Saturday, May 25, 2024

ၵူၼ်းၸပ်း တၢင်းပဵၼ်ၼၢဝ်ၼူၵ်ႉၽႄႈၼမ် တီႈဝဵင်းၵဵင်းတွင်း

Must read

ၼႂ်းဝဵင်းၵဵင်းတွင်း တၢင်းပဵၼ်ၼၢဝ်ၼူၵ်ႉလိူင်ႇၽႄႈႁႅင်း ၵမ်ႈၼမ် ပဵၼ်ဢွၼ်ႇၸၢႆးၼုမ်ႇ ၸိူဝ်းၶဝ်ႈထိူၼ်ႇ တေႃႉမႆႉ ၸိူဝ်းၼႆႉ  ။

ႁၢင်ႈဝဵင်းၵဵင်းတွင်း

တႄႇဢဝ် လိူၼ်ၵျုႊလၢႆႊၼႆႉမႃး ၵူၼ်းမိူင်းၼႂ်းဝဵင်းၵဵင်းတွင်း ၸႄႈဝဵင်းမိူင်းၼၢႆး ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း  ၸပ်းတၢင်းပဵၼ်ၼၢဝ်ၼူၵ်ႉ။ ၸိူဝ်းၸပ်းတၢင်းပဵၼ် ၵမ်ႈၼမ် ပဵၼ်ၵူၼ်းၸိူဝ်းၶဝ်ႈ ထိူၼ်ႇႁဵတ်းၵၢၼ်မႆႉ  တေႃႉမႆႉ ၸိူဝ်းၼႆႉ။

- Subscription -

ၵူၼ်းၵဵင်းတွင်း လၢတ်ႈတီႈၽူႈတွႆႇႁွၵ်ႈဝႃႈ – “တီႈႁူင်းယႃၵဵင်းတွင်းၼႆႉ ၵမ်ႈၼမ် လႆႈႁၼ်ပဵၼ် ၵူၼ်းၸၢႆးၼုမ်ႇ။ ပဵၼ်ၵူၼ်း ၸိူဝ်းၶဝ်ႈထိူၼ်ႇႁဵတ်းမႆႉ၊ ၵူၼ်းႁေႃႈၵႃးတၢင်ႇမႆႉ ၸိူဝ်းၼႆႉ ယွၼ်ႉဝႃႈ ၶဝ်ၵႂႃႇယူႇၵႂႃႇၼွၼ်းၼႂ်းထိူၼ်ႇ ၊ ၺႃးယုင်းၶူပ်း၊ ယမ်းၾူၼ် ။ ပေႃးလိုဝ်ႈၵၢၼ်သေပွၵ်ႈႁိူၼ်းၶိုၼ်းၵေႃႈ   ဢွၼ်ၵၼ်ပဵၼ်ၶူပ်းၶူပ်းၶိုၼ်ႈၶိုၼ်ႈ မီးလူမ်းၼၢဝ်။ ဢၼ်မႃး ႁူင်းယႃၼႆႉ ၶႃႈႁၼ် တေမီးမွၵ်ႈ 13 ၵေႃႉၼႆႉယဝ်ႉ”- ဝႃႈၼႆ။

ၵူၼ်းၸပ်း တၢင်းပဵၼ်ၼၢဝ်ၼူၵ်ႉ  မၢင်ၵေႃႉ လႆႈၼွၼ်းႁူင်းယႃ 2-3 ၶိုၼ်း၊ ယွၼ်ႉလူမ်းၼၢဝ် ဢမ်ႇလူတ်းယွမ်းလူင်းလႄႈ မၢင်ၵေႃႉ လႆႈၼွၼ်းထိုင် 5-6 ၶိုၼ်း ၸိူဝ်းၼႆႉၵေႃႈမီး  ။

မိူဝ်ႈပီ 2021 ၼၼ်ႉ တၢင်းပဵၼ်ၶူဝ်ႊဝိတ်ႉ 19 ၶဝ်ႈမႃးႁႅင်းလႄႈ ၵူၼ်းမိူင်းၵဵင်းတွင်း  ဢမ်ႇၾၢင်ႉမႅၼ်ႈ တၢင်းပဵၼ်ၼၢဝ်ၼူၵ်ႉ  ။ ၵမ်ႈၽွင်ႈပဵၼ်ဝတ်းပဵၼ်ဢၢၼ် လူမ်းၼၢဝ်ၶိုၼ်ႈႁႅင်းၵေႃႈ ဢမ်ႇႁတ်းၵႂႃႇႁူင်းယႃ။    ၵူဝ်ၼႄးဝႃႈပဵၼ်ၶူဝ်ႊဝိတ်ႉ 19 ၼႆသေ ဢွၼ်ၵၼ်ယိူၼ်ႉယူႇႁိူၼ်းယေး ၵိၼ်ယႃႈယႃ ႁင်းၵူၺ်းၽႂ်မၼ်း ၵူၼ်းမိူင်းၵဵင်းတွင်း လၢတ်ႈၼႄၼင်ႇၼႆ။

ဝဵင်းၵဵင်းတွင်းၼႆႉ မီးပႃႇထိူၼ်ႇလိုၵ်ႉ မီးၸဵင်ႇႁွင်ႇဝၼ်းဢွၵ်ႇဝဵင်းမိူင်းၼၢႆး။ ႁူဝ်ၵူၼ်းမီး 10,000 ပၢႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း