Thursday, March 28, 2024

ၵႃးပိၼ်ႈတီႈၵဵင်းတုင် ၵူၼ်းမၢတ်ႇၸဵပ်း 10 ပၢႆ

Must read

ၵႃး Vigo လမ်းၼိုင်ႈ ပိၼ်ႈၶႂမ်ႈ တီႈဝဵင်းၵဵင်းတုင် မီးၵူၼ်းမၢတ်ႇၸဵပ်း ဢမ်ႇယွမ်း 10 ။

Photo: တိုင်းနေနာရေးကူညီမှုအသင်း/ ၵႃးပိၼ်ႈၶႂမ်ႈ တီႈဝဵင်းၵဵင်းတုင် 11/7/2022

မိူဝ်ႈဝႃး ဝၼ်းတီႈ 11/7/2022 ယၢမ်းၵၢင်ၼႂ်မွၵ်ႈ 6 မူင်းၶိုင်ႈ ၵႃး Vigo သီၶၢဝ် လမ်းၼိုင်ႈ  ပဵၼ်ၽေးၵိုင်ႉၵၢင်ႉပိၼ်ႈ  တီႈၼိူဝ်သဵၼ်ႈတၢင်းလူင် ၵဵင်းတုင် – တူၼ်ႈတီး ၼႂ်းၵႄႈဝၢၼ်ႈၵဵင်းၽွင်း – ဝၢၼ်ႈၼႃးၶမ်း ဢိူင်ႇယၢင်းလေႃး ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း  ။

- Subscription -

ၵူၼ်းၵဵင်းတုင် ဢမ်ႇၶႂ်ႈဢွၵ်ႇၸိုဝ်ႈ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၵႃးပိၼ်ႈၶႂမ်ႈတီႈႁိမ်းဝၢၼ်ႈၵဵင်းၽွင်း။  ၵႃးၼၼ်ႉ ႁေႃႈဝႆးသေ ဢမ်ႇၵုမ်းလႆႈႁႅင်းရူတ်ႉၶႃႈ။ ၼႂ်းၵႃးၼၼ်ႉ  ၶီႇမႃးၸွမ်းၵၼ် 15 ၵေႃႉ။ လႆႈမၢတ်ႇၸဵပ်း တင်းၼမ်ၶႃႈ။ လွင်ႈ လူႉတၢႆတႄႉ ဢမ်ႇမီး”- ဝႃႈၼႆ။

Photo: တိုင်းနေနာရေးကူညီမှုအသင်း/ ၵႃးပိၼ်ႈၶႂမ်ႈ တီႈဝဵင်းၵဵင်းတုင် 11/7/2022

ၵႃးပိၼ်ႈၶႂမ်ႈၼၼ်ႉ ပဵၼ်ၵႃးသႅၼ်း Vigo သီၶၢဝ် လမ်းၼိုင်ႈ တၢင်ႇၵူၼ်းမႃး တင်းမူတ်း 15 ၵေႃႉ လုၵ်ႉတၢင်းဝၢၼ်ႈၵဵင်းၽွင်း မႃး တေဢၢၼ်းၶဝ်ႈဝဵင်းၵဵင်းတုင်။

လွင်ႈၼႆႉ ယူႇတီႈၸုမ်းၸွႆႈထႅမ် တႆးၼိူဝ် လႆႈၵႂႃႇၸွႆႈဢဝ်တူဝ် ၵူၼ်းမၢတ်ႇၸဵပ်း ၸိူဝ်းၼၼ်ႉသေ သူင်ႇယူတ်းယႃဝႆႉ တီႈႁူင်းယႃ ဝဵင်းၵဵင်းတုင်ဝႆႉယဝ်ႉလႆႈႁူႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း