Thursday, May 30, 2024

တၢင်းပဵၼ်ၶႆႈဝတ်း(ၼၢဝ်ၼူၵ်ႉ)ၸပ်းၽႄႈတီႈမိူင်းတူၼ်  

Must read

 ၵူၼ်းမိူင်းၼႂ်း ဝဵင်းမိူင်းတူၼ် ဢွၼ်ၵၼ်တိတ်းၸပ်း တၢင်းပဵၼ်ၶႆႈဝတ်းၸွမ်းၶၢဝ်း (ရာသီတုပ်ကွေး၊ ၼၢဝ်ၶူတ်း) ၵၼ် ၵမ်ႈၼမ် မီးမႃးၶၢဝ်းတၢင်း လိူၼ်ပၢႆယဝ်ႉ ဝႃႈၼႆ။

ႁူင်းယႃမိူင်းတူၼ်

တႄႇဢဝ် လိူၼ်ၵျုၼ်ႊ 2022 ၼၼ်ႉမႃး တေႃႇထိုင်ယၢမ်းလဵဝ် ၶၢဝ်းတၢင်းလိူၼ်ပၢႆၼႆႉ ၵူၼ်းၼႂ်းဝဵင်းမိူင်းတူၼ် ၸႄႈတွၼ်ႈမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း  တိတ်းၸပ်းတၢင်းပဵၼ်ၶႆႈဝတ်း (ၼၢဝ်ၶူတ်း) ၶဝ်ႈယူတ်းယႃတူဝ်တီႈ ႁွင်ႈယႃ (ဆေးခန်း) လႄႈ ႁူင်းယႃ သမ်ႉပေႃးတဵမ် ဝႃႈၼႆ။

- Subscription -

ၵူၼ်းမိူင်းတူၼ် လၢတ်ႈတီႈၽူႈတွႆႇႁွၵ်ႈဝႃႈ – “တီႈမိူင်းတူၼ်ၼႆႉပဵၼ်မႃးတၢင်းပဵၼ်ၶႆႈဝတ်း လႆႈလိူၼ်ပၢႆယဝ်ႉ။   ၸပ်းၵၼ်  တင်းႁိူၼ်း တင်းယေး  ၶႃႈဢေႃႈ။ ယွၼ်ႉမၼ်းၸပ်းၵၼ်ငၢႆႈၼႃႇလႄႈ ၸွမ်းႁွင်ႈယႃ (ဆေးခန်း) လႄႈ ႁူင်းယႃ ၸိူဝ်းၼႆႉ ၵူၼ်းပဵၼ်ပေႃးတဵမ်လူင်ဝႆႉၶႃႈ ၸိူဝ်းယူတ်းယႃၼွၼ်းတီႈႁူင်းယႃၵေႃႈ ၼမ်ၼႃႇၶႃႈ”- ဝႃႈၼႆ။

တီႈ မိူင်းတူၼ်ၼႆႉ ၵူၼ်းမိူင်းလဵၵ်ႉယႂ်ႇၼုမ်ႇထဝ်ႈ ဢွၼ်ၵၼ်တိတ်းၸပ်း တၢင်းပဵၼ်ၶႆႈဝတ်းၼၢဝ်ၶူတ်း။ ၾၢင်ႁၢင်ႈတၢင်းပဵၼ်ၼႆႉ တႄႇပဵၼ်ဢႆ ၊ ဝတ်း၊ ၵူၼ်ႉမူၺ်ႈလႄႈ ၼၢဝ် (မီးလူမ်းမႆႈ)  ။ တၢင်းပဵၼ်ၼႆႉ  မႃးၸွမ်းယုင်း ၽွင်းၶၢဝ်းၾူၼ်  ။ တွၼ်ႈတႃႇၵူၼ်းလူင် ဢၼ်မီးႁႅင်းၵမ်ႉတူဝ်တဵမ်ၼၼ်ႉတႄႉ ၸၢင်ႈယူတ်းယႃလႆႈလီငၢမ်းသေတႃႉ တွၼ်ႈတႃႇလုၵ်ႈဢွၼ်ႇလဵၵ်ႉဢၼ်ဢမ်ႇမီးႁႅင်းၵမ်ႉတူဝ်ၼၼ်ႉတႄႉ သင်ဝႃႈယႃဢမ်ႇၶိုတ်းတၼ်းၸိုင် လီမႆႈၸႂ် ၸၢင်ႈထိုင်ဢသၢၵ်ႈသၢႆၸႂ်။

ၵူၺ်းၵႃႈတီႈမိူင်းတူၼ်ၼႆႉတႄႉ ဢၼ်ပဵၼ်ၶႆႈဝတ်းသေ ထိုင်တီႈပေႃးလႆႈလူႉတၢႆၵႂႃႇတႄႉ ပႆႇမီး။ တၢင်းပဵၼ်ၼႆႉ တီႈမိူင်းတူၼ် ပဵၼ်ၸပ်းၵၼ်ယူႇၵူႈပီ   ၵူၼ်းမိူင်း တူၼ်လၢတ်ႈ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း