Friday, March 29, 2024

ပီႈၼွင်ႉတႆးလႅင် ၸတ်းႁဵတ်းပၢင်သွၼ်လိၵ်ႈတႆးလႄႈ လၢတ်ႈၵႂၢမ်းတႆး တီႈလႅၼ်လိၼ်ဢိၼ်ႊတီႊယိူဝ်ႊ ပွၵ်ႈၵမ်းၼိုင်ႈ

Must read

ၽူႈၼမ်းပီႈၼွင်ႉတႆးလႅင် ၼႂ်းၸႄႈဝဵင်းတူပ်းမိုဝ်း (တမူး) ႁူမ်ႈၵၼ်ၸတ်းႁဵတ်းပၢင်သွၼ် လိၵ်ႈလၢႆးတႆးလႄႈလၢတ်ႈၵႂၢမ်းတႆး ပွၵ်ႈၵမ်းႁႅၵ်ႈ ၵူၼ်းၼုမ်ႇၽူႈၶိုၼ်ႈႁဵၼ်းမီး 30 ပၢႆ။

- Subscription -

ဝၼ်းတီႈ 22 /03/2018 ၵူၼ်းၼုမ်ႇလႄႈ ၽူႈယႂ်ႇၵူၼ်းလူင် ႁူမ်ႈၵၼ်ၸတ်းႁဵတ်း ပၢင်ပိုတ်ႇ ပၢင်သွၼ်လိၵ်ႈလၢႆးတႆးလႄႈၵႂၢမ်းလၢတ်ႈတႆးၶၢဝ်းမႆႈ တီႈႁူင်းႁဵၼ်းၸၼ်ႉသုင် ဝၢၼ်ႈမင်းသႃႇ ၸႄႈဝဵင်းတမူး ၸႄႈတွၼ်ႈၵပေႃႇ တိူင်း ၸႄႈၵႅင်း လႅၼ်လိၼ်တိတ်းၸပ်း မိူင်းဢိၼ်ႊတီႊယိူဝ်ႊ မီးၽူႈၵွၼ်း ဝၢၼ်ႈဢိူင်ႇ၊ ပႃႇတီႇၵၢၼ်မိူင်း၊ ပလိၵ်ႈ၊ ၽူႈယႂ်ႇၵူၼ်းလူင်တႆးလႅင် ၼႂ်းဝၢၼ်ႈ မဵဝ်ႉတိတ်ႉ၊ ထူင်ႇၵတိၼ်ႇ၊ ဝၢၼ်ႈလႄးသဵၵ်ႉ၊ဝၢၼ်ႈမင်းသႃႇ ၸိူဝ်းၼႆႉ ၶဝ်ႈႁူမ်ႈ 50 ပၢႆ ။

ၸၢႆးၸၢမ်ႇလႅင်း ၽူႈၸွႆႈထႅမ်တႃႇပွင်ပဵၼ်ပၢင်သွၼ် လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ- “ ဢိင်ၼိူဝ် ၸၢႆးၵျေႃႇတၢၼ်းလႄႈ ၸၢႆးထုၼ်းသဵင်ႇ ဢၼ်ဢွၼ်ႁူဝ်ၵူၼ်းၼုမ်ႇတႆးလႅင် ဝဵင်းတူပ်းမိုဝ်းဝႆႉၼၼ်ႉ ၶႂ်ႈပိုတ်ႇပၢင်သွၼ်လိၵ်ႈ တႆး၊ ၵႂၢမ်းတႆးၼႆလႄႈ ႁဝ်းၶႃႈၸင်ႇဢွၼ်ၵၼ်မႃးၸွႆႈသွၼ်။ ၼင်ႇႁိုဝ်ၵူၼ်းၼုမ်ႇတႆးလႅင် ပေႃးတေႁူႉလိၵ်ႈတႆးၵႂၢမ်းတႆးလီလီၵႂႃႇမိူဝ်းၼႃႈ ႁႂ်ႈၸၢင်ႈဢုပ်ႇဢိူဝ်း ၵပ်းသိုပ်ႇ တင်းပီႈၼွင်ႉလႆႈလၢႆတီႈ လၢႆတၢင်း ဝႃႈၼႆ။

ပၢင်သွၼ်ၼႆႉတႄႇဝၼ်းတီႈ 22/03/2018 တေႃႇထိုင် ဝၼ်းတီႈ 24/05/2018 ၶၢဝ်းတၢင်း 64 ဝၼ်း ၶူးသွၼ်မီး ၸၢႆးမွၼ်းၶိူဝ်း သီႇပေႃႉလႄႈ ၶူးသွၼ်တႆးလႅင် 4 ၵေႃႉ လုၵ်ႈႁဵၼ်းမီး 30 ပၢႆဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း