မိူဝ်ႈၼႆႉ 3/10/2022 ယၢမ်းၵၢင်ဝၼ်းမွၵ်ႈ 12 မူင်း ၾႆးမႆႈႁိူၼ်းယေး ၵူၼ်းဝၢၼ်ႈ လင်ၼိုင်ႈ တီႈပွၵ်ႉ 8 ၾၢႆႇတႂ်ႈဝတ်ႉတပ်ႉဢူး ဝဵင်းတၢင်ႉယၢၼ်း ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ ယွၼ်ႉမေႃႈၾႆး (ဘက်ထရီ) သူဝ်ႊလႃႊသျွတ်ႉ ထုၵ်ႇမႆႈတင်းလင် လႄႈ လူႉသုမ်းၼမ်။
ၽူႈမီးပုၼ်ႈၽွၼ်း ၾၢႆႇၶႄၾႆး ဝဵင်းတၢင်ႉယၢၼ်း လၢတ်ႈတီႈၽူႈတွႆႇႁွၵ်ႈဝႃႈ – “ယွၼ်ႉမေႃႈၾႆးသူဝ်ႊလႃႊမႆႈႁႅင်းၼႆသေ သျွတ်ႉ မႆႈၼႆၶႃႈဢေႃႈ။ မိူဝ်ႈၽွင်းၾႆးမႆႈၼၼ်ႉ ၸဝ်ႈၶွင်ႁိူၼ်းမီးဝႆႉတင်းၼွၵ်ႈ ဢမ်ႇမီးၽႂ်ယူႇႁိူၼ်း။ ၵူၼ်းႁိမ်းႁွမ်းၵပ်းၸူးမႃးသေ ၸုမ်းႁဝ်းၶႃႈ ဢွၼ်ၵၼ်မႃးၸွႆႈၶႄ မွတ်ႇၵႂႃႇၶႃႈ”- ဝႃႈၼႆ။
ဢိင်ၼိူဝ် လွင်ႈႁိူၼ်းယေး ၵူၼ်းဝၢၼ်ႈ ထုၵ်ႇၾႆးမႆႈၼႆႉ ပဵၼ်ႁိူၼ်းၸၼ်ႉလဵဝ် မုင်းလဵၵ်းၽိူၵ်ႇ ၶူဝ်းႁိူၼ်းယေး ဢမ်ႇတၼ်းလႆႈ သင် လွင်ႈတုမ်ႉ တိူဝ်ႉၵူၼ်း မၢတ်ႇၸဵပ်းလူႉတၢႆတႄႉ ဢမ်ႇမီး ဝႃႈၼႆ။
 သူဝ်ႊလႃႊသျွတ်ႉ ထုၵ်ႇမႆႈတင်းလင် လႄႈ လူႉသုမ်းၼမ်။){kind=link}