ဝၼ်းတီႈ 13/7/2022 မိူဝ်ႈၼႆႉ သဵင်ၵွင်ႈသဵင်မၢၵ်ႇမေႃးထႅင်ႈတီႈဝဵင်းမိူင်းမိတ်ႈ ၸိုင်ႈတႆးပွတ်းႁွင်ႇ။
သိုၵ်းၶၢင် KIA လႄႈၸုမ်းၵႅတ်ႇၶႄၵူၼ်းမိူင်း PDF ႁူမ်ႈၵၼ်ပိုတ်းယိုဝ်း သိုၵ်းမၢၼ်ႈ တေႃႇထိုင်ယၢမ်းႁူဝ်ၶမ်ႈ 5 မူင်း 45 မိၼိတ်ႉၼႆႉ သဵင်ၵွင်ႈယင်းတိုၵ်ႉပၼ်းယူႇ ဝႃႈၼႆ။
ၵူၼ်းမိူင်းမိတ်ႈ လၢတ်ႈၽူႈတွႆႇႁွၵ်ႈဝႃႈ – “ယၢမ်းၵၢင်ဝၼ်းတဵင်ႈ 12 မူင်းၶိုင်ႈၼၼ်ႉၵေႃႈ မၢၵ်ႇတႅၵ်ႇ တီႈတပ်ႉသိုၵ်းမၢၼ်ႈမိူင်းမိတ်ႈ လုၵ်ႈၼိုင်ႈလႄႈ တီႈတပ်ႉပလိၵ်ႈမၢၼ်ႈ လုၵ်ႈၼိုင်ႈ။ လွင်ႈၵူၼ်းမၢတ်ႈၸဵပ်းလူႉတၢႆတႄႉ ဢမ်ႇႁူႉၸွမ်း။ ၵူၼ်းမိူင်းတူၵ်းၸႂ်သဵင်ၵွင်ႈသဵင်မၢၵ်ႇလႄႈဢမ်ႇႁတ်းဢွၵ်ႇႁိူၼ်းယေးၵၼ်”- ဝႃႈၼႆ။
ၼႂ်းလိူၼ်ၵျူႊလၢႆႊၼႆႉ သဵင်ၵွင်ႈသဵင်မၢၵ်ႇတႅၵ်ႇတီႈမိူင်းမိတ်ႈၶႂ်ႈဝႃႈၵူႈဝၼ်း ။ ၵူၺ်းၵႃႈပဵၼ်တီႈတပ်ႉသိုၵ်းမၢၼ်ႈ ႁူင်းပလိၵ်ႈလႄႈ ၵဵတ်ႉ/လၢၼ်ႇ ၵူႈႁွင်ႈၵၢၼ် တၢင်းၶဝ်ႈဝဵင်းမိူင်းမိတ်ႈၼၼ်ႉလွၼ်ႉလွၼ်ႉ။
မိူဝ်ႈဝၼ်းတီႈ 1/7/2022 ၼၼ်ႉၵေႃႉ သိုၵ်း SSPP လႄႈသိုၵ်းမၢၼ်ႈယိုဝ်းၵၼ်တီႈမိူင်းမိတ်ႈ ။ သိုၵ်းမၢၼ်ႈတၢႆ 3 ၵေႃႉမၢတ်ႇၸဵပ်း 5 ၵေႃႉ။
ဢိင်ၼိူဝ်ၵႆႉၺႃးလူမ်ႇယိုဝ်းတိၵ်းတိၵ်းလႄႈ ၼႂ်းၶၢဝ်းၶိဝ်းၼႆႉသိုၵ်းလႄႈပလိၵ်ႈၵေႃႈ ပႂ်ႉၵူတ်ႇထတ်းၵူၼ်းၵႂႃႇမႃး ၼႂ်းဝဵင်းမိူင်းမိတ်ႈႁၢဝ်ႈႁႅင်း လႆႈႁူႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ