Thursday, March 28, 2024

ၵူၼ်းၼုမ်ႇယိင်းၸၢႆးသီႇပေႃႉ   ၵႂႃႇႁဵတ်းၵၢၼ်တၢင်ႇတီႈ မိူင်းပေႃးၶႂ်ႈယဵၼ်

Must read

 ၵူၼ်းၼုမ်ႇယိင်းၸၢႆးၼႂ်းၸႄႈဝဵင်းသီႇပေႃႉ ၵႂႃႇႁႃႁဵတ်းၵၢၼ်ႁႃၵိၼ်လဵင်ႉတွင်ႉတၢင်ႇတီႈတၢင်ႇလႅၼ် ဝဵင်းပေႃးၶႂ်ႈယဵၼ် ။

Photo Credit to Owner -ၼႂ်းဝဵင်းသီႇပေႃႉတီၼိုင်ႈ

 သိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်းပီပၢႆ 6 လိူၼ်ၼႆႉ ၵၢၼ်ပၢႆးမၢၵ်ႈမီး ၼႂ်းမိူင်းႁူမ်ႈတုမ် တူၵ်း၊ ႁႃၵိၼ်လဵင်ႉတွင်ႉယၢပ်ႇၽိုတ်ႇ။    ၵူၼ်းၼုမ်ႇ ၼႂ်းဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ဢွၼ်ၵၼ်ၵႂႃႇ ႁဵတ်းၵၢၼ် ႁႃၵိၼ်လဵင်ႉတွင်ႉ တၢင်းဝဵင်းလဝ်ႉၵႆႇ(လၢဝ်ႇၵၢႆး) ၊ ၸႄႈဝဵင်းတႃႈၶီႈလဵၵ်း၊ မူႇၸေႊလႄႈ တၢင်းမျႃႉဝတီႇ  ၵမ်ႈၽွင်ႈလၵ်ႉၶဝ်ႈ ၵႂႃႇႁဵတ်းၵၢၼ်ၼႂ်းမိူင်းထႆးၸိူဝ်းၼႆႉ။

- Subscription -

ၵူၼ်းသီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ – “ၵူၼ်းၼုမ်ႇတီႈသီႇပေႃႉၼႆႉ ဢွၼ်ၵၼ်ၵႂႃႇႁဵတ်းၵၢၼ် တၢင်ႇတီႈ  ၼမ်ႁႅင်းၼႃႇ ယဝ်ႉ။ တေႃႈလဵဝ်ၵေႃႈ တိုၵ်ႉဢွၼ်ၵၼ် ၵႂႃႇၶိူဝ်းယႂ်း ။ ၵမ်ႈၼမ် ပဵၼ်ၼၢင်းယိင်းၼုမ်ႇ မွၵ်ႈ 70 % ၵူၼ်းၸၢႆးသမ်ႉမွၵ်ႈ  50 %  ။ ယွၼ်ႉၵၢၼ်ႁႃၵိၼ်လဵင်ႉတွင်ႉၼႂ်းပိုၼ်ႉတီႈ ယၢပ်ႇၽိုတ်ႇ  ”- ဝႃႈၼႆ။

ယၢမ်းလဵဝ် ၼႂ်းၸႄႈဝဵင်းသီႇပေႃႉၼႆႉ ၶၼ်ၶဝ်ႈသၢၼ် 1 ပွတ်း (1 ထူင်) 40,000 ပျႃး။ ၼမ်ႉမၼ်းၵိၼ်(ထူဝ်ႇ) 1 ၸွႆႉ 12,000-13,000 ပျႃး  ။ ဢၼ်သိုဝ်ႉၵိၼ်သမ်ႉ ၵႃႈယႂ်ႇသေ ၶူဝ်းဢွၵ်ႇသူၼ်သမ်ႉ ဢမ်ႇမီးလွၵ်းၵၢတ်ႇၶၢႆ၊ လႆႈၶၢႆၵႃႈထုၵ်ႇၵႃႈပေႃး။

“ ၵူၼ်းထဝ်ႈ ၵူၼ်းဢႃယုယႂ်ႇ ပႂ်ႉႁိူၼ်းဢေႃႈ။ ၵူၼ်းၼုမ်ႇ ၸိူဝ်းပေႉတူဝ် ၵမ်ႈၼမ်တႄႉ ဢွၼ်ၵၼ်ၵႂႃႇႁဵတ်းၵၢၼ် တၢင်ႇတီႈ။ ယွၼ်ႉၶူဝ်းၵုၼ်ႇ ၶိုၼ်ႈၵူႈမဵဝ်း။ ၵူၼ်းၸိူဝ်း ၵႆႉသိုဝ်ႉ ၵိၼ်ၶဝ်ႈသၢၼ် ပဵၼ်ပွတ်းၼၼ်ႉ တေႃႈလဵဝ် သိုဝ်ႉၵိၼ်ပဵၼ်ပေႇမၼ်းဢဝ်ယဝ်ႉ။ တေႁဵတ်းၵၢၼ် သူၼ်ႁႆႈၼႃး ၼႆၵေႃႈ ၵႃႈ ၾုၼ်ႇ၊ ၵႃႈၸႂ်ႉၸၢႆႇ ၵႃႈၵိၼ်ယမ်ႉ ၊ ၼမ်ႉမၼ်းၸိူဝ်ႉၾႆး ၸိူဝ်းၼႆႉ ၵႃႈၶိုၼ်ႈပဵၼ် 3-4 ပုၼ်ႈ”- ၵူၼ်းၼုမ်ႇ သီႇပေႃႉလၢတ်ႈ။

ၵူၼ်းၼုမ်ႇ ၸိူဝ်းၵႂႃႇႁဵတ်းၵၢၼ် ႁႃၵိၼ်လဵၵ်ႉတွင်ႉ တၢင်းပွတ်းတွၼ်ႈလႅၼ်လိၼ်ၸိူဝ်းၼႆႉ ဢမ်ႇၵႃး ဝဵင်းသီႇပေႃႉၵူၺ်း တၢင်ႇ ၸႄႈဝဵင်း ၸိူဝ်းၼႆႉ ဢွၼ်ၵၼ်ၵႂႃႇႁဵတ်းၼမ် မိူၼ်ၼင်ႇ တၢင်းပၢင်သၢင်း၊ မိူင်းလႃး ၸိူဝ်းၼႆႉၵေႃႈၼမ် ။ၵႂႃႇႁဵတ်းၵၢၼ်တၢင်း  လဝ်ႇၵၢႆး၊ တႃႈ ၶီႈလဵၵ်း၊ မူႇၸေႊ၊ မျႃႉဝတီႇ ၸိူဝ်းၼႆႉၵေႃႈမီး။ ၵမ်ႈၼမ် တေပဵၼ်ၵၢၼ် တေႃႇလွင်း၊ ၵၢၼ်ဢွၼ်ႊလၢႆႊ(ၵဵမ်း)၊ ၵၢၼ် KTV (ၵႃႊလႃႊ ဢူဝ်ႊၶႄႊ)၊ ၵၢၼ် Bar ၊ ၵၢၼ်တၢင်းဢွၼ်ႊလၢႆႊ ၸိူဝ်းၼႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း