Sunday, April 14, 2024

သိုၵ်းၶႄႇၵဝ်ႈၵၢင်ႉ ၶဝ်ႈတီႉၺွပ်းၵူၼ်းပၢႆႈၽေးသိုၵ်း ၵႂႃႇၾိုၵ်းၵၢၼ်သိုၵ်း

Must read

သိုၵ်းၶႄႇၵဝ်ႈၵၢင်ႉ MNDAAတီႉၺွပ်းဢဝ် ၵူၼ်းပၢႆႈၽေးသိုၵ်း 12 ၵေႃႉ ၵႂႃႇၾိုၵ်းၵၢၼ်သိုၵ်း တီႈဝဵင်းၵူတ်ႉၶၢႆ ဝႃႈၼႆ။

Photo by – shar htat paing/ ၵူၼ်းပၢႆႈၽေးသိုၵ်း တီႈဝဵင်းၵူတ်ႉၶၢႆ

ဝၼ်းတီႈ 15/5/2022 ယၢမ်းၵၢင်ၶမ်ႈ 9 မူင်း  သိုၵ်းၶႄႇၵဝ်ႈၵၢင်ႉ MNDAA  တီႉၺွပ်းၵူၼ်းပၢႆႈၽေးသိုၵ်း ၽူႈၸၢႆး 12 ၵေႃႉ တီႈပၢင် သဝ်းၵူၼ်းပၢႆႈၽေး ဝၢၼ်ႈပၢင်လေႃႉ ၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ တႃႇႁဵတ်းသိုၵ်းၶဝ် ထိုင်မႃး ယၢမ်းၵၢင်ၶိုၼ်း 11 မူင်း ပွႆႇတူဝ်ပၼ်ၶိုၼ်း 7 ၵေႃႉ ၼႆယဝ်ႉ။

- Subscription -

ၵူၼ်းပၢႆႈၽေးသိုၵ်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ-“ၶဝ်တီႉၵႂႃႇ မိူဝ်ႈဝႃး ၵၢင်ၶမ်ႈ 9 မူင်း တင်းမူတ်း 12 ၵေႃႉ။ ထိုင်မႃး ယၢမ်းၵၢင်ၶိုၼ်း 11 မူင်း ၶဝ်ပွႆႇပၼ်ၶိုၼ်း 7 ၵေႃႉ။ ဢၼ်ၶဝ်တီႉၵႂႃႇၼႆႉ တႃႇၵႂႃႇႁဵတ်းသိုၵ်းၶဝ် ဢမ်ႇႁဵတ်းဢမ်ႇလႆႈ ဢထမ်ႇမတီႉၺွပ်းဢဝ်တူဝ်ၵႂႃႇ။ သင်ဢမ်ႇႁဵတ်း ၶဝ်တေယိုဝ်းတၢႆၼႆ ပၢႆလွၵ်ႇငိုတ်ႈ ၸိူင်ႉၼႆထႅင်ႈ”- ဝႃႈၼႆ။

ၼႂ်းၽူႈၸၢႆး 7 ၵေႃႉ ဢၼ်လႆႈထုၵ်ႇပွႆႇတူဝ်မႃးၶိုၼ်းၼၼ်ႉ တႃႇၵေႃႉၼိုင်ႈ ယွၼ်ႉဢႃယုယႂ်ႇလႄႈ ႁႂ်ႈဢဝ်လုၵ်ႈၸၢႆးၵႂႃႇပၼ်ၶဝ် ၼႂ်းၶၢဝ်းတၢင်း 5 ဝၼ်း သင်ဢမ်ႇၵႂႃႇပၼ်ၸိုင် တေယိုဝ်းတၢႆပႅတ်ႈ လွၵ်ႇငိုတ်ႈဝႆႉၼင်ႇၼႆ။

ၼႂ်းၶဝ် 7 ၵေႃႉ ဢၼ်လႆႈလွတ်ႈမႃးၼၼ်ႉ တႃႇၵေႃႉၼိုင်ႈ လႆႈလၢတ်ႈၺႃးဝႃႈ မီးလုၵ်ႈၸၢႆးၼႆသေ ၵမ်းၼႆႉ ၶဝ်ပၼ်ၶၢဝ်းယၢမ်း 5 ဝၼ်း ႁႂ်ႈဢဝ် လုၵ်ႈၸၢႆးၵႂႃႇပၼ်ၶဝ်။ သင်ဢမ်ႇဢဝ်ၵႂႃႇပၼ် တေႁႅမ်တၢႆ ၶဝ်လွၵ်ႇငိုတ်ႈ ဝႆႉၸိူင်ႉၼႆ။ ယၢမ်းလဵဝ် လုၵ်ႈၸၢႆးလုင်းၶဝ်ၼၼ်ႉ ၵႂႃႇႁဵတ်းၵၢၼ်တၢင်ႇ တီႈဝႆႉၶႃႈဢေႃႈ”- ၵူၼ်းပၢႆႈၽေးသိုၵ်း တီႈၼၼ်ႈ သိုပ်ႇလၢတ်ႈၼႄၼင်ႇၼႆ။

ဢိင်ၼိူဝ် လွင်ႈသိုၵ်းၶႄႇၵဝ်ႈၵၢင်ႉ  တီႉၺွပ်းၵူၼ်းပၢႆႈၽေးၵႂႃႇႁဵတ်း သိုၵ်းၸိူင်ႉၼႆၼႆႉ ႁဵတ်းႁႂ်ႈၵူၼ်းပၢႆႈၽေး ၸိူဝ်းၵိုတ်းဝႆႉတၢင်းလင် ပဵၼ်ဢၼ်မႆႈၸႂ်လႄႈ တုၵ်းယွၼ်းႁႂ်ႈပွႆႇပၼ်ၶိုၼ်း ဢၼ်ၶဝ်တီႉၺွပ်းဝႆႉၸိူဝ်းၼၼ်ႉ ဝႃႈၼႆ။

 ၵူၼ်းၸိူဝ်းၺႃးတီႉဝႆႉၸိူဝ်းၼၼ်ႉၵေႃႈ   လႆႈၶႂၢင်ႉလၢတ်ႈတေႃႇတင်းၵူၼ်းႁိူၼ်း ၵႅပ်ႉၵမ်းၵူၺ်းဝႃႈၼႆ  ။

“လွင်ႈၵပ်းသိုပ်ႇတႄႉ ၵပ်းသိုပ်ႇလႆႈယူႇ ၶဝ်ပၼ်လၢတ်ႈတေႃႇၾူၼ်းၵမ်ႉၵူၺ်း။ တႃႇတေႁဵတ်းသိုၵ်းၼႆႉ ယူႇတီႈပေႃႈမႄႈၶဝ်တႄႉ ဢမ်ႇၽွမ်ႉၸႂ် ၸွမ်း ဢမ်ႇႁၼ်လီၸွမ်းၶႃႈ ယွၼ်ႉထုၵ်ႇ ဢထမ်ႇမ တီႉၵႂႃႇႁဵတ်းသိုၵ်းလႄႈ ယူႇတီႈ ႁဝ်းၶႃႈသေ တုၵ်းယွၼ်းႁႂ်ႈၶဝ်ပွႆႇပၼ်ၶိုၼ်း ၵူၼ်းၸိူဝ်းၶဝ် တီႉၺွပ်း ၵႂႃႇၼၼ်ႉ။ ယၢမ်းလဵဝ် ၸိူဝ်းၵိုတ်းဝႆႉ ၸိူဝ်းတၢင်းလင်ၸိူဝ်းၼၼ်ႉ ပဵၼ်ဢၼ်မႆႈၸႂ် ယွၼ်ႉဢမ်ႇမီးလွင်ႈႁူမ်ႇလူမ်ႈသင်”- ၵူၼ်းပၢႆႈၽေး သိုၵ်း သိုပ်ႇလၢတ်ႈၼႄထႅင်ႈၼင်ႇၼႆ။

လွင်ႈၼႆႉၽူႈတွႆႇႁွၵ်ႈၶတ်းၸႂ်ၵပ်းသိုပ်ႇၸူး MNDAA ယူႇၵေႃႈ ၵပ်းသိုပ်ႇဢမ်ႇလႆႈ။

 ပၢင်သဝ်း ၵူၼ်းပၢႆႈၽေးသိုၵ်း တီႈဝၢၼ်ႈပၢင်လေႃႉ ၸႄႈဝဵင်းၵူတ်ႉၶၢႆၼႆႉ ၵမ်ႈၼမ် ပဵၼ်ပီႈၼွင်ႉ ၸၢဝ်းလီးသူး(လီးသေႃး)  ၊ ပၢႆႈၽေးသိုၵ်းပၢင်တိုၵ်း သိုၵ်းမၢၼ်ႈလႄႈ သိုၵ်းၶၢင် KIA မႃးယူႇဝႆႉၸဵမ်မိူဝ်ႈပီၵၢႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း