Sunday, May 26, 2024

ၵူၼ်းမႄးတၢင်းတီႈဝဵင်းလၢႆးၶႃႈး ယဵပ်ႇၺႃးမၢၵ်ႇ ၼႂ်းထိူၼ်ႇ လူႉတၢႆ

Must read

ၵူၼ်းမေးတၢင်း ၵေႃႉၼိုင်ႈ ၵႂႃႇႁႃႁဵပ်း ၼႂ်းထိူၼ်ႇ ယဵပ်ႇၺႃးမၢၵ်ႇမႅင်း လူႉတၢႆ  ၼႂ်းၵႄႈပၢင်လူင် – လၢႆးၶႃႈ။

ၽႅၼ်ႇတီႉ ပၢင်လူင်- လၢႆးၶႃႈ

မိူဝ်ႈဝႃး ဝၼ်းတီႈ 12/9/2022 ယၢမ်းဝၢႆးဝၼ်းမွၵ်ႈ 2 မူင်း မွင်ႇၶၢၼ်ႉၺႃးၼၢႆႇ ဢႃယု 16 ပီ ပဵၼ်ၵူၼ်းသိူဝ်ႇတၢင်း ၵူၼ်းမႄးတၢင်း ၵႂႃႇႁႃႁဵပ်းၼႂ်းထိူၼ်ႇၸွမ်းဢူၺ်း ၵေႃႉမၼ်းၸၢႆး ထႅင်ႈၵေႃႉၼိုင်ႈသေ ယဵပ်ႇၺႃးမၢၵ်ႇမႅင်းၾင်လိၼ် လႆႈတိူဝ်ႉမၢတ်ႇၸဵပ်းႁၢဝ်ႈႁႅင်း တၢင်းၾၢႆႇတူၵ်းတၢင်းၵႃး ပၢင်လူင် – လၢႆးၶႃႈ ယၢၼ်ဝဵင်းပၢင်လူင် မွၵ်ႈ 20 လၵ်း ၼႂ်းၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း  ။

- Subscription -

ၵူၼ်း ဝဵင်းလၢႆးၶႃႈ လၢတ်ႈတီႈၽူႈတွႆႇႁွၵ်ႈဝႃႈ – “ၶဝ်ပဵၼ် ၵူၼ်းတွႆႇမၢၵ်ႇႁိၼ်သိူဝ်ႇတၢင်း ၼႂ်းၵႄႈပၢင်လူင် – လၢႆးၶႃႈ ။ ၶဝ်သွင်ၵေႃႉ လၵ်ႉၵႂႃႇႁႃႁဵပ်းၼႂ်းထိူၼ်ႇသေ ယဵပ်ႇၺႃးမၢၵ်ႇမႅင်းၾင်လိၼ်။ သြႃႇၶဝ်ၵေႃႈ ၾၢင်ႉထိုင်ၶဝ်ယူႇ ယႃႇၵႂႃႇတၢင်းလႂ် ၸွမ်းၼႂ်းထိူၼ်ႇ ၸိူဝ်းၼၼ်ႉၼႆ။ ၵူၺ်းၵႃႈ ၶဝ်သွင်ၵေႃႉသမ်ႉ ဢမ်ႇထွမ်ႇ ၊ လၵ်ႉၵႂႃႇ သေလႄႈ ယဵပ်ႇၺႃးမၢၵ်ႇ၊ တႅၵ်ႇတိူဝ်ႉသႂ်ႇတီႈႁူဝ်ၼဝ်ႇလႄႈ တီႈတႃ မၼ်းၸၢႆး ၸိူဝ်းၼႆႉ။  လႆႈဢဝ်သူင်ႇယူတ်းယႃ တီႈႁူင်းယႃလွႆလႅမ်။ ၵႂႃႇတၢႆတီႈႁူင်းယႃၶႃႈဢေႃႈ”- ဝႃႈၼႆ။

မၼ်းၸၢႆးထိုင်ႁူင်းယႃသေ လႆႈလူႉတၢႆၵႂႃႇ  ယၢမ်းၵၢင်ၶိုၼ်းလိုၵ်း 12 မူင်းပၢႆ ၼႆႉ။

“ဢွင်ႈတီႈၶဝ် ၵႂႃႇယဵပ်ႇၺႃးမၢၵ်ႇၼၼ်ႉ မၼ်းပဵၼ်တီႈၼႂ်းထိူၼ်ႇ ယဝ်ႉၵေႃႈ ပဵၼ်တီႈသိုၵ်းၶဝ် ႁၢင်ႈၵၢင်မၢၵ်ႇဝႆႉ ။ ဢွင်ႈတီႈၸိူဝ်း ၼၼ်ႉ ပဵၼ်ဢွင်ႈတီႈ လဵင်ႉဝူဝ်းၵႂၢႆးၵူၼ်းမိူင်းၵေႃႈၸႂ်ႈ။ ယၢမ်းလဵဝ် ဢမ်ႇမီးၽႂ်ႁတ်းပွႆႇဝူဝ်းၵႂၢႆးၵႂႃႇ ။ ယၢပ်ႇၽိုတ်ႇ တီႈလဵင်ႉဝူဝ်းၵႂၢႆးဢေႃႈႁဝ်းၶႃႈတႄႉ။  ၵူဝ်ယဵပ်ႇၺႃးမၢၵ်ႇၼၼ်ႉၼႃႇ”- ၵူၼ်းလၢႆးၶႃႈ သိုပ်ႇလၢတ်ႈၼႄ ၼင်ႇၼႆ။

မွင်ႇၶၢၼ်ႉၺႃးၼၢႆႇ ဢႃယု 16 ပီ ဢၼ်လႆႈလူႉတၢႆၵႂႃႇၼႆႉ ပဵၼ်လုၵ်ႈၸၢႆး ဢူးၼၢၼ်းဝိၼ်း (ဉီးနန်းဝင်း) – တေႃႇၵျီႇ (ဒေါ်ကြည်) ယူႇဝဵင်းပျေႃႇပွႆႇ(ပျော်ဘွယ်) မိူင်းမၢၼ်ႈ  ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း