Saturday, June 15, 2024

ဝဵင်းၵဵင်းတုင် ၵူတ်ႇထတ်းႁၼ် ၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ  

Must read

လိူၼ်ဢေႃႊၵတ်ႊသ်ၼႆႉ ၵူၼ်းတိတ်းၸပ်း ၶူဝ်ႊဝိတ်ႉ 19 ၼႂ်းဝဵင်းၵဵင်းတုင် မီ 10 ၵေႃႉ ၼႂ်းၼၼ်ႉ လူႉတၢႆ 1 ၵေႃႉ။

ၸုမ်းပရႁိတၸွႆႈဢဝ်ၵူၼ်းပဵၼ်ၶူဝ်ႊဝိတ်ႉသူင်ႇႁူင်းယႃတီႈၼိုင်ႈ

တႄႇဢဝ် ဝၼ်းတီႈ 16-24/8/2022 ၶၢဝ်းတၢင်း 9 ဝၼ်းမႃးၼႆႉ ၼႂ်းၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း မီးၵူၼ်းၸပ်း ၸိူဝ်ႉမႅင်းတၢင်းပဵၼ် ၶူဝ်ႊဝိတ်ႉ 19 တင်းမူတ်း 10 ၵေႃႉ ၼႂ်းၼၼ်ႉ ထဝ်ႈၸၢႆးၵေႃႉၼိုင်ႈ လူႉတၢႆ  ။ တႃႇ 9 ၵေႃႉတႄႉ တိုၵ်ႉယူတ်းယႃတူဝ်ဝႆႉယူႇ။

- Subscription -

ၽူႈတူင်ႉၼိုင် ၼႂ်းတူင်ႉဝူင်းၵူၼ်း ၵဵင်းတုင် ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၶဝ်လိုဝ်းၵၼ်ဝႃႈ ပဵၼ်ၶူဝ်ႊဝိတ်ႉၼႆဝႃႇ ၸႂ်ႈ တႄႉဢမ်ႇၸႂ်ႈတႄႉ ဢမ်ႇႁူႉ။ ၵူၼ်းမိူင်းတႄႉ ဢမ်ႇသႂ်ႇၸႂ်သင်ယဝ်ႉ တၢင်းပဵၼ်ၼၼ်ႉ။ မိူဝ်ႈလဵဝ် ဢၼ်ၵူၼ်းမိူင်းမႆႈၸႂ်  လိူဝ် ႁႅင်းတႄႉ ၵူဝ်ဢိုပ်းၼၼ်ႉ ၵူၺ်းယဝ်ႉ။ ယွၼ်ႉၶူဝ်းၵုၼ်ႇၶွင်ၵိၼ်ယႅမ်ႉၼႆႉ ၶိုၼ်ႈၵူႈမဵဝ်း၊ ၵၢၼ်ငၢၼ်းဢမ်ႇပဵၼ် ငိုၼ်းႁႃယၢပ်ႇ ၼၼ်ႉယဝ်ႉ”- ဝႃႈၼႆ။

ၼႂ်းသိုဝ်ႇၶၢဝ်ႇ ပိုၼ်ႉတီႈ ဝဵင်းၵဵင်းတုင် ဢွၵ်ႇဝႆႉတႄႉ မိူဝ်ႈဝၼ်းတီႈ 21/8/2022 ၼႆႉ ထဝ်ႈၸၢႆး ဢႃယု 71 ပီ ၵူၼ်းဝၢၼ်ႈၵၢင် ဢိူင်ႇၵၢတ်ႇတဝ်ႈ ၸႄႈဝဵင်းၵဵင်းတုင် ၵေႃႉၼိုင်ႈ ၵူတ်ႇထတ်းႁၼ် တိတ်းၸပ်းၸိူဝ်ႉမႅင်း တၢင်းပဵၼ်ၶူဝ်ႊဝိတ်ႉ 19 ၼႆႉသေ လူႉတၢႆ ဝႃႈၼႆ။

ၼႂ်းၸႄႈဝဵင်းၵဵင်းတုင်ၼႆႉ တႄႇၵူတ်ႇထတ်းႁၼ် ၵူၼ်းတိတ်းၸပ်း ၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 မိူဝ်ႈဝၼ်းတီႈ 29/6/2021 ၼၼ်ႉမႃး တေႃႇထိုင် 20/6/2022 ၸမ်ပီၼႆႉ မီးၵူၼ်းတိတ်းၸပ်း ၸိူဝ်ႉမႅင်း 6,000 ပၢႆ။ လူႉတၢႆၸမ် 100 ၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း