Friday, June 14, 2024

ၵူၼ်းမိူင်းၽျၢၵ်ႈ တေၸတ်း ပၢင်လူႇၾႆးတဵၼ်းဝင်ႇၵပႃႇ ပွၵ်ႈၵမ်း7

Must read

ၵူၼ်းမိူင်းၸေႈဝဵင်းမိူင်းၽျၢၵ်ႈ ၸႄႈတွၼ်ႈတႃႈၶီႈလဵၵ်း တေၸတ်း ပၢင်လူႇတၢၼ်းၾႆးတဵၼ်းဝင်ႇၵပႃႇ တီႈဝၢၼ်ႈၸေးတၢၼ်း ပွၵ်ႈၵမ်း7။

ၵၢၼ်ႁၢင်ႈႁႅၼ်းပွႆးၾႆးတဵၼ်း ဝင်ႇၵပႃႇ ဝဵင်းမိူင်းသၢတ်ႇ

ဝၼ်းတီႈ 4/10/2022 ၼႆႉ မႅၼ်ႈဝၼ်းဢင်းၵၢၼ်း သင်ၶလႄႈတၵႃႇ ဝဵင်းမိူင်းၽျၢၵ်ႈ တေၶိုၼ်းၸတ်းႁဵတ်း ပၢင်လူႇ ၾႆးတဵၼ်း ဝင်ႇၵပႃႇ တီႈဝတ်ႉၸိၵ်ႉတသုၶ  ပွၵ်ႉၵၢတ်ႇပွၵ်ႉမႂ်ႇ (စျေးတန်းကွက်သစ်)  ဝႃႈၼႆ။

- Subscription -

ၵူၼ်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ” ပွႆးၼႆႉႁဵတ်းၵူႈပီဢေႃႈ ပေႃးၶူဝ်ႊဝိတ်ႊဢမ်ႇမႃးၵဝ်းတႄႉ ၼႂ်းၶၢဝ်းတၢင်း သွင်ပီမႃးၼႆႉၼႃႇ ဢၼ်ဢမ်ႇလႆႈႁဵတ်းပွႆး။ ပီၼႆႉတႄႉ ၽူႈယႂ်ႇၵူၼ်းလူင်ၶဝ် ဢုပ်ႇၵၼ်လၢတ်ႈၵၼ်ႁေ တေႁဵတ်းပွႆးယူႇၼႆၼေႈ ၼႂ်းပွႆးတႄႉ တေမီး ၵူၼ်းၶၢႆတၢင်းၵိၼ်တၢင်းယႅမ်ႉၽွင်ႈ ႁဵတ်းၼၼ်ဢေႃႈ ပွၵ်ႉၶဝ်ႁဵတ်းပွႆးၼၼ်ႉ တေမီးၸၢဝ်းဢၶႃႇ ၸၢဝ်းမၢၼ်ႈယူႇၵမ်ႈၼမ်ယဝ်ႉၼၼ်ႉ တီႈဝၢၼ်ႈတႆးတေႉတေႉမၼ်းတႄႉ လူႇၾႆးတဵၼ်းယူႇ ဢမ်ႇႁဵတ်းပဵင်းၶဝ် “ ဝႃႈၼႆ။

ပၢင်လူႇၾႆးတဵၼ်းဝင်ႇၵပႃႇ ပွၵ်ႈၵမ်း 7 ၼႆႉ တေၸတ်းႁဵတ်း ဝၼ်းတီႈ 4.10.2022 တေႃႇထိုင် 9.10.2022 မႅၼ်ႈဝၼ်းသိၼ် လိူၼ်သိပ်းဢဵတ်းမူၼ်း ႁိုင်ၶၢဝ်းတၢင်း 5 ဝၼ်းသေ တေလူႇတၢၼ်းယၢတ်ႈၼမ်ႉ သိမ်းပၢင်။

ၵၢၼ်ႁၢင်ႈႁႅၼ်းပွႆးၾႆးတဵၼ်း ဝင်ႇၵပႃႇ ဝဵင်းမိူင်းသၢတ်ႇ

တီႈၼႂ်းဝဵင်းမိူင်းၽျၢၵ်ႈၼႆႉ ဢွၼ်ၸတ်းႁဵတ်းပၢင်လူႇၾႆးတဵၼ်းဝင်ႇၵပႃႇမႃး ၸဵမ်မိူဝ်ႈ ပီၶရိတ်ႉ 2014 ယွၼ်ႉတၢင်းပဵၼ် ၶူဝ်ႊဝိတ်ႊ ၽႄႈလၢမ်းလႄႈ လႆႈလိုဝ်ႈဝႆႉ သွင်ပီ ပီၼႆႉတေၸတ်းႁဵတ်းၶိုၼ်း။ၼႂ်းပၢင်ၼၼ်ႉ တေမီး လွင်ႈမူၼ်ႈလွင်ႈၵျေႃႇ မိူၼ်ၼင်ႇ ၼႄတၢင်းၵႃႈလႂ် ႁွင်ႉၵႂၢမ်းလႂ်ၸိူဝ်းၼႆႉ။ၵမ်ႈၼမ်တေၸတ်းႁဵတ်းၶၢဝ်းၸမ်ဢွၵ်ႇဝႃႇဢွၵ်ႇသႃ ၼိုင်ႈပီၼိုင်ႈပွၵ်ႈ ပဵၼ်ၶိင်ႇၵူၼ်းၼႂ်းဝၢၼ်ႈၼႂ်းဝဵင်းလိုဝ်ႈႁိူဝ်ႉ ၸူမ်းသိူဝ်းၶဝ်ႈႁူမ်ႈ။ပီၼႆႉ ၵေႃႈတေယိူင်းၸူးထိုင် ၽြႃးသၢဝ်းပႅတ်ႇသူႇသေ လူတၢၼ်းၵႂႃႇ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း