ၶၼ်ၼမ်ႉမၼ်းၸၢၵ်ႈ ပုင်ႈၶိုၼ်ႈႁႅင်း တီႈဝဵင်းမိူင်းတူၼ် တုမ်ႉယွၼ်ႈၵူၼ်းပိုၼ်ႉတီႈ ယၢပ်ႇၽိုတ်ႇၵိၼ်းၸႂ်ႁႅင်း။
ၵၢင်လိူၼ်ၵျုၼ်ႊ 2022 ၼႆႉမႃး ၶၼ်ၼမ်ႉမၼ်းၸၢၵ်ႈ သႅၼ်းထၢတ်ႈသီႇ 1 လိတ်ႊ 3,000 ပျႃး၊ ၼမ်ႉမၼ်းတီႇၸေႇသမ်ႉ 1 လိတ်ႊမွၵ်ႈ 2,800 ထိုင် 2,900 ပျႃးယဝ်ႉ ၼႂ်းၸႄႈဝဵင်းမိူင်းတူၼ် ၸႄႈတွၼ်ႈမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း တုမ်ႉ ယွၼ်ႈၵူၼ်းမိူင်းပိုၼ်ႉတီႈ ဢွၼ်ၵၼ်ထူပ်းတၢင်းယၢပ်ႇၽိုတ်ႇၵိၼ်းၸႂ်ႁႅင်း။
ၵူၼ်းမိူင်းတူၼ် လၢတ်ႈတီႈၽူႈတွႆႇႁွၵ်ႈဝႃႈ – “ယၢမ်းလဵဝ် တီႈမိူင်းတူၼ်ၼႆႉ ၼမ်ႉမၼ်းထၢတ်ႈသီႇ 1 လိတ်ႊလႂ် 3,000 ပျႃး ယဝ်ႉ။ ၸဝ်ႈၼႃးတႄႉ ဢွၼ်ၵၼ်ယၢပ်ႇၸႂ် ၶၢင်းပေႇၸႂ်ယဝ်ႉ ၼမ်ႉမၼ်းၵႃႈၶိုၼ်ႈၸိူင်ႉၼႆ။ တေႃႈၼင်ႇ ၵူၼ်းႁဵတ်းၼမ်ႉၶႅင် ၶဝ် ယင်းဝႃႈ ၼမ်ႉၶႅင်ၼႆႉၵေႃႈ လူဝ်ႇလိုဝ်ႈယဝ်ႉယူဝ်ႉၼႆၶႃႈဢေႃႈၼႆႉ ဢွၼ်ၵၼ်ၶၢင်းၶႃႈဢေႃႈ။ ယွၼ်ႉဝႃႈ ၵူၼ်းႁဵတ်းၼမ်ႉ ၶႅင်ၶဝ်သမ်ႉ လႆႈၸႂ်ႉၾႆးၼူဝ်းၸၢၵ်ႈသေႁဵတ်း ယၢပ်ႇၸႂ်ၵၼ်ဝႆႉၶႃႈဢေႃႈ”- ဝႃႈၼႆ။
ဢိင်ၼိူဝ် လွင်ႈၼမ်ႉၼမ်းၸၢၵ်ႈ ပုင်ႈၶိုၼ်ႈႁႅင်း ၸိူင်ႉၼႆသေ တုမ်ႉယွၼ်ႈထိုင်တီႈ ပေႃးလႆႈ ပိၵ်ႉဢိုတ်းႁၢၼ်ႉၶၢႆ ၼမ်ႉမၼ်းၸၢၵ်ႈ ၸိူဝ်းၼႆႉတႄႉ ပႆႇမီး ၼႂ်းၸႄႈဝဵင်းမိူင်းတူၼ်ၼႆႉ။
ဝၢႆးသိုၵ်းမၢၼ်ႈ ယိုတ်းမိူင်းမႃးၶၢဝ်းတၢင်း ပီပၢႆၼႆႉ ႁဵတ်းႁႂ်ႈတုမ်ႉယွၼ်ႈၵၢၼ်ပၢႆးမၢၵ်ႈမီးတူၵ်းႁႅင်း။ ၶူဝ်းၵုၼ်ႇၵူႈၸိူဝ်ႉၵူႈမဵဝ်း ပုင်ႈၶိုၼ်ႈႁႅင်း ပဵၼ် 2-3 ပုၼ်ႈ။ ႁဵတ်းႁႂ်ႈၵူၼ်းမိူင်း ႁႃၵိၼ်လဵင်ႉတွင်ႉ ယၢပ်ႇၽိုတ်ႇၵိၼ်းၸႂ်မႃးၵူႈဝၼ်း ႁၢၼ်ႉတေႃႇထိုင် ယၢမ်းလဵဝ် ။ လိူဝ်ၼၼ်ႉ ႁဵတ်းႁႂ်ႈၵူၼ်းမိူင်းတႆး ဢွၼ်ၵၼ်လႆၶဝ်ႈၵႂႃႇႁဵတ်းၵၢၼ်ၼႂ်းမိူင်းထႆးထႅင်ႈတင်းၼမ်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ