မေႃသွၼ်ပႃႈၼၢင်းၼုမ်ႇ (သႅၼ်ဝီ) ဢႃယု 90 ပီ ၵေႃႉပဵၼ်မေးၼၢင်း ၻွၵ်ႊတိူဝ်ႊ ၸၢႆႊဢွင်ႇထုၼ်း (လူႉၶွႆႈပီဢွၼ်) ၼၼ်ႉ လူႉသဵင်ႈသုတ်းမုၼ် တီႈဝဵင်းလူင်တႃႈၵုင်ႈ မိူဝ်ႈဝႃးဝၼ်းတီႈ 17/9/2022 ယၢမ်းၵၢင်ဝၼ်းတဵင်ႈ။
လုၵ်ႈလၢင်းၵၢင်တဝ်ႈလႄႈ ပီႈၼွင်ႉလႆႈပူၼ်ႉတူဝ်ႁွပ်ႇႁူဝ်ၶဝ်ႈႁဵဝ်ႈ မိူဝ်ႈၼႆႉဝၼ်းတီႈ 18/9/2022 တီႈဝဵင်းလူင်တႃႈၵုင်ႈ။
ဢၼ်ပဵၼ်ၻွၵ်ႊတိူဝ်ႊၸၢႆးဢွင်ႇထုၼ်းသမ်ႉ လူႉသဵင်ႈသုတ်းမုၼ်မိူဝ်ႈ ဝၼ်းတီႈ 25/9/2020 ၽွင်းဢႃယုၸဝ်ႈလႆႈ 88 ပီ။
သြႃႇမ ၼၢင်းၼုမ်ႇၼႆႉ ယၢမ်ႈပဵၼ်ၶူးသွၼ်မေႃသွၼ်တီႈ ႁူင်းႁဵၼ်း မိူင်းတႆး မိူင်းမၢၼ်ႈလၢႆလၢႆတီႈ။ ပဵၼ်ၵူႈႁူမ်ႈၽၢၵ်ႈလီ၊ လုမ်းလႃးသြႃႇလူင် ၻွၵ်ႊတိူဝ်ႊၸၢႆးဢွင်ႇထုၼ်း၊ လုမ်းလႃးတူၺ်းလူၵၼ်တေႃႇထိုင်ၻွၵ်ႊတိူဝ်ႊၸၢႆးဢွင်ႇထုၼ်း လူႉၶွႆႈသုတ်းမုၼ်။
ၻွၵ်ႊတိူဝ်ႊၸၢႆးဢွင်ႇထုၼ်းလႄႈ ၶူးသွၼ် သြႃႇမ ၼၢင်းၼုမ်ႇၼႆႉမီးလုၵ်ႈလၢင်းႁူမ်ႈၵၼ် 2 ၵေႃႉ ၊ ၼၢင်းႁွမ်ၼူၼ်း လႄႈၸၢႆးသႅင်မိူင်း။
