပုၼ်ႈ ဢမ်ႇႁဵတ်းမူတ်း ၸိူဝ်းၼႆႉၵေႃႈ မီးၼမ်”- ဝႃႈၼႆ။
ၼႂ်းဝဵင်းၵဵင်းတွင်းၼႆႉ မီးပမ်ႉၼမ်ႉမၼ်းၸၢၵ်ႈၶၢႆ တင်းမူတ်း 6 တီႈ။ ၵူႈပီ ၵႃႈထႆသူၼ် ပေႃးပဵၼ်ၸၢၵ်ႈလူင် 1 ၸူဝ်ႈမူင်း မွၵ်ႈ 35,000 ပျႃး။ ၸၢၵ်ႈဢွၼ်ႇ 1 ၸူဝ်ႈမူင်း 7,000 ပျႃး။ ပီၼႆႉ ၸၢၵ်ႈလူင် 1 ၸူဝ်ႈမူင်း မွၵ်ႈ 60,000 ပျႃး။ ၸၢၵ်ႈဢွၼ်ႇ 1 ၸူဝ်ႈမူင်းမွၵ်ႈ 13,000 ပျႃး ယွၼ်ႉၶၼ်ၼမ်ႉမၼ်းၸၢၵ်ႈၶိုၼ်ႈႁႅင်း ၼႆယဝ်ႉ။
ၶၼ်ၼမ်ႉမၼ်းၸၢၵ်ႈ မၢင်ၸႄႈဝဵင်း လူတ်းယွမ်းလူင်းမႃးတင်းၼမ်ယဝ်ႉ ယၢမ်းလဵဝ် 1 လိတ်ႊလႂ် 2,300 ပျႃး မၢင်တီႈ 2,400 – 2,500 ပျႃး ၸိူဝ်းၼႆႉယဝ်ႉ မိူၼ်ၼင်ႇ ၼႂ်းၸႄႈဝဵင်းလူင် တူၼ်ႈတီး ၸိူဝ်းၼႆႉ။
 လိတ်ႊလႂ် 3,350 ပျႃး၊ တီႊၸႄႊလ် 1 လိတ်ႊလႂ် 3,500 ပျႃး – 3,600 ပျႃး။){kind=link}